Isaya 48:12 - Bible en Guidar

¹² Məprəmwa, Yakob, gəm Israyel, ɗəf məs nəyə, Intə, ina. Intə ətəŋga intə əggraka.

Isaya 48:12 ပူးပေါင်းရင်းမြစ်များ

Wənməkkpaŋga 7:24

Yaŋ kan na kirni, məprəm suwa, məpak sləmokum ammba əpel na mawa.

Wənməkkpaŋga 8:32

Ya gəgaŋ na kirni, məprəm suwa. Əzaɓ aket ɗiy en dəzbanən tive nawa.

Isaya 34:1

Ɗiy naket dəlveŋge məzar aŋka vi kaprəma; vanday məpak sləmokum. Dələv də an dəknah pakə waprəma gəm ənziya egge də an adawa pakə.

Isaya 40:26

Məslan horokum a disiŋ, mula, naway dəzəmiɗ zəgeɗ vet di? Ndən dədawgilgin dula net gədakə, dədawyet pak də iya neti, vi tay də əɓap diyɗa, gbəgboŋ nan nanəhi ɓa, taka tay dəzə ɓa.

Isaya 41:4

Naway dəɗɗum dəɗɗa di? Ndən dəya sayit ɗiy aka də wətəŋ nani. In Yawe tə daabəŋ, dit ɗiy nadirɓe, intə'e.

Isaya 43:10

Mənokumtə məziweɗe nawa, Yawe aɗiymani; məɗɗaŋ wəza nawa, məs nəweli. Vi kəsənnəngəni, kətafwəngəni gəm kəprəməngən na, naw intə Maŋgəlva. Daabəŋ kiwa, maŋgəlva tay mərkan ɓa, tay nassan abbəru ɓa'a.

Isaya 43:11

Naw intə Yawe, məzukõhgən ɗəf tay abbəru ɓa.

Isaya 44:1

Ya kakaŋ na, aprəma, Yakob məgəɗ wəza nawa, gəm Israyel, is məs nəweli.

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 46:4

Va lahəŋ nədasaw hã gap in galə wanərma vokum, wanəɗɗa hã gap kiykum barə. Wanəslokum, wanərma vokum, wanəkõhgukum.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 51:1

Məprəmwa, mənokum məs kəŋglaŋ təstəsə, məzukayanən Yawe. Mula milɓe məs məbazlkum səzani, gəm addəv vov məs məkdakum sədaka.

Isaya 51:4

Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 51:7

Məprəmwa, mənokum məs kəsənnən təstəsə, ɗiy məs mahenziŋ naw a mekreti kəgeslne'eŋ sən əzel na ɗəf titir ɓa, may əvviren zukum sən əra net ɓa.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Matiye 20:16

Vaski ɗiy en meddirɓe wakkpaŋgaŋ ɗiy en maddaabəŋ, ɗiy en maddaabəŋ wakkpaŋgaŋ ɗiy en meddirɓe.

Roma 1:6

Nokum pak a walaŋgit ɗiy məs Yesu Kristu ayə kənanaŋgə.

Roma 8:28

Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.

1Korintus 1:24

Ya azet məs Maŋgəlva ayə, mə Yudeɗi gəm Gərekɗe, Kristu wi əɓap na Maŋgəlva gəm maɗɗula na Maŋgəlva.

Əmsak aka Mahenziŋ 32:39

Mula kakaŋka: intə, abbəru tay ɓa, maŋgəlva maɓɓan tay azaw ɓa, intə nawbay ɗəfa, intə nappan madarani, pay nəŋzluwa, intə nanzaɗni, Ɗəf tay nawmõhən səvaw ɓa.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 1:11

ətəlma na: An kədawlaŋka aver addəv ɗerewel, aslən sit gəleɗe na Maŋgəlva buhul: a Efesus, a Samirna, a Pergame, a Tiyatira, a Sardis, a Filadelfiya, də a Lawdikiya.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.

Hənhən 22:13

Intə A, intə Z, intə Tizi na zəga pakə, intə bayma na zəga pakə, intə wətəŋ na zəga, intə wəbayma zəga nan pakə.