Isaya 42:10 - Bible en Guidar

¹⁰ Məgagdakan Yawe, məyəgəlya meleketeni. Gagdak nan dəyə hã a təki dələv abaymani, mənokum mədawaŋ a pehe, dit məs dəknahəni, Mətəwəraɗe dit ɗiy naketi.

Isaya 42:10 ပူးပေါင်းရင်းမြစ်များ

1Alabaraɗe Də Mabərkiziti 16:32

Pehe dəbay gagay dit zəgeɗ naddəvni; Muyã pak dənnek dit zəgeɗ naddəvni!

Gəlyaɗe 150:6

Məzəmpəs pak dəɗi ki Yawe! Məɗi ki Yawe!

Gəlyaɗe 33:3

Məyə sən gəlya meleketeni, məbay zəga nasmay lewlewi də ərga vokum.

Gəlyaɗe 40:3

Akdəhwək sə vov daryaw, səra ndərɓa kpukpumo. Aziwguwək aka milɓe; asɓanək təlwa.

Gəlyaɗe 65:5

Ɗəɗah na ɗəf an kuweli, wasan adaŋgla anokda! Waməbə də zəga moggon neŋgil anokda. Zəgeɗ salala naddəv gəla noko.

Gəlyaɗe 72:10

Milyeŋge na Tarsis gəm naket mətəwəraɗe wakiyaŋ əvəla; milyeŋge na Saba gəm na Seva, wakiynən nzalaka neti.

Gəlyaɗe 96:11

Disiŋ anneken zuko, dəlvafuŋ apepɗeki, pehe dit zəgeɗ naddəvən dəbayaŋ gagay!

Gəlyaɗe 97:1

Yawe məlĩ yi. Dəlvafuŋ dənneki, mətəwəraɗe diyɗa dənnekenin ziti!

Əgilye 15:1

Ndəni Moyis dit mə Israyelɗe ayanən gəlyaŋ sən Yawe, anahaŋ aɓɗaŋ na: «Wanəya gəlya sən Yawe, askək wəla; azganək pələs də ɗəf naka a pehe.

Əgilye 20:11

Vi aka pay sləre yi, Yawe azəməɗ: disiŋ də dəlvafuŋ, pehe dit zəgeɗ naddəvən pakə, pay mabuhulon affeti. Vini yi, Yawe aɗɗa əzaɓ aka pay naffete, dəsangən ka nani.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 12:5

Məlvan Yawe də gəlya, vi aɗɗek zəgeɗ gugriɗe. Mərbet aka dələv pakə!

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 44:23

Disiŋ, minneki vi Yawe aɗɗaka. Kpukpum na dəlvafuŋ, anneki. Mossorgoɗe gugriɗe, wəleŋɗe ngərəɓə, wəlaŋga awandi naddəvən pakə, məgəsl vaŋvəl sən ənneke. Vi Yawe akõhgənək Yakob, arbanək gagdak nan a Israyel.

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 60:6

Ngaɓa net zlogomeɗ wagulko zlogomeɗ en naka seyit na Madiyan gəm na Eyfa, wazzoŋ pak sə Saba. Wakiyaŋ meleŋge gəm tursan, warbanən gagdak na Yawe.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Isaya 65:14

Məɗɗaŋ wəza naw wayaŋ gəlya sən ənnek tay a mekreti! Ya nokumu, wakəŋzlaŋ vaŋvəl sən əssa na mokrokum: Wakənɗesaŋgə, kiykum viwwe.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Hənhən 14:3

Tahəŋ wəyaŋ gəlya meleketen aba mazaŋga na məlyã, gəm abet zəgeɗ memeyẽɗ poɗo də abet ɗiy məsɓeti. Ɗəf tay nawɓap əyagan gəlya van abbirit ɗiy gabal səkat də kaklaw poɗo kiyit poɗo məs məmet səka dəlvafuŋ nak ɓa.

Hənhən 5:9

Yaŋ adawyaŋ gəlya meleketeni: Istə kəgap nawgəm ɗereweləŋka. Gəm nawhok tampoŋɗe nani, vi mətawni wəloko, kəmetik ɗiy sən Maŋgəlva dit mbel nok səddəv mahəlfa pakə, səddəv ma pakə, də zemvit ɗiy temtem pakə.