Isaya 47:8 - Bible en Guidar

⁸ Aprəm wənəŋ kakaŋka, is məŋgəl ənneken zuko, məs dəsan ɓatɓatə, is məzunah a mokrok na: Ɗəf tay va in ɓa! Nəsaw na gagəbay ɓa kawbeyti kirin ɓa.

Isaya 47:8 ပူးပေါင်းရင်းမြစ်များ

Isaya 14:14

Wanəpeŋ balsən slaybuwna, wanəsaw məstaka də Maŋgəlva Məsəɗəɗə.

Isaya 32:11

Məkker kana mənokum məzulanən zukum va zəga tay dəmbər sukum ɓa, məgeslne'i, mənokum məzulanən zukum. Məppet zəgeɗ nawgul nokumu, məgbuku, minan gabaga na gəlabay addakkum.

Isaya 32:9

Gil məzulanən zit va zəga tay dəmbər sit ɓa, misili məprəmwa. Kirin muguluŋgit məzulanən ziti məsla zukum nəpelke!

Isaya 45:18

Vi vaŋki Yawe məs dəzəməɗ disiŋ, ndən Maŋgəlva məs dəzaɓan dəlvafuŋ, aɗɗa aziwgin məza foŋlorro ɓa, azəməɗ vi ɗiy dəssoŋgən akani, azaɓani. Ndən dənah na: Intə Yawe; Maŋgəlva tay maɓɓan ɓa.

Isaya 45:5

Naw intə Yawe, tay mbərən ɓa. Dabərkiyu na, Maŋgəlva tay mbərən ɓa. Nəɗikuk ama wəza məza kəsənu ɓa.

Isaya 45:6

Mammba dələv baymani kawsənni na zəga tay mə balsu ɓa. Naw intə Yawe, tay mabərən əmpa ɓa.

Isaya 47:10

Kəppanək əɗɗum nok aka əɗɗa darawə. Is tat ənah na, ɗəf tay məzulu ɓa. Maɗɗula nok gəm əsən nok amndagokunuk dirɓe yaŋ kənah a mokrok na: Ɗəf tay va in ɓa!

Yeremiya 49:31

Misili, məddoŋ aket ɗiy məs tahəŋ də əɗɗum aket ɓa məs dəssoŋ fendeŋge Yawe aɗiymani məs zlava tay aket ɓa, zəga nawslakat metive tay ɓa. Məs dəssoŋ gayəŋka!

Yeremiya 50:11

Ah, wakəɓap ənnekeŋgi, wakəbabyakaŋgə, mənokum məppohonən dələv nawa! Wakəzlahaŋ va bəlata a kevile gəm wakəhəmaŋ va pilseŋge na zeŋve!

Yeremiya 51:53

Kəta Babilon dəpeŋ a disiŋ zlaŋ, kəta dəkkpaŋgan əɓay na gbogboŋ nan məs ɗəf awɓap əgap azan ɓa, sə kəlazawa, məzuraygənən wagapaŋ azani, Yawe aɗiymani.

Ezekiyel 16:49

Heslepe nat məlmuk Sodom yaŋka: məzukaɓtə, məbattə, fendeŋge tawɗəku zəga ɓa, ndət dit kirtət muguluŋgiti; tabbah sit məzurayɗe dit məssãhẽŋɗe ɓa.

Ezekiyel 28:2

«Wətən ɗəfa, anah sən daya na Tir na: Vaŋ Daya Yawe anahə: Adan əkaɓ ade a mokroko, yaŋ kəmna: maŋgəlva nani, a təki nassa net meŋgilveɗ nani, addekit peheɗi. Dəka ɗəf kənani maŋgəlva kənan ɓa, yaŋ kəɗi zuk va meŋgilveɗi!

Ezekiyel 30:9

Pay dəpaska, metiveɗ wagilyoŋ səzaw də bəlay kadda əɓlan Etiyopi məs fendeŋge; əzəmsahãy nassan sit pay na tatwãh na Eziptə. Vi yaŋ tay əgapa.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 4:22

Karɓuhki sə weleŋgit ɗiyi, wakəsok sap dit zəgeɗ memeyẽɗ nawra; zəga nawzəm nok wasan kevile va net wasliɗe, minɗe waziyaŋ akoko; wakəsok əzva buhul awra, hã an kəsənək na Məsəɗəɗə na, ndəni daya aka məlĩ net ɗiyi, tay əɗi ɗəf məs aŋgəl aka məlyã.

Daniyel 4:27

məlĩ agəmək əpele anahək na: Aŋ Babilon metiŋgin məs nərkə də gbogboŋ gəm də wəɓap naw sən gagdak na məlĩ nawəŋki ɓa sa?

Daniyel 4:30

Pay vanəski əpel nak aknah aka Nabukodonozor: mərɓahni sə weleŋgit ɗiy; azəmək kevile va net wasliɗe, gəɓa zən aləɓək sit minɗe, deɗekeɗ agilyoŋguk azan silipsilip va na Gazla, perzleŋ van aɓayaŋgək va net biŋgeɗi.

Daniyel 4:4

Yaŋ məskaŋ heligi, məɗɗaŋ sekene, mə Kaldiyeɗi gəm məkosonən wən net ŋgərzleɗ atoŋgoŋgu, nənah sitik əssine nawa, ya dəɓap wəbotoŋ suwən gabban ɓa.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 5:30

Addəv dəfɗəska'e, məbay Belsazar məlĩ na Babilon.

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Nahum 3:4

Aka wən na wəday net polkoyeɗ nat məpolkoyokə məstetele gaŋgaŋ məs pepet diyɗa awan zəni, ndət məzuvil ɗiy-ɗar dit polkoyeɗ nata, gəm mahəlfaɗe dit teteleɗe nata,

Habakuk 1:7

Korsomoyɗeŋ nawgeslne' sitiŋ, ndəɗaŋgə dədawɗinən gagdak net də tive nan sən kiyti.

Sefanya 2:15

Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

Mətawaŋwəna 18:27

Akeninik zəgeɗ en Mika azaɓə gəm məsdələv na daŋgla nani, addoŋ əwak sən Layis məs ɗiy nan assoŋ kiyit foŋgo, fendeŋge, abeynin də masalam, aɗisənən offo sən walaŋgəla-metiŋ.

Mətawaŋwəna 18:7

Zel sle' nek addoŋko, agapaŋ a Layis. Arihinin ɗiy nadak ənziyaŋ kiyit foŋgo gəm fendeŋge va əssa net mə Sidonɗe. Ɗəf tay məpel na gəgay aka dələv van sən ɗəf məs ki wəza avan ɓa. Net ɓa'əŋ səzet mə Sidonɗe. Wən net tay də ɗəf təttaka dayday ɓa.