Isaya 41:14 - Bible en Guidar

¹⁴ Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 41:14 ပူးပေါင်းရင်းမြစ်များ

Ɗerewel na Yob 19:25

Ya naw nəsənək na, məzəbitu madarani yi, aza əgrak na wasil ziw aka dəlva.

Ɗerewel na Yob 25:6

Sasak ɗəf titir tava mepeleŋ sa, ɗəf titir tentiwilge yi ɗarə.

Gəlyaɗe 19:14

Azargən balam nok səret məɗiyaŋ kiziti: adaskanən wəlaw ɓa, vasna, wanəsaw təstəsə, wanəsaw maw bartata səza mambray diyɗa.

Gəlyaɗe 22:6

Ahəmaŋ sukunko, kəbitke; akok aziynən hereti, dərbaŋ wil ɓa.

Gəlyaɗe 46:5

Məlpa dit məslereɗe nan tahəŋ ənnekenən zə walaŋgəla-metiŋ na Maŋgəlva, a təki salala nassa na Məsəɗəɗə.

Gəlyaɗe 78:35

əɗɗumonən na, Maŋgəlva yi milɓe neti, Maŋgəlva Məsəɗəɗə yi məzubitti.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Isaya 37:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 43:14

Aŋki an Yawe anahə, ndən məzukõhgukum, Maŋgəlva Salala na Israyel: Aka batamkum in tat əslən ɗiy əgay a Babilon wanərɓehet beymeti, mə kaldiyeɗ dədannekeŋ aka bəlayəŋki.

Isaya 43:3

Vi intə Yawe, Maŋgəlva noko, Maŋgəlva Salala na Israyel, məzukõhguko. Nəppanək Eziptə nawmok dəndəni, Etiyopi gəm Seba a guloko.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Isaya 47:4

Iya na məzukõhgəm na Yawe Məzuɓappakə, Salala na Israyel.

Isaya 48:17

Aŋki an Yawe məzukõhguk, Salala na Israyel anahə: Intə Yawe, Maŋgəlva noko. Intə məzuyogok ka kəndərehgəni; intə məzədawguk aka tive məs kədazba.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 59:20

Məzubit wade a Siyon viyit ɗiy na Yakob en dəmilyoŋ səka əɓoŋgo Yawe aɗiymani.

Isaya 60:16

Wakəɗəm moŋvo net ɗiy-ɗarə gəm wakəzəm arya net milyeŋge. Akəsən na: Intə Yawe məzukõhguko, Məzuɓappak na Yakob məzubitko.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Yeremiya 46:27

«Is Yakob, gawla nawa, kəgeslne ɓa; kəkker ɓa, Israyel, vi in yakəŋ əkõhguk sə faraɗa. Gəm kirtuk səka dələv na balam neti. Yakob wamili, wasan kiyən foŋgo, wasan məza də əɗɗum ɓa, ɗəf tay nattapan ɓa.

Yeremiya 50:34

Məzukõhgit gboŋgboŋgi, iya nan na, Yawe Məzuɓappakə. Əhãy adawhãy ammbeti, vi kawki zazay aka dəlva, gəm kakkergit ɗiy na Babilon.

Əɓuhma 3:57

Pay nəyuk kəzar azawa yaŋ kənah suwa: Kəgeslne ɓa.

Daniyel 10:12

Yaŋ anah su na: «Daniyel, geslne aduk ɓa. Vi təŋ səza pay kəɗi a mokrok naprəm gəm nawɓe'gən kiyuk aba Maŋgəlva nok na, əpel nok aprəmka, naw nədeŋ na, aka wən na əpel nok vanəski nəde.

Hose'a 11:9

Nəkiy na herɗe akok ɓa, nəmndaw na əzan Efrayim ɓa; vi Maŋgəlva nani, ɗəf nan ɓa; a waloŋkum na, salala nani: nəde na dit herɗe ɓa.

Matiye 7:14

Ya maddamba an feŋge gəm tive an gargar məzukaŋ ɗəf a təki na zeŋgile, məzəzbanən tahəŋ diyɗa ɓa.

Luka 12:32

Kədawgeslne'eŋ ɓa, gebet muzliya, vi Afukum awlak lew napsukum məlĩ nani.

Roma 9:27

Isaya apelik aka wən net mə Israyelɗe na: An əŋɗa net məs Israyelɗe asanək va hoyoŋko a pehe zlaŋ, en məs dəmbraŋ nawkõhoŋgu.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Əmsak aka Mahenziŋ 7:7

Yawe aŋglukum na, vi kədayaŋ kiyit ɗiy meɓɓet də wəŋɗa nokumi ɓa. Vi ŋgbəra' kənanaŋ daykiyit ɗiy mbərit pakə.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Yosuwa 17:18

Ki mossorgo dədawsan suko, də asan wəleŋɗe rəɓ zlaŋ na, kəbəlangəni, kəzəmgən mani. Vi mə Kana'anɗe assoŋ dit mawteŋɗe na təbəz nawgay dit pilseŋge may assoŋ gurom zlaŋgə, wakəgəm ma gebbeti.»

Hənhən 5:9

Yaŋ adawyaŋ gəlya meleketeni: Istə kəgap nawgəm ɗereweləŋka. Gəm nawhok tampoŋɗe nani, vi mətawni wəloko, kəmetik ɗiy sən Maŋgəlva dit mbel nok səddəv mahəlfa pakə, səddəv ma pakə, də zemvit ɗiy temtem pakə.