Isaya 41:11 - Bible en Guidar

¹¹ Ya məs dədaŋ gədəv akok pak wil wadenini, warbaŋ wili! Ɗiy dəkayanən mok pak wazaŋgə, wakkpaŋgaŋ va zəga ɗarə!

Isaya 41:11 ပူးပေါင်းရင်းမြစ်များ

Əgilye 11:8

Addəv asna məɗɗaŋ wəza nok wapirkoŋ kəlazawa, wappu'oŋ abaw də wənah na: Agili, is dit ɗiy nammba təluk pakə. Sə dərɓaga askan na, wanəgili» Yas agil səza Farawən addəv ədagədəva.

Əgilye 12:29

Aka teteŋgit sin na, Yawe abeyik uwa maddaabəŋ naka dələv na Eziptə pakə, təŋ səka Tiz na Farawən məs nawsan aka mazaŋga na məlĩ nani hã gap aka Tiz na mə fərsəna a fərsəna, də an net zəgeɗ memeyẽɗi.

Əgilye 23:22

An is tat əprəm mani, is tat əɗɗa an nənah pakə, asna wanəzel məzuzelkuni, wanəsaw məzuseɓ net mərmaŋ mama azoko.

Isaya 17:13

Ŋgbititi net ɗiy məstakay də wooo na pehe. Daya tay əheyeti yaŋ adanzoŋ səzan faraɗa, tay əɓɓehit va eslesle məs səmyã naka mossorgo metiŋ adawka, va herɗe ŋgav məs vẽŋvil adalma.

Isaya 29:5

Dula net məzuzelkun wasan va rizze na hologudumu, Dula net məsdarawɗe wasan va eslesle ammba səmyã. Gurzik na,

Isaya 29:7

Dula net ɗiy-ɗar pak məs dədaɗɗaŋ əgay də Ariyel, ɗiy en duguluni, dəkaraŋ kiyən də əbit gebbet dirɓe gəm məzəzəmgukənən sahã wassoŋ va əssine, va ula addəv dəfɗa.

Isaya 29:8

Wasan va ɗəf məs may adawda ndən əssine na tay əzəm waya; ndən fəɗah na gədəvən foŋgo. Awaniɓa va ɗəf məs meme adawdaŋ ndən əssine na tay əsa iŋkile; ndən fəɗah na, məyani, ma wəlan məklakani. Vas adawsan sən dula net ɗiy məɗɗaŋ əgay də mossorgo metiŋ na Siyon.

Isaya 34:12

Ɗəf səmmbet ɗiy nan tektek tay nawsan adak kawtəl ma aka wən na məlĩ ɓa, deyeɗe nan pak wassoŋ ɓa.

Isaya 40:17

Ɗiy na dələv pak tahəŋ va zəga ɗar ama harani, tay ulet ɗar foŋlorro ɗarə.

Isaya 40:2

Məzzayan makra Yerusalem, məprəman sən na wəza tatwãh nan agrakka, vi afaɗək mambray nani, arahək tatwãh təl sula səva Yawe aket mambrayɗe nan pakə.

Isaya 41:24

Awla, kəgapaŋ zəga gapsa ɓa, wəza nokum zəga ɗari. Ɗəf an dəwelkum na, awelik zəga daryawə.

Isaya 41:29

Beymeti, məɗɗaŋ mbəraynəŋ, wəza neti, zəga ɗari yi. Zəgakamaŋgəlva neti, səmyã mekeleŋgi yi!

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 49:25

Ya an Yawe anah yaŋka: Kawmõhni ɗəf məs gbogboŋ arəmə, ərah na məs gərom wakõhu wanəgay də məzugay də isi, wanəkõhgit kirtuko.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 54:15

An ɗəf awaksukuko, wən nan dəsil səzaw ɓa. Ɗəf dəwaksuk əgay pak waskot aboko.

Isaya 54:17

Zəga məzaɓən nawgay də is pak ahhar na ɓa. Wakəslbe məkaŋ dolgoy akok pakə. Hara ərəh net məɗɗaŋ wəza na Yawe yaska, ndeni təstəs net məs dəsil səzawa Yawe aɗiymani.

Yeremiya 12:17

Ya an dəprəmaŋ ɓa, asna wanəptiw ɗiy veti, wanəptiwe, wanəzeti, Yawe aɗiymani.

Yeremiya 2:3

Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Zakarya 12:3

Dəpas na, wanəɗi Yerusalem va gərəm beppe məza awsla ɓa abet ɗiyi. Ɗiy en dəŋglaŋ əslanən pak waplote. Ɗiy naka dəlvafuŋ baymet wasapaŋ akani.

Wəza net Masləŋɗe 16:39

Səza azzoŋgu, akkametini, agilgitini, anah sitin dəzaraŋgən sə walaŋgəla-metiŋ.

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.