Isaya 41:19 - Bible en Guidar

¹⁹ A kapta-muyã wanəɗi wəleŋɗe lelewɗe, duvurnohõ, wəlaŋga mirtə gəm hereme. A təki məs wəleŋɗe tahəŋ ɓa, wanəmpə, muguguleɗi, wəlaŋga adawyaŋ na pin gəm zigã.

Isaya 41:19 ပူးပေါင်းရင်းမြစ်များ

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 32:15

Hã gap əmpəs əpirken sə disiŋ akamə, gəm kapta-muyã adakkpaŋ guli net wəleŋɗe nawzəma guli net wəleŋɗe nawzəm tam ka wəleŋɗe ngərəɓə.

Isaya 35:1

Kapta-muyã də dələv mukuro dənnekeŋgi! Muyã dəsan babyak babyakə dəffuy va kidorgom.

Isaya 43:19

In yakəŋ əɗɗa zəga meleketeni; kakaŋ na tay ərba, kəsənnən ɓa sa? Ha'aw, wanəkol tive a kapta-muyã, a muyã wanəɗɗe məlpeŋge.

Isaya 51:3

Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Isaya 55:13

Wəleŋɗe lelewɗe waɓayaŋ a gəlet gedirgeɗi, a gəlet tintifɗe, wəleŋɗe məs məŋginit neki. Wasan zəga na sləma vi Yawe gəm zəga narba an faɗ məs azə na ɓa.

Isaya 60:13

Wəleŋɗe rəɓ dəssoŋ gagdak na Liban kawkiti anokda wəleŋɗe lelewɗe, zaɗiya gəm zigã wazzoŋ sap vi kawbay gawla sən gəlamatuya nawa. Wanəkkpaŋgan təki nəsaw dəsangə də gagdaka.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 61:11

Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Isaya 61:3

Vi kawɗup kulpupu na məlĩ sit məzuɗəkaŋ na Siyon, kapsit kulpupu na məlyã, məza moŋglo ɓa; mel nanneke, məza əɗəka ɓa; lukut nawɗikiya məza na əddak ɓa. Kawyeti na: Wəlaŋga məpsən gagdak sən Maŋgəlva, guli na Yawe vi karban gagdak nani.

Ezekiyel 47:12

Ama lolohõ van dahãdahã pakə, wəleŋɗe nawzəm zeŋvit temtem pak wagilyoŋgu; gaslamba net aɓət na ɓa, uwa net agrak na ɓa; wawaŋ va təla amə' pakə, vi iŋkile na lolohõ səddəv gəla na Maŋgəlva adawgilyoŋgu. Uwa net ka wəzəma, gaslamba net ka mihã.»

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Zakarya 1:8

Nəwələk ɗəf aka pələs pepreŋ na dəfɗa: tay ziwwe aret silimɗe, hã addivit adaka, dərɓagan na, pilseŋge pepreŋɗe, hoyoŋko-hoyoŋko gəm babarɗe.