Isaya 47:14 - Bible en Guidar

¹⁴ Awle, wassoŋ va kevile: offo wazle, akõhoŋ na səma hərzlum offo ɓa. Slayoffoy a gulo nawda zəga akan may nassa əluhun ɓa!

Isaya 47:14 ပူးပေါင်းရင်းမြစ်များ

Əgilye 5:12

Ɗiy nek atərayaŋgək aka dələv na Eziptə pak, kaksom marbaza ka tərɗa.

Isaya 10:17

Əkeɗeɗe na Israyel, wakkpaŋ offo; Maŋgəlva salala wakkpaŋ hərzləm offo wazle gəm waterne tintifɗe dit degirgeɗ nan, aka pay taka,

Isaya 30:14

Əɓzla nan, wasan va əkrap na mesteɓe məs dəkrapə azaɓ na ɓa kawrəhni kasli nan a təki akrap kawgəm offo dəndən sə gulo ɓa, gəm kawmbaɗ iŋkile dəndən sə bobok ɓa.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 40:24

Məggraki əmpet ɓa ləŋgə, məggraki əzlget ɓa ləŋgə, weleŋgit dəmpa suwerin aka dəlvafuŋ ɓa ləŋgə, yaŋ afu' səmyã aketi, adaŋkəlaŋgə yaŋ barkataŋ asilgit a disiŋ va kevile.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 44:16

Pəɗak na motoffo vani wazla akoffo; aka pəɗak nan adawya slu adawzəm hã ndən kpe'i. Awaniɓa walu offo dawnəh na: Ah, yas kana zu tay kahə, offoŋ neki yi!

Isaya 5:24

Vi vaski, va adawzlaŋ tərɗa akoffo awaniɓa kevile, vaski ərəh neti wazlaŋ addəv offo, gebbet waŋgənə, uffuyõ net wammbat til va burɗuku, vi azeleninik mahenziŋ na Yawe Məzuɓappak gəm azeleninik əpel na Maŋgəlva Salala na Israyel.

Yeremiya 51:30

Məs məkret nalpa na Babilon appanənək əgaya addivit korguɗe adassoŋgu. Mekret amtəka, akkpaŋgaŋgək va gili. Məslakataɗe na maddamba anzlaŋka, məɗiyə offo sit gəleɗe nani.

Yeremiya 51:32

Mətakni təki naggara, aɗiyaŋgək offo sit wəleŋɗe, məzəlpaŋ attapaŋka.

Yeremiya 51:58

Vaŋ Yawe Məzuɓappak anah əmpa: Zlava slosloprok na Babilon əɓzla adaɓzla gərakə, kawɗi siti offo sit metiveɗ nan məɓeytiŋki ɗiy zit ayanən ɗarə, ɗiy ayanənək zit sən offo!

Ezekiyel 15:7

Wanəkkpaŋgan haraw aketi; agilyoŋguk səkoffo, ya offo wazle; vasna wakəsənnən na, intə Yawe pay nədawɗi haraw aketi.

Yo'el 2:5

Va ɓaɓəlma mawta nawgay məzuzlah aka dadwar kiyit mossorgoɗe gugriɗe; va ɓaɓəlma offo adawzla tərɗa; va ɗiy gambereɗ məssẽhit a ma wəgaya.

Obadya 1:18

Kirtin Yakob wassoŋ va offo kirtin Yosef wassoŋ va hərzləm offo, ya kirtin Esaw wassoŋ va tərɗa, wazletini, wazetin kuɗupu, məza mbəkaŋ ɗəf madaran tətaka na Esaw ɓa. Vi Yawe dəpeli.

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Matiye 10:28

Kədawgeslne'eŋ sitin məzubayən gəɓa zukum ya aɓapən na əbay zeŋgile zukum ɓa ɓa. Məgeslne'sən an nawzan gəɓa zukum də zeŋgilokum pak addəv offo məs amta ɓa.

Matiye 16:26

Mi adawtər sən ɗəf an arəhək mammba dələv gboŋ ka nan an azanək zeŋgilen di? Awaniɓa, mi ɗəf adawɗi agəla zeŋgilen di?

Hənhən 18:21

Yaŋ maslay gagdak agəm gərəm metiŋgin va buwən nawsəra, azgan a pehe dawnəh na: Babilon walaŋgəla-metiŋgin kasgoki vaska, kawluki ɗah əmpa ɓa.