Isaya 42:6 - Bible en Guidar

⁶ Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 42:6 ပူးပေါင်းရင်းမြစ်များ

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 27:3

In Yawe tə, məga nani. In tat əzi sən iŋkile də pay nani, dəfəɗ də kapaya, in tat əgan vi kawtak ɗəf dawraygəni.

Isaya 32:1

Məlĩ nawzəm məlĩ təstəsə yaŋka; deyeɗe warbanən gagdak net də wədaw an dəslə.

Isaya 41:13

Vi intə Yawe Maŋgəlva nok məs dərma vok dəzəŋ, ndəni yi dədawnah suk na: Kəgeslne ɓa, naw nədek əbbah suko.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 45:1

Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Isaya 45:13

Naw nəfɗahanək addəv təstəsə wanəzeɓet tiveɗ nani, warka walaŋgəla-metiŋ nawa, wamndeget ɗiy naw misimgiti. Məza də dala yi ɓa, də əvəli ɓa, Yawe Məzuɓappak anahə.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Yeremiya 12:16

An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Wəza net Masləŋɗe 13:47

Vaski Daya aɗi səm wən nan na: Nəɗikuk kəkasekgin ɗiy-ɗarə, kəkagən əkõh hã a təki dələv abaymani.

Wəza net Masləŋɗe 26:23

Kristu wazəm sahã, ndəni dədawsilyen daabəŋ səka əmta, vi karban əkeɗeɗe nawkõh sit mə Yudeɗ dit ɗiy-ɗarə.

2Korintus 1:20

Iynama na Maŋgəlva temtem pak ha'aw net addəvni. Vi dəndəni mədawnəh na Amin sən Maŋgəlva, vi gagdak nani.

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Ibriɗe 7:2

Səni Abraham apsən makəlaw na zəga məs arah pakə. Dabəŋ nani, iya nan man aka wənah na «məlĩ na təstəsə», gəm əmpa na məlĩ na Salem, va wənah na, məlĩ na zazaya.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 8:6

Ya kakaŋ na, wəza an dəday pelepele məpsən Yesu, vi metive na wənmiyna an moggon day yi, məs dəziw aka iyna ma an moggon dayi.

Ibriɗe 9:15

Sən aski asan metive na wənmiyna meleketeni, amtə na vi kawmet ɗiy səka mambray net aɗɗaŋ addəv wənmiyna məzvani, en məyeti, ərahaŋ iynama nawzəmgəla an faɗə.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.