Isaya 43:7 - Bible en Guidar

⁷ Məs məyan də iya naw pak in nəzəməɗa, nərka ammba gagdak nawa, ha'aw in nəɗɗa.

Isaya 43:7 ပူးပေါင်းရင်းမြစ်များ

Gəlyaɗe 100:3

Məsən na Yawe Maŋgəlva yi. Ndəni dəɗɗəmə, nan mənani, ɗiy nan mənani, gilew nawtaɗ nan mənani.

Gəlyaɗe 50:23

Məzaɓ-Maŋgəlva nawfet akaw tay əgagdakawa. Məzək sləma aka tive nani, wanərban sən əkõh na Maŋgəlva.

Isaya 27:11

An kivet wəleŋɗe aŋkəlaŋka, kaŋzluti, gil wandenin kasɗa offo. Vi maɗɗula tay aket ɗiy vet ɓa. Ndəni məs dəɗɗe dəwəl sãhã aket ɓa, məs dəzəmiɗ tay də mbəlembəle aket ɓa.

Isaya 29:23

Vi an kirtin awlanənək an vaw agəɗ aweleŋti, wanəhaŋ na iya naw salalay yi wanəhaŋ na Salala na Yakob Salalay yi wageslne' eŋ sənən Maŋgəlva na Israyel.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 43:21

Ɗiy məs nərkə viwiski, warbanən gagdak nawa.

Isaya 44:23

Disiŋ, minneki vi Yawe aɗɗaka. Kpukpum na dəlvafuŋ, anneki. Mossorgoɗe gugriɗe, wəleŋɗe ngərəɓə, wəlaŋga awandi naddəvən pakə, məgəsl vaŋvəl sən ənneke. Vi Yawe akõhgənək Yakob, arbanək gagdak nan a Israyel.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 48:11

Ammba kizuwi, ammba kizu nədaɗɗani, vi nəŋgəm na gagdak naw dəraygən gəm kapsən sən ɗəf maɓɓan ɓa.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 63:19

Məkkpaŋgək va ɗiy məs kəzəm məlĩ nok akam ɗah ɓa, va məyani iya nok akam ɗah ɓa! Va disiŋ kəŋgar kədawprike! Mossorgoɗe wakkereŋ səboko!

Yeremiya 14:9

Mbarmbar kədawsok va ɗəf məfayani va gurom nalpa məs aɓap na əkõhgit ɗiy ɓa di? Yawe adan is tat a walaŋgəmə, iya nok tay a mamə kəppam əskot ɓa.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Daniyel 9:18

Apak sləmoko aprəma Maŋgəlva nawa! Akol horoko awla wəzəmsahã namə gəm na walaŋgəla məs iya nok adawya adaka. Mədakkomok na, vi təstəs nami ɓa vi ulasahã nok metiŋgini.

Daniyel 9:19

Daya aprəma! Daya, avvuyon səmə! Daya, apak sləmoko! Aɗɗa, kədanziya ɓa vi sləmok tay iya a walaŋgəla-metiŋ noko gəm awaleŋgit ɗiy noko Maŋgəlva.

Amos 9:12

Ka dəmõhənəngən dələv na Edom an dəpələ gəm ɗiy-ɗar məs iya naw adawya aketi. Daya aɗiyman, naɗɗa as pakə.»

Yohanna 15:8

Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

Wəza net Masləŋɗe 11:26

Səza arəha, akiyək a Antiyos. Aɗɗaŋgək əzva ŋgbuɓɓo aka əsap dit məzutafaŋ gəm əɗɗa əyak sit ɗiy diyɗa. A Antiyos yi mətəŋ əye məzutafaŋ na məkristuɗe.

Roma 9:23

gəm karban diyɗa na gagdak nan sit mesteɓet na ulasahã məs azaɓ dafsən sən gagdaka,

2Korintus 5:17

An ɗəf tay addəv Kristu na, akkpaŋgək ɗəf meleketeni. Zəgeɗ məzvet pak atoŋgoŋko, zəgeɗ pak akkpaŋgək meleketeni.

Galatiyen 6:15

Vi əskəlawra də əssa gayã atəraŋ na wəray ɓa, abbər əkkpaŋ meleketeni.

Efesus 1:12

Vi məsamgən məzuɗi ki gagdak nani, en dəɗinən əga net dafsən addəv Kristu.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Efesus 2:10

Vi wəza na van mənani, azəməɗəm addəv Yesu Kristu viyit wəzeɗe mogget məs azaɓet dafsən ka mədawgən addivti.

Yakob 2:7

Namna ndəɗaŋgəŋ məzuraygənən iya moggon məs Maŋgəlva apsukuməŋ ɓa sa?

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

1Piyer 4:11

An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

1Piyer 4:14

Va məzəmgukum sãhã aka wən na Kristu pak mənneken zukum vi Əmpəs na Maŋgəlva məs də gagdak tay akokum.

Hənhən 3:12

Məskəwəla na, wanəɗɗa dəsangən dədəka addəv gəla na Maŋgəlva nawa, agil na əmpa ɓa, wanəver iya na Maŋgəlva naw akani, gəm iya na walaŋgəla-metiŋ na Maŋgəlva nawa, Yerusalem meleketen dədawpirken sə disiŋ səza Maŋgəlva nawa, gəm iya naw meleketeni.

1Samiyel 12:22

Yawe azget na ɗiy nan ɓa ammba iya nan metiŋginiŋka, vi Yawe armak a makran ka kəssoŋgən ɗiy nani.