Isaya 48:17 - Bible en Guidar

¹⁷ Aŋki an Yawe məzukõhguk, Salala na Israyel anahə: Intə Yawe, Maŋgəlva noko. Intə məzuyogok ka kəndərehgəni; intə məzədawguk aka tive məs kədazba.

Isaya 48:17 ပူးပေါင်းရင်းမြစ်များ

Va'Atəŋ 24:48

Nəgdukuko, nəppu'uk aba Yawe; nəfetik aka Yawe, Maŋgəlva na Abraham daya nawa, dəku aka tive an təstəs nawgəmət wətən məlmən daya naw sən wətəni.

1Milyeŋge 8:36

nok, kəprəm sitgən sə disiŋ, kəvvuyon sitgin mambray net belemɗe noko gəm net ɗiy nok mə Israyelɗe, kərban sitgin tive moggon an adazbaŋgə, kəziygən buwən aka dələv nok məs kəpsit ɗiy nok ka neti.

Ɗerewel na Yob 36:22

Awle, Maŋgəlva məlĩ yi də gagdak nani. Naway mərbəzəga va ndən di?

Gəlyaɗe 25:12

An ɗəf tay əgeslne' sən Yawe, nan warban sən tive an adawele.

Gəlyaɗe 32:8

Wanəyogoko, wanərban suk tive məs kədazba, wanəpsuk pepete, wanəzi haraw akoko.

Gəlyaɗe 71:17

Maŋgəlva, kəyagawək təŋ səka gawlawa, hã kakaŋ in tat əpel wən nok naggət akani.

Gəlyaɗe 73:24

wakədawgu də wəzga' noko, wakəgəmu addəv gagdaka.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 28:9

Yaŋ ɗiy adawnahaŋ na: «Sən naway ɗəf Isaya van adaŋgla əyagan sən əsən di? Sən naway adaŋgla əprəman hənhən nan di? Sit kirin məvok met səket bide sa? Sit kirin məɓuhit səmet bide sa?

Isaya 30:20

Addəv tatwãh gəm əsərma nokum Daya wapsukum way dit iŋkile. Məzuyagok aɗam na səma horok əmpa ɓa, horok wawla məzuyogoko.

Isaya 30:21

Sləmok waprəm əpel dərɓogok an is tat əddok dəka dəzəŋ awaniɓa dəka zlaɓay dawnəh na: «Tive yaŋka, azbani.»

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 43:14

Aŋki an Yawe anahə, ndən məzukõhgukum, Maŋgəlva Salala na Israyel: Aka batamkum in tat əslən ɗiy əgay a Babilon wanərɓehet beymeti, mə kaldiyeɗ dədannekeŋ aka bəlayəŋki.

Isaya 43:16

Aŋki an Yawe anahə, ndən məs dəkol tive addak pehe məs dəntar tive gargar addekit iŋkile məsgagayɗe.

Isaya 45:11

Aŋki an Yawe, Salala na Israyel, dəzəmiɗ ɗiyis anahə: Mənokumtə nattokow aket zəgeɗ nazzoŋ aket kirtu gəm nawɗi su wən nan aka an nədaɗɗa sa?

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 54:13

Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Yohanna 6:45

Məverni addivit məskəleŋɗe na: Maŋgəlva wayeget pakə. Ɗəf dəprəm məs dəde səza Afu gəm dəyak pak, wade azawa.

Efesus 4:21

An əpel akan kəprəmaŋgə, an anani məyagan sukum dekdek də gegesiŋ məs naddəv Yesu,

Yosuwa 3:4

walaŋkum dəndən dəsangən zəga na metər taka hara, kədaddereŋ azan ɓa, vasna wakəsənnən tive məs kədazbaŋgə, vi kədawaŋ ɗah dəka tive van ɓa.»