Isaya 48:6 - Bible en Guidar

⁶ Kəprəmənka, kulanənək as pakə, nənah sukum ɓa sa? Təŋ kakaŋka, in tat ərbet zəgeɗ meleketeti zəgeɗ məs nərbet ɓa, məs kisinin ɓa.

Isaya 48:6 ပူးပေါင်းရင်းမြစ်များ

Gəlyaɗe 107:43

Məsmaɗɗula dərme zəgeɗis pakə, gəm dəwelet wəzeɗe na moggon na Yawe.

Gəlyaɗe 119:13

An kətaw də mok pak nəŋɗanəka.

Isaya 21:10

Mərgetiŋ ɗiy naw va hay a kelle, aski məs nəprəm səza Daya Məzuɓappak Maŋgəlva na Israyel. Ndəni nənah sukum.

Isaya 42:20

Kulaŋgək zəgeɗ diyɗa, kərmenin ɓa hara; sləmokum akolko, kəprəmaŋ ɓa hara.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Isaya 42:9

Awle, zəgeɗ məzvet aɗɗaŋgək səkayə; zəgeɗ meleketet nədawnaha, nəpel sukumuk aket tak adaɗɗaŋgə.

Isaya 43:19

In yakəŋ əɗɗa zəga meleketeni; kakaŋ na tay ərba, kəsənnən ɓa sa? Ha'aw, wanəkol tive a kapta-muyã, a muyã wanəɗɗe məlpeŋge.

Isaya 48:7

Zəga an dətoŋ farfari ɓa, kakaŋ kakaŋ nəɗɗa. Kəprəmən əpel akan tak əvoŋ taka tagay ɓa. Vi kədawnahaŋ na: Kəsənənək farfarə ɓa.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Amos 3:6

Kaffoni gozloro nadda ama əlpa məza mekret ɗiy əzlah ɓa sa? Tatwãh wagəɗ a walaŋgəla-metiŋ məza Yawe dəɗɗa ɓa sa?

Mika 6:9

Yawe tay iya walaŋgəla-metiŋ, wakohgit məzugeslne'eŋ sənən iya nani: Məprəm əzga na ɗəf an dəpele!

Matiye 10:27

An nədawnah sukum ara guzli pakə, mərban kapaya. An nədawnah sukum məɗama pak məgilgən appaka.

Yohanna 15:15

Nəyukum na məɗɗaŋ wəza nawa ɓa, vi məgəɗ wəza asən na an məs daya nan adaɗɗa ɓa. Wanəyukum na bayneŋgiɗwa, vi nərban sukumək an məs nəprəm səza Əbba pakə.

Wəza net Masləŋɗe 1:8

Ya wakərəhaŋ gagdaka, an Zeŋgile Salala adek akokum, wakəssoŋ məpeleŋ wən naw a Yerusalem gəm a Yude baymani, a Samari gəm hã aket meŋge na dəlva.

1Korintus 2:9

Va məverin na: Zegeɗ məs hara ɗəf dule ɓa, məs sləma ɗəf dəpprim ɓa, məs makra ɗəf dəɗɗum ɗah ɓa. Zəgeɗ vetiskiŋ Maŋgəlva azeɓet viyit məs dəŋgluwəni.

Hənhən 1:19

Aver an kədawla kana, an kakaŋka, gəm an dədazzan səbbərən.

Hənhən 4:1

Sə dərɓaga as na, nəwəl na: Maddamba tay viŋŋge a disiŋ. Wəla ɗəf maddaabəŋ nəprəm əpel su va gozloro amna: Apeŋ aŋka, wanərban suk zəga məs dədaɗɗa sə dərɓaga aŋka.