Isaya 41:10 - Bible en Guidar

¹⁰ Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:10 ပူးပေါင်းရင်းမြစ်များ

Va'Atəŋ 15:1

Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

Va'Atəŋ 26:24

Yawe arbanək zən azan dəfəɗ nani, aɓsən na: «Intə Maŋgəlva na afuk Abraham; kəgeslne' ɓa, vi in tat də isi. Wanəzaɓoko, wanuwan zeŋvuk diyɗa ammba məgəɗ wəza naw Abraham.»

Va'Atəŋ 31:5

Aɓsit na: «In tat ula hara afukum akaw tay va məsam lahəŋ ɓa; Maŋgəlva na afuw asanək də iyna.

Va'Atəŋ 49:24

ya bəle nan asanək ŋgəreŋ ŋgəreŋgi van dit kirtin van tahəŋ əɗɗaŋ wəza petpeti. Də gbogboŋ na Maŋgəlva Məzuɓappak na Yakob, də iya na Məzutaɗa, Gərəm na Israyel,

2Samiyel 22:19

Pay nawray nawa, ndəɗaŋ əwakaŋ səwəni, Yawe yi məsək suwa.

1Alabaraɗe Də Mabərkiziti 12:18

Davit vit abeti, apel siti, amna: «An də zazay kəzzoŋ əbbah suwəni, makraw wasan taka də munokum. Ya an vi kawmbəɗaw sit məzuzelɗe nawi yi, adan tay an nəgəɗ mbərayən ɓa, kəta Maŋgəlva net efiŋgiɗu dula, kəta dətaw wən nani!»

2Alabaraɗe Də Mabərkiziti 20:17

Wən nokum tay də əlpaŋ ɓa, məkay təkiya, məziw mula əkõh na Yawe məs adawkõhgukum. Yuda də Yerusalem, kəgeslne'eŋ ɓa, kəkkereŋ ɓa. Pummo na, məgil abeti, Yawe wasan də mənokum.»

2Alabaraɗe Də Mabərkiziti 32:8

An dəsan dəndən na gbogboŋ na ɗəf titiri yi, ya dəndəm na, Yawe Maŋgəlva nam narma vamə gəm nawgay addəv wəlpa nam temtemi.» Əpel Hizkiya məlĩ na Yuda apel temteməs asɓetik ɗiyi.

Gəlyaɗe 144:11

Akõhguwa, apəlu səvet molhõyẽɗi, məs met muwə wəna gəm məslanən vet dəzəŋ əsway ɗarə.

Gəlyaɗe 144:8

məs met məwə wəna gəm məslanən vet dəzəŋ əsway ɗarə.

Gəlyaɗe 145:14

Yawe yi mərəm vet məzəzbəraŋ pakə, tay əsilgit məs dəɓe'eŋ pakə.

Gəlyaɗe 147:12

Mə Yerusalemɗe, mətibiren Yawe! Mə Siyonɗe, məɗi ki Maŋgəlva nokum.

Gəlyaɗe 18:36

Is tat əpsu baray naska wəla noko, vok dəzəŋ tay ərma vawa, ulasahã noki dəɓayguwa.

Gəlyaɗe 27:1

Səza Davit. Yawe yi əkeɗeɗe nawa gəm əkõh nawa, sən nawa nədawgeslne' sən di? Yawe korgu na zeŋgilewi yi, geslne sən nawa adarmu di?

Gəlyaɗe 29:11

Yawe wapsit gbogboŋ sit ɗiy nani, Yawe waɗɗa əzaɓ nan aket ɗiy nani!

Gəlyaɗe 33:12

Əzaɓi azet ɗiy en dəɗinən Yawe ka Maŋgəlva neti! Əzaɓi azet ɗiy en awel ka nawray vani!

Gəlyaɗe 37:17

vi gbogboŋ net məsdarawɗe wazə, ya Yawe tay ərma vet ɗiy en təstəsə.

Gəlyaɗe 37:24

An ataŋgbayək na, askot na ɓa, vi Yawe tay ərma vani.

Gəlyaɗe 41:12

Aza aski nədawsənən na, is tat ənnek də iyna: məzuzel naw aŋgəzl na vaŋvəl naska wəla akaw ɓa.

Gəlyaɗe 46:11

«Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

Gəlyaɗe 46:7

Dəlveŋge na guw aɓoŋgoŋko, kiyva net milyeŋge temtem akkereŋke, Maŋgəlva ahãyka, dəlvafuŋ awwerke.

Gəlyaɗe 63:8

Vi məzəbbah naw kənani, ammba zeŋgile na perslekok nədanneken zuwa.

Gəlyaɗe 65:5

Ɗəɗah na ɗəf an kuweli, wasan adaŋgla anokda! Waməbə də zəga moggon neŋgil anokda. Zəgeɗ salala naddəv gəla noko.

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Əgilye 14:13

Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.

Əgilye 20:20

Moyis aɓsit ɗiy na: «Kəgeslne'eŋ ɓa! Vi kawslukumi Maŋgəlva ade, vi kəgeslne'eŋ sənəngəni, kədaɗɗaŋ mambray ɓa.»

