Isaya 43:5 - Bible en Guidar

⁵ Kəgeslne ɓa, vi in tat də isi, wanəmilgit kirtuk hã səmmba pay nampum, wanəkkelet ɗiy nok hã səmmba pay na moskoyo.

Isaya 43:5 ပူးပေါင်းရင်းမြစ်များ

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Gəlyaɗe 107:3

en məs akkelet hã səket dəlveŋge, nammba pay nampum gəm na moskoyo, səkəla disiŋ gəm sə dohoŋ.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 41:8

Ya isi Israyel, məgəɗ wəza nawa, Yakob məs nəweli, mahəlfa na baynaw Abraham;

Isaya 41:9

Is məs nəkoyok hã sə təki dələv abaymani, sə təki dələv abayman nəyuko, yas nənah suk na: Istə məgəɗ wəza nawa, nəwelkuko, nəzgok ɓa.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Isaya 44:2

Aŋki an Yawe anahə, intə nəɗɗuko, gəm nəzəməɗuk tak uwa noko intat əbbah suko: Geslne aduk ɓa məgəɗ wəza naw Yakob, gəm Yesurun məs nəweli.

Isaya 49:12

Yendek əzzoŋ sə faraɗa! Mbirti sə kəla disiŋ gəm sə kəla pehe meɓɓeti səka dələv na Sinim.

Isaya 49:18

Aslan horoko, awəl kiyuk tərwəslə, ndəɗaŋ pak akkalaŋka tahəŋ əzzoŋ azoko. Yawe aɗiyman na: Va nəsaw madarawa, ndəɗaŋ pak wakugil azok va zəga na gawla, wakiynet addakuk va waŋ məpsənət zəlta.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 54:7

Addəv pay siɗikke, nəppokuko, ya wanətafuk də ulasahã akok diyɗa.

Isaya 61:9

Kawsənniyi mazlalwã nokum kawsəntiyi kirtukum sə weleŋgit ɗiy-ɗarə. Ɗiy dulenin pak wasənnən na, mazlalwã məs Yawe azaɓani yi.

Isaya 8:10

Miynan an naɗɗa, wazlzlaɓə. Məpel va kədawpeleŋ pakə, ya agəɗ na ɓa, vi Maŋgəlva tay də mənamə.

Yeremiya 23:7

Vini, pay tay əzzani, Yawe aɗiymani, kawnahi əmpa na: Va Yawe məs dəpeŋgit mə Israyelɗe səka dələv na Eziptə asan madarani ɓa.

Yeremiya 23:8

Ya dərəŋ na: Də Yawe madaran məs dəpeŋgit gəm dəmndeget kirtit mə Israyelɗe səka dələv na kəla disiŋ gəm səket dəlveŋge məs arɓeh adak ka dəssoŋgən aka dələv neti.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 3:18

Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Yeremiya 42:11

Kəgeslne'eŋ sən Məlĩ na Babilon ɓa. Kəgeslne'eŋ aban ɓa Yawe aɗiymani, vi in tat də mənokum kawkõhgukum gəm kamõhkum səvani.

Yeremiya 51:46

Vi mokrokum adamta ɓa, kədawgeslne'eŋ sən alabara hiwwe kəprəmaŋ aka dələv ɓa. Vi addəv əzva aŋka alabara hiwwe, əzva mbərən alabara hiwwe əmpa, gagay aka dəlva gəm məlĩ əɓɓah məlyã.

Mika 2:12

Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Zakarya 8:7

Vaŋ Yawe Məzuɓappak anahə: In yakəŋ əkõhgit ɗiy naw səka dələv nammba pay nampum gəm na moskoyo.

Luka 13:29

Ɗiy wazzoŋ hã səmmba pay nampum gəm na moskoyo sə kəla disiŋ gəm sə dohoŋ wassoŋ addəv məlĩ na Maŋgəlva kawzəma.

Yohanna 10:16

In tat dit timeŋgiɗ meɓɓeti, məs na gazlaŋgəŋkəŋ ɓa. Net pak adahək nəkigini, waprəmən wəlawa, wakkpaŋgaŋ gazlaŋ taka, məzutaɗa taka.

Əmsak aka Mahenziŋ 30:3

Yawe Maŋgəlva nok wakkpaŋgan wəssa noko, wawla sasãhko, wamndak əkkalokum sənet ɗiy-ɗar da, a təki Yawe Maŋgəlva nok atəray gukuməŋka.