Isaya 48:1 - Bible en Guidar

¹ Məprəm zəgeɗiŋki, ɗiy na Yakob, mənokum məs adawyukumən də iya na Israyel, mənokum məs kəgulyoŋ səza Yuda na: mənokum məswayaŋ də iya na Yawe gəm də Maŋgəlva na Israyel, ya addəv gegesiŋgi ɓa, addəv təstəsi ɓa.

Isaya 48:1 ပူးပေါင်းရင်းမြစ်များ

Va'Atəŋ 32:28

Aɓsən na: «Mbari iya nok di?» Amna: «Yakob.»

Va'Atəŋ 35:10

Maŋgəlva aɓsən na: «Iya nok Yakob iyi. Kawyuki Yakob əmpa ɓa, iya nok na Israyel adawsani.» Yaŋ aya na Israyel.

2Milyeŋge 17:34

Hã pay dəpaŋ tahəŋ əɗɗaŋ va azet tiveɗnanziya net farə: awgeslne'eŋ sənən Yawe ɓa; aɗɗaŋ va əpelɗe na ənziya na Yawe ɓa, matuya yi dəkkpaŋ ka neti, azbetin mahenziŋɗe, tiveɗnanziya də mahenziŋ məs Yawe aɗiy sit wən nan sit kirtin Yakob, məs apsən iya nan na Israyeləŋ ɓa.

2Milyeŋge 5:20

Gehazi, gawla na Elisa ɗəf na Maŋgəlva, amna: «Yaŋ daya naw appan Na'aman mə Araməŋ aɓoŋ dawtaf an akiyə. Va Yawe asan madarani, sessel wanənzaw ammbani, nətafgən zəga səvani!»

Gəlyaɗe 63:11

Wabeynin də masalam, wassoŋ ka haran net wawayɗe.

Gəlyaɗe 66:3

Mənah sən Maŋgəlva na: «Wəzaɗe nok naggət aketiŋgə! Aba memetin na gbogboŋ nok na, məzuzelɗe nok tahəŋ əkiyaŋ sukun ma neneke.

Gəlyaɗe 68:26

Miyaŋ gəlya abe, məffoŋ zəga dirɓe, addak təkiya, kirin muguluŋgit tay əbayaŋ gaŋga.

Gəlyaɗe 68:27

Addəv əkkala, məfet aka Maŋgəlva, Yawe, təŋ sə gbugburzlo Israyel.

Əgilye 23:13

«Mərma an məs nənah sukum pak təstəsə: kədawyaŋ iya net meŋgilveɗ meɓɓet ɓa, ɗəf adaprəmən amokum ɓa.»

Wənməkkpaŋga 5:16

Heret iŋkile nok dəzlbaŋ appaka may iŋkile en net lolohẽɗ nok dənzoŋ a kapta ɗar sa?

Isaya 26:13

Yawe, Maŋgəlva namə, deyeɗe mbirit azəmaŋgək məlĩ akamə. Istə kaka' mədawgagdakan iya noko.

Isaya 44:5

Ɗəf aŋka wanah na: naw na Yawe nani; ɗəf andaka, waya kiyzən də iya na Yakob. An mbərən waver aka van na: Naw na Yawe nani walvan kiyzən na Israyel.

Isaya 45:23

Nəswayək də ki zuwa təstəs səmaw adawgilyeni, əpel van addəɗ ɓa, ɗiy pak wakdukun takperet abawa ma pak wasway də iya nawa.

Isaya 46:12

Məprəmwa, makra ɓəɓəlɗe məssoŋ ɓa səza təstəsə.

Isaya 51:1

Məprəmwa, mənokum məs kəŋglaŋ təstəsə, məzukayanən Yawe. Mula milɓe məs məbazlkum səzani, gəm addəv vov məs məkdakum sədaka.

Isaya 51:2

Məwəl aza Abraham, afukum, gəm azat Sara, ndet məs təwəkum egge. Vi takərgən nəya yas nəɗɗa əzaɓ akani nəkkpaŋgan ka ɗiy diyɗa.

Isaya 58:2

Aza əvoŋ pak tahəŋ ədder azawa, aŋglaŋ dəsənnəngən tive nawa va ɗiy məzəɗɗaŋ miyi pak də tiveni. Va ɗiy məs dəzganən an Maŋgəlva ataw naɗɗa ɓa. Tahəŋ əttokowən an Maŋgəlva aziwgini, aŋglaŋgək Maŋgəlva dəsangən go'o azeti.

Isaya 62:8

Də dəzəŋ nani, də va gbəgboŋ nani Yawe aswayək na: Nipsit na haykəmari nok ka zəga nawzəm net məzuzelɗe nok əmpa ɓa; molhõyeɗ asaŋ na mbazla na meketepe nok məs kəyə vinəŋ ɓa.

