Isaya 48:20 - Bible en Guidar

²⁰ Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 48:20 ပူးပေါင်းရင်းမြစ်များ

2Samiyel 7:23

May nawaŋ va mə Israyelɗe ɗiy nok di? Ɗiy meɓɓet tahəŋ aka dələv va ɗiy məs kəbit səvet mə Eziptiɗe də səvet meŋgilveɗ net ka ɗiy nok də əgagdakan iya neti gəm də əɗɗe zəgeɗ gugriɗ viti may zəgeɗ naggət aket vi dələv nokəŋ sa?

Ezra 2:1

Kirtin kivadələv məs dəmndoŋ səka balam, en Nabukodonozor məlĩ na Babilon arəm ake a Babilon məs dəmndoŋ a Yerusalem na Yuda, naway pak a walaŋgəla-metiŋ nan nek yeŋki:

Gəlyaɗe 126:1

Gəlya nawpəŋ ədda əkkam a Yerusalem. Pay Yawe aziwgin wən na Siyon, azam na tay va əssine.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 24:14

Net tahəŋ əslan wəlet əŋzla vaŋvəl na ənnek əgagdakan Daya; tay əŋzlaŋ vaŋvəl hã a disiŋ hã sə kəlammba pay na moskoyo.

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 42:10

Məgagdakan Yawe, məyəgəlya meleketeni. Gagdak nan dəyə hã a təki dələv abaymani, mənokum mədawaŋ a pehe, dit məs dəknahəni, Mətəwəraɗe dit ɗiy naketi.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 48:6

Kəprəmənka, kulanənək as pakə, nənah sukum ɓa sa? Təŋ kakaŋka, in tat ərbet zəgeɗ meleketeti zəgeɗ məs nərbet ɓa, məs kisinin ɓa.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 51:14

Pay nappan ɗəf naddəv əzəmsãhã dəsangən dəman go'oy. Amtə na a fərsəna ɓa, way nawzəm akkpap na səman ɓa.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 52:11

Məddoŋgu, məddoŋgu, migil siske! Kədawrəŋgənən zəga mərnokun ɓa. Məgil səddəvən. Məbbur zukum mənokum məsletin zəgeɗ na wəza na Yawe.

Isaya 52:9

Mərga vokum, məŋgəsl vaŋvəl nannek sapə mənokum əray temtem na Yerusalem! Vi Yawe affetenik makret ɗiy nani, amanək Yerusalem.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Isaya 63:9

Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

Yeremiya 31:10

Ɗiyi, məprəm əpel na Yawe, məprəman aket mətuwəraɗe en faraɗa. Mənah na: Ndən məs dətreygit mə Israyelɗe, dədakkelet gəm dədawget va məzutaɗa də gazlaŋ nani.

Yeremiya 31:11

Vi Yawe akõhgənək Yakob, abitik səva gurom məday kiyən.

Yeremiya 31:21

Ampə zəga narban tive noko aɗi meŋge; aɗi mokrok aka tive kədadawa, amili Israyel, amil addivit walaŋgəleɗe gugriɗ nokəŋki.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Yeremiya 50:8

Mənzoŋ sə Babilon gəm səka dələv net mə Kaldiyeɗi migili, məssoŋ va murgoŋge abet gilewi.

Yeremiya 51:45

Mənokum ɗiy nawa migil səddəvən; naway pak dəkõhgən kiyən səma ədagədəv na Yawe vakvakə!

Yeremiya 51:48

Disiŋ də dəlvafuŋ dit zəgeɗ naket pak waŋzlaŋ vaŋvəl sən ənneke aka Babilon, vi sə kəla disiŋ məraygən təki adazzoŋ akani. Yawe aɗiymani.

Yeremiya 51:6

Mənzoŋ sə Babilon, məkõhgən kiykum! Kədawzaŋ aka heslepe nan ɓa. Vi pay an Yawe adampəlkiya iyi; tay əmndagan sən an dəslə səni.

Zakarya 10:8

Wanəffon sit mohõ, wanəkkeleti, vi nəbitike, wawanən kiyit diyɗa gba lahəŋka.

Zakarya 2:10

Haya! Haya! Mənzoŋ səka dələv na kəla disiŋ, Yawe aɗiymani, vi də tapaslay pay poɗo nətəraygukum, Yawe aɗiymani.

Əmsak aka Mahenziŋ 30:4

An məkuki a təki dələv abayman zlaŋ na, Yawe Maŋgəlva nok wakkolokum sədaka, sədak adawmbat əndukum.

Hənhən 18:20

Disiŋ annek də əray na walaŋgəla-metiŋ nani. Munokum'e ɗiy na Maŋgəlva, maslənɗe gəm məskəleŋɗe vi Maŋgəlva akək wən ammbokum də ətawwən aka walaŋgəla-metiŋ vani.

Hənhən 18:4

Yaŋ nəprəm wəla ɗəf maɓɓan sə disiŋ, yaŋ adawnah na: Məgil səddəv walaŋgəla-metiŋgiska, munokum ɗiy nawa, vi kədawsapaŋ addivit mambrayɗe nan ɓa. Vi konoy nan adawrəhkum ɓa.