Isaya 48:18 - Bible en Guidar

¹⁸ Va kəgəɗək maɗɗula kaka' aket mahenziŋɗe nawa, asna, kəta zazay nok wasan va məlpa, təstəs nok va vovolumɗe na pehe.

Isaya 48:18 ပူးပေါင်းရင်းမြစ်များ

Gəlyaɗe 119:165

Zazay metiŋgin viyit en dəŋglunən mahenziŋ noko: net zəga tay nattepet ɓa!

Gəlyaɗe 36:8

Maŋgəlva moggon nok na sləma yi! Ɗəf titir ara zeŋgile na perslekok adawɗama.

Isaya 33:21

Yawe warban səm gagdak nani. Məlpa wasan adaka, məlpa fədi fədiyə, bəlayɗe məs adaŋkoretin də wəlaŋga addoŋ na kəla dak ɓa, bəlayɗe gugriɗe akkaɗaŋ na ɓa.

Isaya 42:24

Naway dəppan Yakob ka kappətən di? Naway dəppan Israyel vi kappohõn di? Namna Yawe məs məgəɗ sən mambray yi ɓa sa? Dətafənən ədaw aka tive naw ɓa dəprəmən mahenziŋ naw ɓa.

Isaya 45:8

Disiŋ məzi minɗe! Slaybuwən dəppan təstəs ədaw lokloku! Dəlvafuŋ dəkolu ka əkõh dəwəgəni təstəs dəgilgini! Intə Yawe dəzəmiɗ pakə.

Isaya 54:13

Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 61:11

Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Isaya 62:1

Nəsaw na ɓatɓat aka wən na Siyon ɓa; nəsaw na ɗew ɓatɓat aka wən na Yerusalem ɓa, hã gap an təstəs nan arbək kerkeri, əkõh nan tam va mətal offo dawzla.

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Hose'a 10:12

Məzlək təstəsə, wakəkkalaŋ zəga na mabardaw moggoni; Məkkpãy guli meleketeni; kakaŋki kan pay nawkayan Yawe, hã gap adazzan wərban sukum təstəsə.

Amos 5:24

Ɗəɗah wən də tiven dədaw va iŋkile gəm təstəs dəsan va məlpa məs akkpa' ɓa.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Roma 14:17

Vi məlĩ na Maŋgəlva na, wən na əzəma gəm əsa iyi ɓa, ya təstəsə, zazaya gəm ənnek addəv Zeŋgile Salala iyi.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta:

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”