Isaya 45:14 - Bible en Guidar

¹⁴ Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 45:14 ပူးပေါင်းရင်းမြစ်များ

Va'Atəŋ 27:29

Ɗiy meɓɓet dəɗɗaŋ sukun wəza, vandayɗe net ɗiy dəppu'oŋ aboko! Asok məlĩ aket milmiŋgiɗko, kirtət mok dəppu'oŋ aboko! Wəray dəsan aka məzurayguko, əzaɓ dəsan aka məzuzoɓoko!»

2Samiyel 21:20

Əgay agəɗək a Gat əmpa. Ɗəf tay məɓayən kirtin van də tələn pak sləre sləre, sap pak kaklaw sula kiyit poɗo; nan pak zev Harafa yi.

Ester 8:17

Addəv kivadələv pak, may a walaŋgəla mawandi pak, təki əpel na məlĩ də mahenziŋ nan agap pak na, mekret mə Yudeɗ avoŋko, zit anneke, adaŋgək waynabaya may aɗɗaŋgək əzləra. Ɗiy diyɗa dəmanən zit ka mə Yudeɗi, vi geslne armek sit mə Yudeɗi.

Ɗerewel na Yob 1:15

Yaŋ mə Sabeɗ azzoŋ abeyin məɗɗaŋ wəza nok də masalam. In takərgu kakatə nəkohu, nəki suk wən nani.»

Ɗerewel na Yob 11:19

Wakəmmaɗan zuko, ɗəf tay nawgeslneguk ɓa ɗiy diyɗa waɗɗaŋ əŋgla noko.

Gəlyaɗe 149:6

dətibirenən Maŋgəlva wəlet kolkolu. Də masalam məs man sula aveti.

Gəlyaɗe 149:8

Kaɓruk milyeŋge net dit ngiyamɗe, ɗiy gugriɗ net dit sakazlaŋɗe na təbza,

Əgilye 11:8

Addəv asna məɗɗaŋ wəza nok wapirkoŋ kəlazawa, wappu'oŋ abaw də wənah na: Agili, is dit ɗiy nammba təluk pakə. Sə dərɓaga askan na, wanəgili» Yas agil səza Farawən addəv ədagədəva.

Isaya 10:33

Daya, Maŋgəlva Məzuɓappak, yaŋ əmbroh gaslembeɗ va əhay na buna; wəleŋɗe məɓeyit apɗoŋgoŋko, en məɓeyit dayə, abzlaŋgək afuŋgu.

Isaya 18:1

Əraya haya, dələv məs ɓaɓəlmet bəlayɗe məs persleket sula sula, məs dəssoŋ a met məlpeŋge na Etiyopi!

Isaya 18:7

Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 19:22

Daya warga Eziptə, wambəlgiti: Ndəɗaŋ dəveti wamilyoŋ aza Daya, wataf əhəm neti gəm wambəlgiti.

Isaya 23:18

An arah gəm an məfaɗ səni, kepsini sən Daya. Kakkeleti ɓa, kawzeɓeti zaɓ ɓa, ərəh nan wasan ka nawzəm kpe' gəm əgul na sləma sit ɗiy məɗɗaŋ wəza aba Daya.

Isaya 43:3

Vi intə Yawe, Maŋgəlva noko, Maŋgəlva Salala na Israyel, məzukõhguko. Nəppanək Eziptə nawmok dəndəni, Etiyopi gəm Seba a guloko.

Isaya 44:8

Kədakkerəŋ ɓa, kəgeslne'eŋ ɓa, nəprəman sukum far, gəm nəboton sukum mənokum miziweɗe naw ɓa sa? Dabərkiyu na, Maŋgəlva tay sa? Milɓe tay məza nəsən ɓa ɓa.

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Isaya 60:3

Asna ɗiy-ɗar wadawaŋ ara əkeɗeɗe noko, milyeŋge, ara təki kasakkasak nok adawdawaŋgə.

Isaya 61:9

Kawsənniyi mazlalwã nokum kawsəntiyi kirtukum sə weleŋgit ɗiy-ɗarə. Ɗiy dulenin pak wasənnən na, mazlalwã məs Yawe azaɓani yi.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Ezekiyel 23:42

Wəlet ɗiy tay əprəm ŋgbititi, əɗɗum tay aket ɓa. Vi ɗiy diyɗa dəzzoŋ səŋga səŋga hã sə kapta-muyã, apsitinik miypa'aɗe aka veti gəm kulpupu na mayã aketi.

Ezekiyel 31:3

Asiri aslək də wəlaŋga ɓəɓəl na Liban gaslamban moggoni wəlaŋga məgəɗ zeŋgile titiktitiki, əɓay nan ləkləkə dadwar kiyən tay daykiyit wəleŋɗe.

Əŋɗa 13:32

Ndəɗaŋ təŋ əpel mbərayən aka dələv məs asəŋgləkanən nak abet mə Israyel, aɓɗaŋ na: «Dələv məs məbbalanəŋka, dələv məzəm ɗiy nakani yi, əmpa na, ɗiy en məwəl adak vet pak məɓeytiŋgə.

1Korintus 14:25

Əɗɗum məɗama na makran warbə. Asna, watək kiyən afuŋ kappu' aba Maŋgəlva, wanah na, gesiŋ Maŋgəlva tay a walaŋkum.

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.