Isaya 42:4 - Bible en Guidar

⁴ Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 42:4 ပူးပေါင်းရင်းမြစ်များ

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Isaya 40:22

Ndəni dəsan a disiŋ ki dəlvafuŋgu, məs ɗiy nakan assoŋ va heyɗeŋɗe. Ndən dəpak disiŋ va gabaga, tay əpparən va gizlirke vi kassa adaka.

Isaya 40:28

Kəsən ɓa sa? Kəprəm na Yawe na, Maŋgəlva an faɗi yi, ndən dəzəmiɗ meŋge na dəlvafuŋ, addak ɓa, awya ɓa, keket tay nakgbeŋ əsən nan ɓa ɓa sa?

Isaya 41:5

Ɗiy naket mətuwəraɗe awlanənka yas ageslne'eŋgi; ɗiy nakki dələv abaymani tay əkkereŋgi tay əzzoŋ də əkkere.

Isaya 42:10

Məgagdakan Yawe, məyəgəlya meleketeni. Gagdak nan dəyə hã a təki dələv abaymani, mənokum mədawaŋ a pehe, dit məs dəknahəni, Mətəwəraɗe dit ɗiy naketi.

Isaya 42:12

Dəgagdakanən Yawe, dərbanən əɗi kiyən aket mətəwəraɗe.

Isaya 42:21

Ndəni, Yawe arban memetiŋ gəm lalaw na mahenziŋ addəv təstəs nani.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 51:4

Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Isaya 9:7

Daya azkanək əpel nan aka Yakob, yaŋ abət aka Israyel.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Matiye 12:21

Ɗiy-ɗar waɗiyənən əɗɗum net akani.

Markus 3:3

Yesu anah sənək ɗəf van məmtən nak na: Asili, aziw addak təkiya.

Roma 16:26

Ya kakaŋ kan na, arbanək zən də ɗerewel net məskəleŋɗe: Va wən məs Maŋgəlva Məfaɗ aɗi wən nani, arban sitik ɗiy nammba dələv pakə, vi dəɓe'eŋ sənəngən də ətafa.

1Korintus 9:21

Dit en məs tahəŋ də mahenziŋ ɓa, in kpaŋ va in tat də mahenziŋ ɓa, tak in tat məza mahenziŋ na Maŋgəlva ɓa ɓa, adan Kristu wi mahenziŋ nawa, vi nərehgin məs tahəŋ də mahenziŋ ɓa.