Isaya 45:20 - Bible en Guidar

²⁰ Məkkalə, mide, məzar aŋ baymokumu, munokum ɗiy məs dəndəwəɗaŋ naket dəlveŋge. Ɗiy məzuslanən zəgakamaŋgəlva net na wəlaŋga məzəkkamanən maŋgəlva məs akõhgit na ɓa, neti zəga tay asənaŋ ɓa.

Isaya 45:20 ပူးပေါင်းရင်းမြစ်များ

2Alabaraɗe Də Mabərkiziti 25:15

Ndəni gədəv Yawe adə aka Amatsiya, aslən məskəleŋ azan ənah sən na: «Mə dəgəɗ kəgagdaket meŋgilveɗ net ɗiyiŋ məs dəɓapnən əkõhgit ɗiy net səmmba vok ɓaŋ di?»

2Alabaraɗe Də Mabərkiziti 28:23

Yaŋ azaɓ-Maŋgəlva sit meŋgilveɗ na Damas məs dəskanən wəlan neki, amna: «Adan meŋgilveɗ net milyeŋge na Aram tahəŋ əbbah sit na, sit anet nədawzaɓ-Maŋgəlva vi dəbbahaŋ suwəngəni.» Assoŋguk ka zəga nazbərgen ndən də Israyel baymani.

Gəlyaɗe 115:8

Məs dəvotnin dəssoŋ va ndəɗaŋ, dit en dəppanən zit ammbet pakə!

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 41:21

Məki wən nokum Yawe anahə; mərban əɗɗum nokum məlĩ na Yakob anahə.

Isaya 43:9

Ɗiy pak dəkkalaŋgə, ɗiy naket dəlveŋge dəsapaŋgə! Sə weleŋgit na, naway narban an dədazzan di? Dədawpel səm aket zəgeɗ maddaabəŋ di? Dəkinin məziweɗe neti karban na təstəsəŋgə! An məziweɗe vet aprəmənka, dənahaŋgən na: Gegesiŋgi yi!

Isaya 44:10

Naway dəzaɓ maŋgəlva gəm zəgakamaŋgəlva, ahhəs na, ka adawrah ətər nan ɓa di?

Isaya 44:9

Məzaɓaŋ zəgakamaŋgəlva pak tahəŋ va zəga ɗarə. Wəza lalaw net tay də ətərwəray ɓa: assoŋguk miziwe neti, awlanən ɓa, awsənnənən ɓa vini wil adawdeti.

Isaya 46:1

Maŋgəlva Bel adoɗko, Maŋgəlva Nebo aɓeke. Məkrəkti zeŋgilet məzaɓən aket zəgeɗ memeyẽɗi. Zəgeɗ an kəslaŋ teptep ammba zukuməŋ, iyay ɗarə, zəga nawsla gədaki aket zəgeɗ memeyẽɗ məyeti.

Isaya 48:14

Məkkal mənokum pakə, məprəma: Naway səweleŋgit meŋgilveɗ dənah zəgeɗis di? Ɗəf an Yawe aŋgəl waɗɗa əŋgla nan aka Babilon, gagdak nan warbə aket mə Kaldiyeɗi.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Yeremiya 10:14

Ɗəf titir pak dərwayi əsən tay akan ɓa. Məhəs zəga pak wil ədanni aka wən na zəgakamaŋgəlva, vi zəgeɗkamaŋgəlva zəga məɗɗan də təbəz van uwawəni ɗarə. Əmpəs tay addivit zəgeɗ vet ɓa.

Yeremiya 10:5

Va zəga məɗɗan nawraket biŋgeɗ addəvit tassekeɗi, meŋgilveɗiski awpeleŋ ɓa; kawslet dəsle, vi awdawaŋ ɓa. Kəgeslne sitin ɓa: Vi aɗɗaŋ zəga sən ɗəf ɓa, atəraŋ sukumən na wəray ɓa.

Yeremiya 10:8

Beymet pak maɗɗula tay aket ɓa mətemtiŋgə, mi adawyaganən səza tuya na wəlaŋga ɗar di?

Yeremiya 48:13

Wil wada Mo'ab sən Kemos maŋgəlva nan va wil ade mə Israyelɗe sən zəgakamaŋgəlva net na Betel məs aɗiyən əɗɗum net pak akani.

Yeremiya 48:47

Wanəzaɓan wən na Mo'ab addəv pay an dədazzani Yawe aɗiymani. Aŋ ətawwən na Mo'ab adawziwwe.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Efesus 2:12

Pay dəpas na, mənokum tat məza Kristu ɓa, faraɗa də tive nassa aret mə Israyelɗe, melekeɗ aza wənmiyna na iynama, məza əɗɗum nawrəh zəga ɓa gəm məza Maŋgəlva nokum egge ɓa.

Efesus 2:16

Asleretik sulegit də Maŋgəlva addəv gəɓa zə ɗəf taka, də məzliwrihe, dəndəni azanək əzele.