Isaya 64:6

Ɗəf tay nawya iya nok ɓa, tay nawsilye kadder azok ɓa. Vi kəɓoŋguk dawləmə, kəppamək əskot addəvit heslepeɗe namə.

Isaya 65:16

Ɗəf naka dələv dəŋgəl əzaɓ sən kini, waɗɗa də iya na Maŋgəlva an gesiŋ məs ɗəf adawɗi əɗɗum nan akani. Ɗəf naka dələv dəŋgəl əswaya, wasway də iya na Maŋgəlva an gesiŋ məs ɗəf adawɗi əɗɗum nan akani. Kazgəti ki əzəmsãha an na maddaabəŋ vi waɗam faraɗa səma harawa.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Yeremiya 44:26

Vini kana, məprəm əpel na Yawe mənokum ɗiy na Yuda naka dələv na Eziptə pakə, in yakəŋkə, nəswayək də iya naw metiŋgini, Yawe anahə: Ɗəf na Yuda tay nawya iya naw aka dələv na Eziptə bayman dawnəh na: Də iya na Daya Yawe madarani ɓa.

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Məsdəlveŋge 19:12

Kədaswayaŋ də uwawən də iya naw ɓa; vasna wakəraygən iya na Maŋgəlva noko. Intə Yawe.

Mika 2:7

Vas kənah sa, gəla na Yakob? Əɓəs na Yawe agrakək sa? Wəza nan vaski sa? Əpel naw agəɗ na moggon sən ɗəf mədaw təstəs ɓa sa?

Sefanya 1:5

gəm məzəppu'oŋ aka təgbalka abet məzəlpaŋ na disiŋ, gəm məzəppu'oŋ aba Yawe ndəɗaŋ əswayaŋ də iya na maŋgəlva net Melek.

Zakarya 5:3

Aɓsu na: «Aŋki mefɗeke an dədazzan aka dələv gboŋgu. Məhãla pak karɓahani, gəm ɗəf an dəsway dəkan pak karɓahani.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Əŋɗa 24:7

Iŋkile tahəŋ əpislkiweŋ səmet gagiyeɗ nan sulegiti, tay əzlga a təki məs dəbə iŋkile diyɗa. Sləma məlĩ nan wasan day ki na Agag, məlĩ nan wazəm tiki əmbata.

Matiye 23:13

Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əmpan maddamba na məlĩ na disiŋ səbet ɗiyi. Munokum zək nokum vani, kawtoŋgoŋ ɓa, ya kəppetin ɗiy en dəŋglaŋ ətoŋ dətoŋgoŋgən ɓa. [

Yohanna 1:47

Adan Yesu awla Natanayel dazzan azani, apelik akani, amna aŋki mə Israyel an gesiŋ məs tay də muluvuluvu azan ɓa.

Yohanna 4:24

Maŋgəlva Əmpəsi, ɗiy məgagdakanən dəgagdakanən də Əmpəsa gəm də gegesiŋ.

Roma 2:17

Ya an nok mə Yuda adawyukuni, ya is əɗi əɗɗum nok aka mahenziŋ gəm ənnek nok aka Maŋgəlva,

Roma 9:6

Vasna, əpel na Maŋgəlva tay də ətərwəray ɓayi ɓa. Vi zeŋvit mə Israyelɗe pak mə Israyelɗe əŋgə ɓa.

Roma 9:8

Va ənah na, kirin net mbeliŋ kirtin Maŋgəlva ɓa, kirin na iynama əŋgə naŋɗa ka zeŋve.

Əmsak aka Mahenziŋ 10:20

Yawe Maŋgəlva noki yi kədawgeslne' sən də wəgəɗ sən wəza, azan kəlbay zuko, də iya nan kədaswaya.

Əmsak aka Mahenziŋ 33:28

Mə Israyelɗe tahəŋ əffet fendeŋge; kirtin Yakob, assoŋguk akki nawɗama, aka dələv na, haykəmari də mbazla na megezlembirke, disiŋ tay əppet minɗe əziyaŋ akani.

Əmsak aka Mahenziŋ 5:28

Yawe aprəmək wəlokum gala kəpeleŋ suwəni; yaŋ Yawe aɓsu na: «Nəprəmək əpel an ɗiyiŋ anahaŋ sukuni: “An apeleŋ pak moggoni.

Əmsak aka Mahenziŋ 6:13

Yawe Maŋgəlva noki yi kədawgeslne' səni, anan kədawgəɗ sən wəza, də iya nan kədaswaya.

1Timote 4:2

Wazbanən muluvuluvu net muwaŋ wəna, məs məslar əɗɗum na makret də təbəz nziliwnziliwi.

Hənhən 2:9

Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.