Isaya 41:4 - Bible en Guidar

⁴ Naway dəɗɗum dəɗɗa di? Ndən dəya sayit ɗiy aka də wətəŋ nani. In Yawe tə daabəŋ, dit ɗiy nadirɓe, intə'e.

Isaya 41:4 ပူးပေါင်းရင်းမြစ်များ

Gəlyaɗe 102:27

Net wazaŋgə, nok wakəsoko. Net waŋgosoŋ pak va lukutu, wakəddəɗet va lukutu, waddəɗaŋgə.

Gəlyaɗe 102:28

Nok is tat va lahəŋka, əzva nok agrak na ɓa.

Isaya 40:12

Naway dəsle iŋkile nammba dələv də gədəv vani, dəsla təki a disiŋ dit kirtin van paparə, dəsla burɗuk na dəlvafuŋ addəvət huloŋku, dəsla gagdak net mossorgoɗe gugirɗe gəm net mossorgoɗe də zəga nawsla gagdak di?

Isaya 40:26

Məslan horokum a disiŋ, mula, naway dəzəmiɗ zəgeɗ vet di? Ndən dədawgilgin dula net gədakə, dədawyet pak də iya neti, vi tay də əɓap diyɗa, gbəgboŋ nan nanəhi ɓa, taka tay dəzə ɓa.

Isaya 41:20

Vi dulanəngəni, dəsənnəngəni, dəɗinəngəni, dəprəməngən sap na va Yawe dəɗɗa as vani, Salala na Israyel dəzəməɗa.

Isaya 41:26

Naway dərban səza wətəŋ nan ka məsəngən di? Naway dənah far ka mənahgən na: Gesiŋgi yi di? Ɗəf tay dərban ɓa, ɗəf tay dənah ɓa, ɗəf tay dəprəm əpel nokum ɓa.

Isaya 41:3

Tay əzbeti, ndən ətoŋ zay dəka tive məs tələn dəndap ɗah ɓa.

Isaya 42:24

Naway dəppan Yakob ka kappətən di? Naway dəppan Israyel vi kappohõn di? Namna Yawe məs məgəɗ sən mambray yi ɓa sa? Dətafənən ədaw aka tive naw ɓa dəprəmən mahenziŋ naw ɓa.

Isaya 43:10

Mənokumtə məziweɗe nawa, Yawe aɗiymani; məɗɗaŋ wəza nawa, məs nəweli. Vi kəsənnəngəni, kətafwəngəni gəm kəprəməngən na, naw intə Maŋgəlva. Daabəŋ kiwa, maŋgəlva tay mərkan ɓa, tay nassan abbəru ɓa'a.

Isaya 43:13

Farfar, naw intə Maŋgəlva. Ɗəf tay nawmõh zəga səvaw ɓa, an nəgəɗ na, naway nakkpaŋgan di?

Isaya 46:10

Də ətəŋ nan far lahəŋka, nərbanək an dədazzani, gəm zəgeɗ en dəɗɗaŋ tagay ɓa səza an dətoŋgu. Nəmna: Əɗɗum naw yaŋka, wagəɗə. Wanəɗɗa an nəŋgəl pakə.

Isaya 48:12

Məprəmwa, Yakob, gəm Israyel, ɗəf məs nəyə, Intə, ina. Intə ətəŋga intə əggraka.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Wəza net Masləŋɗe 15:18

Məsənti far vaska.

Wəza net Masləŋɗe 17:26

Səza ɗəf taka yi azəmiɗ ɗiy pak dəssoŋgən aka dəlvafuŋ gboŋgu. Səza aziwgin pay nan aɗiya, azi meŋge na təki nassa neti.

Əmsak aka Mahenziŋ 32:39

Mula kakaŋka: intə, abbəru tay ɓa, maŋgəlva maɓɓan tay azaw ɓa, intə nawbay ɗəfa, intə nappan madarani, pay nəŋzluwa, intə nanzaɗni, Ɗəf tay nawmõhən səvaw ɓa.

Hənhən 1:11

ətəlma na: An kədawlaŋka aver addəv ɗerewel, aslən sit gəleɗe na Maŋgəlva buhul: a Efesus, a Samirna, a Pergame, a Tiyatira, a Sardis, a Filadelfiya, də a Lawdikiya.

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.

Hənhən 22:13

Intə A, intə Z, intə Tizi na zəga pakə, intə bayma na zəga pakə, intə wətəŋ na zəga, intə wəbayma zəga nan pakə.