Isaya 45:1 - Bible en Guidar

¹ Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Isaya 45:1 ပူးပေါင်းရင်းမြစ်များ

1Milyeŋge 19:15

Yawe aɓsən na: «Amndok dəka tive nok nawmbat kəla kapta-muyã na Damasə. An kəgapəka, Kəpeslgən mẽl aka Hazayel, ka məlĩ aka Aram.

Ezra 1:1

Aka wəzva maddaabəŋ na Sirus, məlĩ na Persiya, vi wəpel na Yawe dəgəɗgən va məskəleŋ Yeremiya apeli, Yawe akoluk kiy Sirus, məlĩ na Persiya, vi kawtəl ma aka dələv nan pak, gəm də əver wən nan vi kaprəman na:

Ezra 1:2

Aŋki Sirus məlĩ na Persiya, apeli: Maŋgəlva Yawe apsiwik milyeŋge naka dələv pak ammba vawa, ndən sən kiyən, anah suwək nərkə səngən Gəla a Yerusalem na Yuda.

Ɗerewel na Yob 12:21

Ndəni məki əttap aket ɗiy na sləma gəm məgosloron maslapa na gize məs gbogboŋgo.

Gəlyaɗe 73:23

Naw in tat də is pay pakə. Kərmak vaw dəzəŋgə,

Isaya 13:2

Aka mossorgo metiŋ pəh-pəh, məmpa gabaga na dəlva məslan wəlokum məye, məhevet də vokum vi dəzzoŋgən amaddambet ɗiy tekteki.

Isaya 13:3

In vattə nəɗi wən nan sit ɗiy en duwelin kiyit suwa, gəm nəye gammbereɗ naw məzəlpaŋ vi karban ədagədəv nawa, məzənnekeŋ sən gagdak nawa.

Isaya 41:13

Vi intə Yawe Maŋgəlva nok məs dərma vok dəzəŋ, ndəni yi dədawnah suk na: Kəgeslne ɓa, naw nədek əbbah suko.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 41:25

Sə tapaslay pay kəla disiŋ nəsilginik ɗəfa, tay əgapa. Sədəmmba pay nampum, niya də iya nani. Tay əndepet deyeɗe va ndərɓa, awaniɓa, va məzərka adawɗan dəlva.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Isaya 45:5

Naw intə Yawe, tay mbərən ɓa. Dabərkiyu na, Maŋgəlva tay mbərən ɓa. Nəɗikuk ama wəza məza kəsənu ɓa.

Isaya 48:15

Intə, intə nəpeli; nəyak əmpa, nəkiyəka. Wəza nan wahhar ammbani.

Yeremiya 27:6

Ya kakaŋ na, intə nəpsən dəlveŋgeŋ pak ammba va gawla naw Nabukodonozor məlĩ na Babilon, zəga mamayã nawra zlaŋ, nəpsənək dəgəɗ səngən wəza.

Yeremiya 43:10

Kənah sitgin na: An Yawe Məzuɓappak Maŋgəlva na Israyel anah yaŋka: Inyakəŋ əslən gawla naw Nabukodonozor məlĩ na Babilon, wanəɗi mazaŋga na məlĩ nan aket gərmeŋge məs nəndəkiŋki. Wazlzlar gizlirke na məlĩ nan aketi.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 50:35

Masalam aket mə Kaldiyeɗi, Yawe aɗiymani! Gəm aket ɗiy na Babilon, aket ɗiy gugriɗ nan gəm aket məsmaɗɗulet nani

Yeremiya 51:11

Mətekeɗet herɗe nokum, məgim gulomɗe nokum, Yawe asilgin maɗɗulet milyeŋge na Mediya, vi Yawe man aka əzan Babilon, as van Yawe dədampəlkiya, tay əmpəl ki gəla nani.

Yeremiya 51:30

Məs məkret nalpa na Babilon appanənək əgaya addivit korguɗe adassoŋgu. Mekret amtəka, akkpaŋgaŋgək va gili. Məslakataɗe na maddamba anzlaŋka, məɗiyə offo sit gəleɗe nani.

Yeremiya 51:58

Vaŋ Yawe Məzuɓappak anah əmpa: Zlava slosloprok na Babilon əɓzla adaɓzla gərakə, kawɗi siti offo sit metiveɗ nan məɓeytiŋki ɗiy zit ayanən ɗarə, ɗiy ayanənək zit sən offo!

Ezekiyel 29:20

Sən iya na wəza nan an agəɗə, wanəpsən dələv na Eziptə, vi ndən də ŋgaɓa nan aɗɗaŋ səwənək wəza. Daya Yawe aɗiymani.

Daniyel 5:6

Hara məlĩ apokuk barə, əɗɗum nan attapanka, sergezlen patpatə, yas takpran adargisleŋgi.

Daniyel 7:5

Masula'ən na tay va zəga darawən adawyaŋ Ursə, asilik hoŋko'o zlaŋgat taka. Embehe hoku tahəŋ a mani, eŋgisl də slayni, yas məpel sən na, «Asili ampər slu diyɗa»

Daniyel 8:3

Nəslanək harawa, yas nula ndargayã ziwwe ama məlpa də mohon sula, mohon sula məɓeyti, an məɓayən day dəgil dərɓedərɓe.

Daniyel 8:4

Nulak ndargayã van əbayan təki kəlammba pay na moskoyo, kəla disiŋ gəm kəla dohoŋ. Zəga mamayã tay dəɓap əziw aban ɓa, ya kaɓapi wəkõhgən ɗəf səddəv gagdak nan ɓa. Tay əɗɗa an aŋgələ ya gagdak nan tay əɓay abe abe.

Nahum 2:6

Məlĩ na Asiri amsak əye deyeɗe net məzəlpaŋ nani, ya ədaw net goɓolgoɓoli yi! Məzuzelɗe agəmnən zit hã aba zlava; azaɓaŋ təki nawɗama.

Nahum 3:13

Ɗiy nok yeŋki, gil dəppaŋ kaka'ə. Mativeɗ na dələv nok sən kiyit adawkoloŋ abet məzuzelɗe noko: offo azimik məkəɗəslaɗe noko.