Isaya 47:2 - Bible en Guidar

² Egim kirtit buwən sula asər haya. Ator zəga səkoko, akros gabba lukut nok kəppangən mettilok appaka kəkkaɗgən kiyit məlpeŋge.

Isaya 47:2 ပူးပေါင်းရင်းမြစ်များ

Va'Atəŋ 24:65

təɓsən gawla nak na: «Ɗəf naŋgay məzəbbal awra əzza wələm səm ndak di?» Amna: «Daya nawi yi.» Təgəmək zəga nazlzlar akata, ndət akat zəzəɗə.

1Alabaraɗe Də Mabərkiziti 19:4

Yaŋ Hanun arme gewleɗ na Davit nek afaɗ eŋgemeti, ataw lukutɗe net səza way gebbeti, appet addoŋgu.

Ɗerewel na Yob 31:10

asna ɗak naw təsər sən ɗəf maɓɓani, gəm ɗiy meɓɓet dəvoŋgetəni.

Əgilye 11:5

Uwa maddaabəŋ naka dələv na Eziptə pak wamtə, təŋ səza uwa na Farawən maddaabəŋ, məs dədawgəm mazaŋga na məlĩ nan kəta, gap aza an nat balamək nan məzusəra, dit kirtit zəgeɗ memeyẽɗ maddaabəŋ pakə.

Məsmaɗula 12:4

Tak sləmok tay əprəm geŋgere naka tive, ɓaɓəlma əsər adawɓəta, əhəm na gəmnda adafɗahan ɗəfa, gəm əya gəlyeɗe pak adassoŋ ɓatə.

Isaya 20:4

Vaski məlĩ na Asiri adawke məfərsəneɗ sə Eziptə, gəm ɗiy en adawsimgit sə Etiyopi, gewleɗ dit mezzeɗ zit mekeleŋ, tilit mekeleŋ. Gebbet mekeleŋ, ərba wili vi Eziptə!

Isaya 3:17

Yawe waɓoɓrot muhur kiyit səket kirin muguluŋgit na Siyon pakə wappət muhur sə mirbizti.

Isaya 3:23

zəgeɗ nawla hara ɗəf dəndəni, lukutɗə va gbəŋtəŋɗe məsilipɗe, kulpupu nat ma'ãykə gəm məsərət kiya.

Isaya 32:11

Məkker kana mənokum məzulanən zukum va zəga tay dəmbər sukum ɓa, məgeslne'i, mənokum məzulanən zukum. Məppet zəgeɗ nawgul nokumu, məgbuku, minan gabaga na gəlabay addakkum.

Yeremiya 13:22

Ya an kənahək a mokrok vimi zəgeɗ vas adawrəwən di na? Vi memetiŋ na heslepe noki məkros gabba lukut nokum məsilipi, gəm mərma motokpotokpo təlko.

Yeremiya 13:26

In sən kiyu wanəslan gabba lukut məsilip nok hã aka horok, kawlani zəga nawki wil aroko.

Yeremiya 25:10

Wanəɓətgən geŋgere na ənnek gəm na əbabyak sənetda, gəlya na gawla an dəɓel gəm an nat məɓelta, gəlya nawsəra gəm wanəmtan lalam neti.

Yeremiya 27:7

Ɗiy naka dələv pak wagəɗ sənən wəza, sən wətəni, sən wəten wəteni hã gap pay dəlveŋge diyɗa gəm milyeŋge gugriɗe adakkpaŋganən ka məgəɗ wəza neti.

Əɓuhma 5:13

Gewleɗ togbõli tahəŋ əsəraŋgə, gewleɗ tahəŋ əskotoŋ sən gagdak na zəga nawsla.

Hose'a 2:3

Mənah sit milmiŋgiɗkum mezeŋgleketi, gəm sit milmiŋgiɗkum muguluŋgit tamə: Ruhama: ɗiy naw məs nəŋgələ.

Mika 1:11

Ɗiy na Safir, məddoŋgu, zukum mekeleŋ gəm net wili. Ɗiy na Sa'anan agilyoŋ na ɓa. Tay əɓuhnən met a walaŋgəla na Bet-Essel, əbbah nan pak wagəm səzokum.

Matiye 24:41

Gil sula wassoŋ wəsər aka buna, Kawgəmi taka, mbək taka.

Luka 17:35

Gil sula wassoŋ əsər a təki taka, Kawgəmi taka, mbagət maɓɓata. [

1Korintus 11:5

Ya guluk pak, an tat əkkama awaniɓa əɗaɗa kəleŋ kiyət mekeleŋ, wil tədarbə sən daya nata, vi məstakayi va təfaɗək kiyta.

Mətawaŋwəna 16:21

Yaŋ mə Filistiɗe armanəni, agdəhənən haran sulagəni, aprikginən a Gaza, aynanən dit ŋgəyamɗe heret sula na təbəz pepreŋge. Asanək əkkpaŋgan gərəm nawsər addəv gəla net məfərsəneɗi.