Isaya 43:2 - Bible en Guidar

² An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Isaya 43:2 ပူးပေါင်းရင်းမြစ်များ

Ɗerewel na Yob 5:19

Wakõhguk səddivit tatwãhɗe pay pakə. Əgrak nan na əray aruhuk na ɓa.

Gəlyaɗe 23:4

An in tat ədaw addəv guzli titir dayday na, nəgeslne' na sən zəga mbərayən ɓa, vi is tat də iyna; zleŋ nok də mikke nok tay əvayaŋ gbogboŋgo.

Gəlyaɗe 32:6

Sən aski ɗəf təstəs pak adakkomok də pay an dəslə. Iŋkile metiŋgit fiyõhoŋ dayday na, agapaŋ na azan ɓa.

Gəlyaɗe 66:10

Aw Maŋgəlva, kəsləməka, kəsləmək va adawslaŋ təbəz babara.

Gəlyaɗe 66:12

Ɗiy ɗar tay əzəmaŋ məlĩ akamə. Mətoŋguk akoffo gəm aret iŋkile, yaŋ kəgilgəm aka waynabaya.

Gəlyaɗe 91:15

Wayuwa, wanəzlan səni, wanəsaw dəndən addəv tatwãhã; wanəbite, wanəgagdakani;

Əgilye 14:29

Ya net mə Israyelɗe na, aggaraŋgək dəka təki məklakani addak pehe, iŋkile akomoŋgək dəka vet dahãdahã zigiɗ zigiɗi.

Əgilye 3:12

Maŋgəlva amna ha'aw: «IN TAT də isi. Awle, zəga an narban suk na, intə nəslunko: pay kədawgilgit ɗiy naw sə Eziptə, kəgagdakanəngən Maŋgəlva aka gərməŋka.»

Isaya 29:6

Yawe Məzuɓappak wade uluk də əhay na buna, də əɓla na dəlva, də vẽŋvil də barkataŋ gəm də nzilimnzilim na offo məzəm təkiya.

Isaya 30:27

Yawe sən kiyən yaŋka, tay əzzan sə faraɗa, tay məknahən sən ədagədəva. Metteɓ man tay ərban ədagədəva, əpel na mam tay va offo məzlə təkiya,

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 43:5

Kəgeslne ɓa, vi in tat də isi, wanəmilgit kirtuk hã səmmba pay nampum, wanəkkelet ɗiy nok hã səmmba pay na moskoyo.

Yeremiya 42:11

Kəgeslne'eŋ sən Məlĩ na Babilon ɓa. Kəgeslne'eŋ aban ɓa Yawe aɗiymani, vi in tat də mənokum kawkõhgukum gəm kamõhkum səvani.

Yeremiya 46:28

Is Yakob, gawla nawa, kəgeslne ɓa; Yawe aɗiymani, vi in tat də isi. Vi wanəggrek ɗiy-ɗar məs nəɓɓahuk adak pakə, nok hara na, nəzok na ɓa, ya wanəzga suk də ətawwəna. Wanəɗiyuk ka ɗəf də mezlibezlibe na man ɓa!»

Daniyel 3:23

Sadrak, Mesak gəm Abed-Nego, neti, askotoŋguk hokogit pak məɓrukit addəv movoro offo.

Haggay 1:13

Yas Hagay maslən na Yawe apel sit ɗiy va Yawe anah səni: Vi Yawe aɗiyman na: «In tat dəndukum.»

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

2Timote 4:17

Ya Daya tay də iyna, avayək gbogboŋgo, vi nəpelgən wən nan gərakə, ɗiy-ɗar dəprəməngən baymeti. Ndəni dəkõhgu səma ɓoolu.

2Timote 4:22

Daya dəsan də əmpəs noko, mbəlembəle na Maŋgəlva dəsan də munokum.

Ibriɗe 11:29

Də ətafi, akkaɗ ki pehe pepreŋge va kəɓəs na dələv məklakani, mə Eziptiɗ tamə əyagan na yaŋ məlpa asulupe.

Yosuwa 1:5

Ɗəf tay nawziw abok ɓa hã ma way nok gərakə. Va nəsaw də Moyisi, wanəsaw də isi; nəzgok na ɓa, nəppok na frik ɓa.

Yosuwa 1:9

Nəɗi suk wən nan na: asok gboŋgboŋ də zuk soksoku ɓa sa? Kədakker ɓa gəm kədaddakan zuk ɓa, vi Yawe Maŋgəlva nok wasan də is a təki kədaddok pakə.»