Isaya 45:18 - Bible en Guidar

¹⁸ Vi vaŋki Yawe məs dəzəməɗ disiŋ, ndən Maŋgəlva məs dəzaɓan dəlvafuŋ, aɗɗa aziwgin məza foŋlorro ɓa, azəməɗ vi ɗiy dəssoŋgən akani, azaɓani. Ndən dənah na: Intə Yawe; Maŋgəlva tay maɓɓan ɓa.

Isaya 45:18 ပူးပေါင်းရင်းမြစ်များ

Va'Atəŋ 1:1

Də wətəŋ na, Maŋgəlva azəməɗək disiŋ də dəlvafuŋ.

Va'Atəŋ 1:2

Dəlvafuŋ asanək ɗarə, pak dəmani, guzli dəsan aka təki mekeleŋ, heret iŋkile kpukpumɗe məbayaŋ gəgay dəsərətəni; əmpəs na Maŋgəlva dədabbal aket iŋkile,

Va'Atəŋ 1:26

Maŋgəlva anah na: «Məɗɗa səm ɗəf dəgil va mənamə, va mənam səɗeki, dəzəmgən məlĩ aket kilfeŋge na pehe, biŋgeɗ na disiŋ, zəgeɗ memeyẽɗ naka dəlvafuŋ, gəm zəgeɗ memeɗeŋɗe məzəɓlaŋ aka dəlvafuŋ!»

Va'Atəŋ 1:28

Maŋgəlva aɗɗak əzaɓ aketi, Maŋgəlva aɓsit na: «Muwə, mənzlərgən kiykum, məknəh dəlvafuŋ, məzəm məlĩ akani. Məzəm məlĩ aket kilfeŋge na pehe, biŋgeɗ na disiŋ, dit zəgeɗ məzəɓlaŋ aka dəlvafuŋ pakə!»

Va'Atəŋ 9:1

Maŋgəlva aɗɗak əzaɓ nan aka Nuwe dit kirtini, aɓsit na: Muwan kiykum, mənzlərə, məknəh dəlvafuŋ.

Gəlyaɗe 115:16

Disiŋ, disiŋ na Yawe yi, dəlvafuŋ hara na, sit ɗiy apsiti.

Wənməkkpaŋga 30:4

Nawãy dəpeŋ a disiŋ dəprik sədak di? Nawãy dəkkal ɗah səmyã a dagrakay van di? Nawãy dətər ɗah iŋkile addəv lukut nan di? Nawãy dəziwgit meŋge na dəlvafuŋ pakəŋ di? Mbari iya nan di? Iya na wətən mbari di? An kəsənka.

Isaya 42:5

Vaŋ Yawe Maŋgəlva məs dəzəməɗ disiŋ aweɗe, dəppar dəlvafuŋ dit zəgeɗ akani dəpsit əmpəs sit ɗiyi əmpəs sit məzədawaŋ akani.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 45:12

Intə nəɗɗa dəlvafuŋ gəm intə nəzəmiɗ ɗiy nakani. Vaw dəppar disiŋ gəm məzəɗi wən sit məzəlpaɗe nan pakə.

Isaya 48:13

Vaw dəzəməɗ dəlvafuŋgu gəm vaw dəzəŋ dəppar disiŋ. An nəyeke wazzoŋ əziw aŋ biyo.

Isaya 51:13

Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Yeremiya 10:12

Daya dəɗɗa dələv də gagdak nani; aziwgin dəlvafuŋ də maɗɗula nani apakək disiŋ də əsən nani.

Yeremiya 51:15

Daya dəɗɗa dələv də gagdak nani; aziwgin dəlvafuŋ də maɗɗula nani apakək disiŋ də əsən nani.