Isaya 43:4 - Bible en Guidar

⁴ Adan ɗəf na sləma kənan a maharawa, məɗi kiyuk kənani naw nəŋglukuko, ndəni nədawfaɗ də ɗəf titir a guloko, gəm dit ɗiy naket dəlveŋge aguloko.

Isaya 43:4 ပူးပေါင်းရင်းမြစ်များ

Va'Atəŋ 12:2

Wanəkkpaŋgok ka ɗiy diyɗa, wanəɗɗa əzaɓ akoko. Wanəkkpaŋgan iya nok metiŋgini. Akəsok ka əzaɓ net ɗiy mbirti.

Gəlyaɗe 112:9

Apsitik məssehẽŋɗe də van viŋŋge: təstəs nan tay hã faɗə, wadaŋ kiyən də gagdaka.

Gəlyaɗe 135:4

Vi Yakob Yawe awel ka nani, aɗɗak Israyel ka nani.

Isaya 49:5

Ya kakaŋ na, Yawe apelke ndən məs dəzaɓu səddəvət maw ka gawla nani. Ka kawki Yakob azani, gəm kakkalan Israyel azani. Wanərah gagdak a mahara Yawe, Maŋgəlva yi gbogboŋ nawa.

Isaya 63:9

Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

Yeremiya 31:3

Sə faraɗa Yawe arban zən azawa; amna, nəŋglukuk va nəŋgluwuk farə, vini nədawŋgəlsuk moggoni.

Hose'a 11:1

Gala Israyel asan gawla na, nəŋgluwəka, sə Eziptə nəya wətuwa.

Malakiya 1:2

Yawe amna, nəŋglukumko, ya mənokum wənahaŋ na: «mbarmbar kəŋgluwəm di?» Esaw məlmən Yakob yi ɓa sa? Yawe aɗiyman na, Yakob nəŋgələ

Malakiya 3:17

Aka pay an nəɗi na, wassoŋ kanawa, va zəga an naw nawray vawa, Yawe Məzuɓappak anahə. Wanətir va ɗəf adawtər wətən məgəɗ sən wəza.

Yohanna 16:27

Afən zək nan aŋglukumko, vi kəŋgluwənka, kətafənək na səza Maŋgəlva nəde.

Yohanna 17:23

In addivti is addəvwa, vi dəssoŋgən əsap taka lewlewi. Vi dələv dəsəngən na istə kəslənwa, kəŋgluwik va kəŋgluwa.

Yohanna 17:26

Nərban sitik iya noko, wanərban siti'e, vi əŋgla məs kəŋgəluwəŋ dəsangən addəvti, va nəsaw addəvti.

Yohanna 5:44

Mbarmbar kədawɓapaŋ ətaf mənokum mərahaŋ gagdak ka zukum, məza kawkayanən gagdak dəde səza Maŋgəlva kaka ɓaŋ di?

Əmsak aka Mahenziŋ 14:2

Vi ɗiy salala nawray va Yawe Maŋgəlva nokum kənanəni; anokumi Yawe awel ka ɗiy nawray van sə weleŋgit ɗiy naka dələv gboŋgu.

Əmsak aka Mahenziŋ 26:18

Yawe anah suk dəpaŋ na, wakəssoŋ ɗiy nan nawray vani, va aynan suk mani, kərmagən an aɗi naɗɗa pakə,

Əmsak aka Mahenziŋ 4:37

Vi aŋgliwik efiŋgiɗkum, awelik kirtit dərɓegeti, agilgukum sə Eziptə, aban ɓel də gbogboŋ nani,

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.