Isaya 42:16 - Bible en Guidar

¹⁶ Wanədawgit deŋgerɗe dəka tive məs dəsənnən ɓa gəm də tive gargar məs dəsənnən ɗah ɓa. Wanəkkpaŋgan guzli nabet ka əkeɗeɗe'e gəm kawziyan təki mə giɗikgiɗik dakadaka. Anan nədaɗɗa, nəppet na ɓa.

Isaya 42:16 ပူးပေါင်းရင်းမြစ်များ

Gəlyaɗe 94:14

Vi Yawe appet na ɗiy nan ndol ɓa, azgan na an nawray van ɓa:

Məsmaɗula 1:15

Zəga an doɗɗo, kawɓapi əpiɗiwin ɓa, kawɓapi ənɗan zəga an tay ɓa ɓa.

Məsmaɗula 7:13

Awla wəza na Maŋgəlva. Naway nappiɗiw an adoɗ di?

Isaya 26:7

Tive na ɗəf təstəs na, sararay yi; kəziyanək tive na ɗəf təstəs sarara.

Isaya 29:18

Pay dəpaska, goryomɗe waprəmən an adaŋɗaŋ səddəv ɗerewel, deŋgerɗe wakolən haret wawlaŋ səra guzliyo gəm səra təki titire.

Isaya 29:24

Ɗiy məsmaɗɗulet azlzlaɓ warahaŋ əsəna; ɗiy məs kiyit ɓəl watafnən iyaka.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 30:21

Sləmok waprəm əpel dərɓogok an is tat əddok dəka dəzəŋ awaniɓa dəka zlaɓay dawnəh na: «Tive yaŋka, azbani.»

Isaya 32:3

Haret ɗiy en dəsərəkaŋ ula amsaŋ na ɓa sləmet ɗiy en dəsərək əprəm wazgə sləma.

Isaya 35:5

Asna deŋgerɗe wawlaŋgə, sləmet goryomɗe wakolu.

Isaya 35:8

Adak tive adawsani kawyani na tive salala məs mambray adaw akan ɓa, adəbərkiyit ɗiy na Maŋgəlva, dərweŋge zlaŋ azaŋ na akan ɓa.

Isaya 40:4

Walaŋ pak dəsan məndəkən səɗalə, mossorgo metiŋ də mossorgo pak dəssoŋ pəlayə, təki ɗoggro'o dəkkpaŋ pəlayə, təki məzlip-zlip dəkkpaŋ fidihi.

Isaya 41:17

Məssẽhẽŋɗe dit məzurayɗe wakayaŋ iŋkile, ya tahəŋ ɓa. Met tay təpatəpa sit meme. In Yawe, wanəzlan siti, in Maŋgəlva na Israyel, wanəzget ɓa.

Isaya 41:3

Tay əzbeti, ndən ətoŋ zay dəka tive məs tələn dəndap ɗah ɓa.

Isaya 45:2

Naw wandaw aboko ka kawziyan təki ɗogro'-ɗogro', wanikrep maddambeɗe na təbəz pepreŋge wanəŋzlu təbəz nawsleketti.

Isaya 45:7

Nəzəməɗək əkeɗeɗe'e, nəɗɗak guzliyo. Nəɗɗak zazaya, nəɗɗak tatwãha'e. Naw intə Yawe, məzəɗɗe zəgeɗis pakə.

Isaya 48:17

Aŋki an Yawe məzukõhguk, Salala na Israyel anahə: Intə Yawe, Maŋgəlva noko. Intə məzuyogok ka kəndərehgəni; intə məzədawguk aka tive məs kədazba.

Isaya 52:12

Kədagilyoŋ də kakara ɓa, kədaddoŋ dinze ɓa, vi Yawe wadaw abokum, Maŋgəlva na Israyel wasan aɓɓokum.

Isaya 54:13

Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 58:10

an kuɗakanək way nok də ɗəf məs may adawda pakə, kəbetik məssehẽŋɗe, asna əkeɗeɗe nok warbə ara guzliyo; dəfəɗ nok wasan va tataŋpaya.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Ezekiyel 14:23

Waffetenən mokrokum, vi wakulanən ədaw net də wəza neti, wakəsənnən na ɗari nəɗɗa zəgas pak akanəŋ ɓa, Daya Yawe aɗiymani.»

Hose'a 2:14

Wanəmmus guli na megezlembirke nat dit en net sokoyeɗ en tədawnəh na: «Zəga na makaryam an məs gəreŋgiɗu avayaŋgi.» Wanəkkpaŋget ka wəleŋɗe ngərrəɓ ɗarə, zəgeɗ nawra nawzimnini.

Hose'a 2:6

Nula na sasẽhit kirtət ɓa, vi uwa nawku a gizbeŋgə.

Amos 5:8

Ndən dəɗɗe ŋgay net ŋgərzleɗi, gəm duŋgusu. Akkpaŋgan dəfəɗ tikiɗim ka təki məddaŋgən; dədakkpaŋgan kapay ka dəfɗa. Ndən məzuye iŋkile sə pehe əfloŋgit aka dəlvafuŋ. Iya nan na Yawe.

Luka 3:5

Məzzoro pak kawndəkni, mossorgo metiŋ də mossorgo pak kaɓliwti, tiveɗ polndoŋpolndoŋ pak kawziwgiti, tiveɗ giɗikgiɗik pak kawziyeti.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

Efesus 5:8

Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Yosuwa 3:4

walaŋkum dəndən dəsangən zəga na metər taka hara, kədaddereŋ azan ɓa, vasna wakəsənnən tive məs kədazbaŋgə, vi kədawaŋ ɗah dəka tive van ɓa.»

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.