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 35:4

Mənah sit ɗiy en mekret dəɓoh na: Məsok zukum, kəgeslne'eŋ ɓa, Maŋgəlva nokum yaŋka. Əmpəlkiya wagapə Maŋgəlva wamndan harat huloŋguk sit məzuzelɗe nokum, wade wəkõhgukum.

Isaya 37:6

Isaya anah sit na: Vaŋ kədawnah sənən daya nokum: Aŋki an Yawe anahə: Kəgeslne vi kəprəm əpel məs gewleɗ na məlĩ na Asiri arawənəŋ ɓa.

Isaya 43:5

Kəgeslne ɓa, vi in tat də isi, wanəmilgit kirtuk hã səmmba pay nampum, wanəkkelet ɗiy nok hã səmmba pay na moskoyo.

Isaya 44:2

Aŋki an Yawe anahə, intə nəɗɗuko, gəm nəzəməɗuk tak uwa noko intat əbbah suko: Geslne aduk ɓa məgəɗ wəza naw Yakob, gəm Yesurun məs nəweli.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 50:9

Awla, Daya Yawe yi məzərma vawa, naway nawnah na nəraygənəka di? Məzuzelɗe naw pak waŋgisiɓeŋ va lukutu, tava wazime.

Isaya 52:7

Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 60:19

Pay dədawsan suk ka əkeɗeɗe na kapay əmpa ɓa, dəfəɗa, təla yi nawiɗ suk ɓa, Yawe yi nawsan suk əkeɗeɗe pay pakə Maŋgəlva nok dədawsan gagdak noko.

Əɓuhma 3:57

Pay nəyuk kəzar azawa yaŋ kənah suwa: Kəgeslne ɓa.

Daniyel 10:12

Yaŋ anah su na: «Daniyel, geslne aduk ɓa. Vi təŋ səza pay kəɗi a mokrok naprəm gəm nawɓe'gən kiyuk aba Maŋgəlva nok na, əpel nok aprəmka, naw nədeŋ na, aka wən na əpel nok vanəski nəde.

Daniyel 6:16

Ndəni ɗiy nek addoŋ də kakara aza məlyã anahaŋ sənən na: «Məlyã, kəsənən an dəsan addəv mahenziŋ net mə Medə gəm mə Persiɗi, an mətakən məlĩ aɗi wən nan pak na, addəɗ ɓa.»

Hose'a 1:9

Yaŋ amna: «Alvan na Lo-Ammi, va wənəh na: ɗiy nawəŋ ɓa, vi ɗiy naw kənanən ɓa, naw pak nəsaw na sukum ɓa.»

Haggay 1:13

Yas Hagay maslən na Yawe apel sit ɗiy va Yawe anah səni: Vi Yawe aɗiyman na: «In tat dəndukum.»

Haggay 2:5

Va niynan a makraw nawgəɗ sukum gala əgilye nokum səka dələv na Eziptə, adan əmpəs naw tay a walaŋkum kədawgeslne'eŋ ɓa!

Zakarya 10:12

Wanəkkpeŋget məs mekret də iya na Yawe, aka iya nan adawdawaŋgə, Yawe aɗiymani.

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Luka 1:13

Yaŋ maslay aɓsən na: Kəgeslne ɓa, Zakari, vi əkkam nok aprəmka. Guluk nok Elizabet watəwəsuk wiyna, kəlvan gən na Yohanna.

Luka 1:30

Maslay aɓsət na: Kəgeslne ɓa Miryam, vi kərahək mbəlembəle səza Maŋgəlva.

Roma 8:31

Mbar mədawnəh kan aka wənəs di? An Maŋgəlva tay də mənam na, naway nalpa də mənam di?

2Korintus 12:9

Yaŋ azlan su na: Mbəlembəle naw mək suki, vi əɓap naw addəv əddak adaknaha. Də ənnek kan nədawkaɓ vi əddak nawa vi əɓap na Kristu dəsangən akawa.

Efesus 3:16

Vi dəpsukumgən əɓap va aza arya na gagdak nani, kəssoŋgən gboŋgboŋ də Əmpəs nani, dəsangən ərəh na ɗəf na kəleŋgili.

Əmsak aka Mahenziŋ 20:1

An kəgilik kawgay dit məzuzelɗe noko, an kəwələk pilseŋge net dit mawteɗ nalpa net adayaŋgək kiyit en noko, kədawgeslne' sit ɓa, vi Yawe Maŋgəlva nok tay də isi, ndəni dəgilguk səka dələv na Eziptə.

Filipi 4:13

Də gbogboŋ nan addəv zəga pak vi Kristu tay əvay əɓapa.

Yosuwa 1:9

Nəɗi suk wən nan na: asok gboŋgboŋ də zuk soksoku ɓa sa? Kədakker ɓa gəm kədaddakan zuk ɓa, vi Yawe Maŋgəlva nok wasan də is a təki kədaddok pakə.»

Mətawaŋwəna 6:16

Yawe aɓsən na: «Wanəsaw də isi, vasna, wakəska wəlet mə Madiyanɗe va wəla ɗəf taka.»