Isaya 47:1 - Bible en Guidar

¹ Abət asok aka burɗuk waŋ goruk na Babilon, asok pirfif afuŋgu, məza aka mazaŋga na məlĩ ɓa, walaŋgəla-metiŋ net mə Kaldiyeɗi. Vi kazbani əyuk na salala gəm lalawək sawɓa ɓa.

Isaya 47:1 ပူးပေါင်းရင်းမြစ်များ

Ɗerewel na Yob 2:13

Assoŋguk afuŋ dəndən əsɓəta buhul gəm əvoŋ buhul. Ɗəf tay dədawha' man əpel sən ɓa, vi awlannək əzəmsahã nan gədaki sawɓa.

Ɗerewel na Yob 2:8

Yaŋ asan aka moŋglo, agəmək galmayã ərreɗen zən dəndəni.

Gəlyaɗe 137:8

Waŋ na Babilon, kawraygəti, əzaɓ aza ɗəf an dədamndan suk an kəgəɗ səm va kəsər mamə!

Gəlyaɗe 18:27

Də ɗəf salala, salala kənani; də ɗəf an slokorslokoru, is tat ərban na slokorro kənani.

Gəlyaɗe 89:44

kəkkpaŋganək masalam nan akani, kəsək sən pay nalpa ɓa.

Isaya 13:1

Wən məpel aka Babilon, an Isaya, wət Amos awələ:

Isaya 13:13

Vi vaski, wanəzlzlaɓan disiŋ, dələv wakker sə gəlani, sən gagay na Daya Məzuɓappak, pay na ədagədəv nani.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 21:1

Əpel aka kapta-muyã dəsan a maŋgava pehe. Va vẽŋvil sə kəla dohoŋ məzəɓlaŋ aket iŋkile məzuzel tay əzzan sə kapta-muyã, səka dələv mədə pəlu ɗəfa.

Isaya 23:12

Anahək na: Sidon kəmsak na ətəŋ ənnek əmpa ɓa, waŋ mərayguk kənani. An kələk balsən walaŋgəla Kitim, adak zlaŋ, əffet tay viyuk ɓa.

Isaya 26:5

Vi azgetik ɗiy en dəssoŋ aket mossorgoɗe; aslaŋgənək walaŋgəla-metiŋ məɓayən afuŋgu, aslaŋganək hã gap aka dəlvafuŋgu. Avərək hã aka burɗuku.

Isaya 3:26

Asna, ɗiy naddəv walaŋgəla-metiŋ nok pak wanɗəsaŋgə, wassoŋ addəv gəlabaya, wasan seŋseŋgi, wasan gubok afuŋgu.

Isaya 37:22

Aŋki an Yawe apəl akani: Waŋ gbuɓɓo na Siyon tat əzeloko, tat əmas akoko Senakerib, Yerusalem tat əɓlan kiyən galagala dərɓogoko.

Isaya 52:2

Attu' ologudum səzoko, asil asok tuŋgu Yerusalem apəl helege suloko is waŋ na Siyon mərməta.

Yeremiya 13:18

Anah sən məlĩ dət ma'ãyə̃k nan na: Məɓe'gin kiyzukum, məssoŋ afuŋ vi kulpup na gagdak nokum dədannek zukum abətək səkokum.

Yeremiya 46:11

Dok a Galad akay alapa Is waŋ gbuɓɓo na Eziptə, ɗari kədanzlərgit miheɗi: Kənzaɗ na ɓa.

Yeremiya 48:18

Waŋ na Dibon, aprik səka gagdak noko, assok addəv əɗɗa meme, vi məraygən Mo'ab tay əzzan əwaksuko, waɓzliw korguɗe nok afuŋ.

Yeremiya 50:1

Əpel an Yawe apel aka Babilon, dələv net mə Kaldiyeɗ də ma məskəleŋ Yeremiya.

Yeremiya 50:42

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Babilon.

Yeremiya 51:1

Vaŋ Yawe anahə: In yakəŋ əfu səmyã nawza aka Babilon gəm aket ɗiy nan məzuzelɗe nawa.

Yeremiya 51:33

Vi vaŋki Yawe Məzuɓappak Maŋgəlva na Israyel anahə: Babilon tay pəh pəh məndapani. Abe siɗikke na, pay nawbələn wagapə.

Yeremiya 51:51

Wil tay ədəmə, vi məprəmək əra! Mənam tat ərba wili vi melekeɗ atoŋgoŋguk a təki na matuya naddəv gəla na Yawe.

Əɓuhma 2:10

Ɗiy məsɓet na Siyon assoŋguk afuŋ gurom, ɓata'ɓata'ə. Aziyaŋgək burɗuk aka kiti. Tahəŋ də lukut na gəbay ezeti. Gorɗeŋge na Yerusalem kiyit təktək afuŋ. Aguloŋguk lukut na gəlabay azeti.

Əɓuhma 2:21

Kirin dit mezzeɗ tahəŋ ɓelohɓəloh afuŋ aka tive. Gorɗeŋge dit gewleɗ tahəŋ firikfirik afuŋ məbeyit də masalam. Aka pay ədagədəv nok kəbeye, kətaw wəlet məza ulasahã ɓa.

Əɓuhma 4:5

Məzəmaŋ zəga neneke tay əmtaŋ aka tive. En məɓeygit addəv arya tahəŋ əkosonən dagərgiya.

Ezekiyel 26:16

Ɗiy gugriɗ nama pehe pak waprikeŋ səka mazaŋgeɗ na məlĩ neti, waggbuknin mukso'oɗe net dit lukutɗe net məbay sit gawla; geslne wagule kassoŋ afuŋgu, aɓətaŋ na də əkker ɓa, wazəmaŋ sahã aka wən noko.

Ezekiyel 28:17

Kəkaɓək ammba lelew noko, kəraygənək maɗɗula nok vi gagdak noko. Nəslaŋgukuk afuŋ abet milyeŋge, nəppok na dulukungəni.

Yonas 3:6

Alabaras agapək asləma məlĩ na Niniwe, ndən prik səka mazaŋga na məlĩ nani, lukut na məlĩ səzan gbuku, an na taɓak kulo, ndən aka moŋglo ɗewi.

Haggay 2:22

Wanəslaŋgən mazaŋga net milyeŋge gəm wanəzan gbogboŋ net məlĩyeŋge net ɗiy-ɗarə; wanəsleŋget mawteɗ nawgay dit məzuŋkoretini; pilseŋge wamtaŋgə, ɗiy məŋkoroŋ pilseŋge wabayanən ziti.

Zakarya 2:7

Yaŋ maslay dədawpel də in nak agili, maslay maɓɓan pay ələmsəni.

Hənhən 18:7

Va adattəman nek addəv gagdak nan gəm addəv ərəh nan diyɗaŋka, məwan əzəmsahã nan də wəska morkoyo nan gbaska, vi tay ənah a makran na: Aka mazaŋga na məlĩ nan va ma'aykə, gagəbay nan kpak ɓa, əmta arəhu na ɗah ɓa.