Isaya 41:17 - Bible en Guidar

¹⁷ Məssẽhẽŋɗe dit məzurayɗe wakayaŋ iŋkile, ya tahəŋ ɓa. Met tay təpatəpa sit meme. In Yawe, wanəzlan siti, in Maŋgəlva na Israyel, wanəzget ɓa.

Isaya 41:17 ပူးပေါင်းရင်းမြစ်များ

Va'Atəŋ 28:15

Ya awle! In tat də isi, wanəguk də təki kədaddok pakə, wanəmilguk aka dələvəŋka, vi nəzgok na firik ɓa, hã gap in grak əgrak an nənah suko.»

1Milyeŋge 17:8

Əpel na Yawe ade sən dawnəh na:

2Alabaraɗe Də Mabərkiziti 6:17

Gəgaŋ na, Yawe Maŋgəlva na Israyel, asɓan əpel nok an kəpel ammba gawla nok Davit!

Gəlyaɗe 22:15

Gəɓa zu akkpa'ək va iŋkile; mesleŋsleŋgu pak vitviti. Dadawaw məstaka də timbe, tay ənwẽsl addəvwa.

Gəlyaɗe 34:6

Məzulaŋ azan tahəŋ əwiɗeŋgi, wil adenin na ɓa.

Gəlyaɗe 37:25

Nəsawək gawla hã in galgalə; nəwəl ɗah ɗəf təstəs məzgan ɓa, may kirtin əkayaŋ əzəm ɓa.

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 74:21

Məs məsərman adarba wil ɓa, məssahã də məzuray dəɗiynən ki iya noko!

Gəlyaɗe 94:14

Vi Yawe appet na ɗiy nan ndol ɓa, azgan na an nawray van ɓa:

Əgilye 17:3

Adaka, meme adenik ɗiy; ɗiy ahəmaŋgək də Moyis: «Aɓɗaŋ na, vimi kəgilgəm sə Eziptə ka kappaw əmta sit meme mənamə, kirtəm gəm zəgeɗ memeyẽɗ nam di?»

Əgilye 17:6

Wanəziw abok adaka, aka milɓe a Horeb. Kərgagən milɓe, iŋkile wagulyoŋ sədaka, ɗiy dəsaŋgəni.» Vas Moyis aɗɗa ama haret ɗiy məsɓet na Israyel.

Isaya 30:19

Vi is vanday na Siyon, is məs kəsok a Yerusalem, əhəm kədawhəm ɓa. Ama əŋzla vaŋvəl noko wagəɗ suk mbəlembəle. An aprəmkuko, wazlan suko.

Isaya 42:16

Wanədawgit deŋgerɗe dəka tive məs dəsənnən ɓa gəm də tive gargar məs dəsənnən ɗah ɓa. Wanəkkpaŋgan guzli nabet ka əkeɗeɗe'e gəm kawziyan təki mə giɗikgiɗik dakadaka. Anan nədaɗɗa, nəppet na ɓa.

Isaya 43:20

Zəgeɗ nawra, wawayɗe dit herkeseŋɗe wagagdakawəni vi nəɗiyik iŋkile a kapta-muyã, məlpeŋge a muyã, vi ɗiy naw məs nəwel dəsaŋgəni.

Isaya 44:3

Vi wanəzlalbay iŋkile aka dələv mə palpalə, gəm lolohẽɗ wadawaŋ aka təki məklakani. Wanəzlalbay əmpəs naw aket kirtuko əzaɓ naw aket dihigiɗko.

Isaya 48:21

Meme dədenin a kapta-muyã a təki məs adawgit ɓa. Agilgitik iŋkile səddəv milɓe viyti: apɗakək milɓe, iŋkile agilyoŋgu lokloku.

Isaya 49:10

May ade na ɓa, meme adetin na ɓa. Təki kakãh aɗɗe na ɓa gəm kəɓak-kəɓak na pay ɓa. Vi ɗəf məzula sahã aket wadawgiti, wake a met iŋkile miyma.

Isaya 55:1

Mənokum, məs meme adawdaŋgə, mide a met iŋkile, ɗəf məs dala tay avan ɓa zlaŋgə! Mide məlbahə, məzəmə! Mide məlbah na mekeleŋ, məza əfaɗ aka mbazla na megezlembirke gəm moŋvo ɓa.

Isaya 58:11

Yawe wasan məzədawguk pay pakə, addak kapta-muyã zlaŋgə waboko gəm wasɓan ma sleŋsleŋko wakəsok va guli net wəleŋɗe məs məpsən iŋkile, va heret iŋkile miyma məs akkpa'aŋ ɓa.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Isaya 65:13

Vini Yawe Maŋgəlva anah na: Məɗɗaŋ wəza naw wazəmaŋ yaŋka, nokumu, may wadukum. Məɗɗaŋ wəza naw wasaŋ yaŋka, nokumu, meme wadukuməni. Məɗɗaŋ wəza naw wassoŋ addəv ənnek yaŋka, nokumu, wil wadukum.

Isaya 65:24

Wanəzlan sit tak ndəɗaŋ əyəwəni; dəggrakən əpel net əmpa ɓa nəprimike.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Yeremiya 31:25

Vi wanəpsən iŋkile sən ɗəf an dəyə, wanəban ɗəf an dəddak pakə.

Əɓuhma 4:4

Hərzləm məzuwaɗ tay ətip aza geŋɗetin sit meme. Kirin memeɗeŋɗe tahəŋ əŋglaŋ waya; ɗəf tay dədapsit ɓa.

Ezekiyel 47:8

Yaŋ aɓsu na: «Iŋkileŋ dəka va nammba pay nampum adoddoŋgu, əprikeŋ a Araba: waggbo'oŋ a pehe na bətuwa; pay aggbo'oŋ a pehe na bətuwa, gəbay wamtə səret iŋkile nadaka.

Matiye 5:3

Əzaɓ aket en dəsənən zit na məs saheŋɗeŋ aba Maŋgəlva, vi wassoŋ də Maŋgəlva addəv məlĩ nani.

Matiye 5:6

Əzaɓ aket en dəssoŋ də mãy gəm də meme nanziya təstəsə, vi net Maŋgəlva wabeti.

Luka 16:24

Aŋgəzlək vaŋvəla, amna: Afu Abraham awəl sahã akawa. Aslən Lazar dəyopgən metteɓ van aret iŋkile, dətte' su gən aka hərzlumwa, vi in tat əzəmsahã diyɗa addəv offoŋka.

2Korintus 12:9

Yaŋ azlan su na: Mbəlembəle naw mək suki, vi əɓap naw addəv əddak adaknaha. Də ənnek kan nədawkaɓ vi əddak nawa vi əɓap na Kristu dəsangən akawa.

Hənhən 21:6

Yaŋ anah su na: Agəɗək səkay grakə. Intə an daabəŋ wətəŋ nani, də an dirɓe pakə wəgrak nani. Ɗəf məs meme adaŋ pak wanəpsən iŋkile miyma na zeŋgile na mekeleŋ.

Hənhən 22:17

Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.