Isaya 47:9 - Bible en Guidar

⁹ Zəgeɗ sules pak na: Əssa gagəbaya gəm wəssa məza kirin ɓa, warukun pay taka aka ma taka. Wazzoŋ akok də gbogboŋgo də kəsok də miha na guzliguzli gəm nawdap ɗəf diyɗa zlaŋgə.

Isaya 47:9 ပူးပေါင်းရင်းမြစ်များ

Gəlyaɗe 73:19

Wazaŋ go'u, wagrakaŋgə, azaŋgək sən geslne.

Isaya 13:16

Kawpiweti kirtit a ma hereti, kawsləpatni zəga səŋgil anetda, kawvoŋgiti gil net na gagayə.

Isaya 21:9

Ɗəf yandak əzzan aka mawta nawgay mətokun ammbet pelseŋge sula. Tay ətəlma, tay ənah na: askotko, Babilon askotko! Zəgeɗkamaŋgəlva net aŋgrofoŋguk afuŋgu!

Isaya 47:11

Tatwãh wade akoko, kəsən na pay nan ɓa; əza wade akoko kəkõh na səman ɓa gurzik na, əza wade akok məza is əsənən akok ɓa.

Yeremiya 15:9

Məs tuwə kirin buhul tətdakka əmpəs agilik səzata. Pay nat atəpək də kapaya. Zəga net wili azata, zət baybayə. Medembirgit na, wanəppet ama masalam abet məzuzelti, Yawe aɗiymani.

Yeremiya 51:29

Dələv tay əkkere, tay ɓalwãy-ɓalwãy sən əssa vi əɗɗum na Yawe aka Babilon tay əknaha. Tay əkkpaŋgan dələv na Babilon təki məraygən məza ɗəf akan ɓa.

Daniyel 2:2

Məlĩ aɗiyək wən nan kakkelet məskaŋ heligi, məɗɗaŋ tetele, məɗɗaŋ sekene gəm məkosonən wən net ŋgərzleɗi, ka dəboton sənəngən əssine nani. Azzoŋko yas aziwəŋ aba məlyã.

Daniyel 4:7

Aka nəsaw aka zəga nafno nawa, an nəwəl addəv əssine naw yaŋka: wəlaŋga məɓayən diyɗa məmpan addak dəlva.

Daniyel 5:30

Addəv dəfɗəska'e, məbay Belsazar məlĩ na Babilon.

Daniyel 5:7

Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

Nahum 3:4

Aka wən na wəday net polkoyeɗ nat məpolkoyokə məstetele gaŋgaŋ məs pepet diyɗa awan zəni, ndət məzuvil ɗiy-ɗar dit polkoyeɗ nata, gəm mahəlfaɗe dit teteleɗe nata,

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

Ɗerewel nat Rut 1:20

Ndət əzlan sit na: «Kədawyəwən na Nawmi ɓa! Məyu na Marra! Vi Məzuɓappak akkpaŋgawək na sahã an faɗə.

Ɗerewel nat Rut 1:5

Siske na, Malon də kiliyon zamaŋ sulegit tamə, guluk nak təsatək məza kirtit sula nek ɓa məza zələt ɓa.