Isaya 40:5 - Bible en Guidar

⁵ Asna, gagdak na Yawe warbə, ɗiy pak wawlanən na, Yawe apelke.»

Isaya 40:5 ပူးပေါင်းရင်းမြစ်များ

1Milyeŋge 14:11

Ɗəf neŋgil ana Yerobo'am da dədamta a walaŋgəla-metiŋgin pak kirɗe dədampərnəni; an dədamta awra pak biŋgeɗ na disiŋ dədawzəməni, vi Yawe dənah vaska.”»

Gəlyaɗe 102:16

Ɗiy na guw wageslne'eŋ sənən iya na Yawe, gəm milyeŋge naka dəlvafuŋ pak tam sən gagdak noko,

Gəlyaɗe 102:17

Pay Yawe adarkan Siyon, warban zən addəv gagdak nani,

Gəlyaɗe 72:19

Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

Gəlyaɗe 96:6

Gagdak də əwiɗ tay abani, gbogboŋ də wənnek a təki nan salalaŋgə.

Gəlyaɗe 97:6

Disiŋ arbanək təstəs nani, ɗiy pak awlanənək gagdak nani:

Əgilye 16:7

Də mopumo na, wakulanən gagdak na Yawe, vi Yawe aprəmkumuk əhəm dəndəni. Ya nam na miy mənan kəɓuhungən mokum akam di?»

Isaya 1:20

Ya an kətafən ɓa, kəɓoŋgoŋko, də masalam adawbay kuməni. Vaski, ma Yawe dəpeli.

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 26:15

Kənzlərgitik ɗiy namə Yawe, kənzlərgitik ɗiy namə, kərbanək gagdak noko; kəzlzletetik meŋgeɗe na dələv pakə.

Isaya 34:16

Məkolon ɗerewel na Yawe, məŋɗani: təttaka səmmbet tay dədaddak ɓa, tay an dədazga sləma aka zeŋvin ɓa; vi man dəɗi wən nani, əmpəs nan dəsepeti.

Isaya 35:2

Uffuyõ adaffuyõ! Dəsan addəv ənnek kpakə, gəm addəv gəlya na ənneke! Gagdak na mossorgo na Liban wasan səni məpsəni yi lelew na mossorgo Karmel gəm na təki məpəlayya na Saron. Naway pak wawla gagdak na Yawe, memetiŋ na Maŋgəlva namə.

Isaya 40:4

Walaŋ pak dəsan məndəkən səɗalə, mossorgo metiŋ də mossorgo pak dəssoŋ pəlayə, təki ɗoggro'o dəkkpaŋ pəlayə, təki məzlip-zlip dəkkpaŋ fidihi.

Isaya 41:20

Vi dulanəngəni, dəsənnəngəni, dəɗinəngəni, dəprəməngən sap na va Yawe dəɗɗa as vani, Salala na Israyel dəzəməɗa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 58:14

asna wakərah ənnek a mokrok aba Yawe, wanəkuk faraɗa a disiŋ səza gəgrəŋ negge wakəzəm nenek na dələv na afuk Yakob faɗə, vi ma Yawe dəpele.

Isaya 6:3

Tahəŋ ənzla vaŋvəl aza zit na: Salala Salala Salala Yawe Məzuɓappak! Dələv dəwən nan aknahək də gagdak nani.

Isaya 60:1

Yerusalem asili, awiɗi, əkeɗeɗe nok adeke, gagdak na Yawe arbək akoko.

Isaya 66:16

Vi addəv offo gəm də masalam Yawe adatawwən aka ɗəf pakə. Ɗiy en adawbay wassoŋ diyɗa.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Isaya 66:23

Vas adawsan təlaper pak gəm aza va pay naffet agəɗ pakə, ɗiy pak wappu'oŋ abawa, Yawe anahə.

Yeremiya 32:27

Awle, intə Yawe Maŋgəlva na zəga an dəsan madaran pakə, zəga tay an naggət akan azaw ɓa.

Yeremiya 9:12

Yawe amna: Vi azganənək mahenziŋ məs nəɗi aveti, dəprəmnən maw ɓa, dədawaŋ va nənah sit ɓa.

Mika 4:4

Wassoŋ naway pak də maɗɗulan ammba megezlembirke gəm sokoyo nani, ɗəf tay nazlzlaɓan ɓa. Vi ma Yawe Məzuɓappak dəpeli.

Habakuk 2:14

Vi dəlvafuŋ waknah də wəsən gagdak na Yawe, va iŋkile adaknəhnən pehe.

Zakarya 2:13

Vi in yakəŋ əslan vaw aketi, wakkpaŋgaŋ ka ərəh na mawgay net belemɗe neti. Wakəsənnən na, Yawe Məzuɓappak dəslənwa.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Luka 3:6

Ɗiy pak wawlanən əkõh dəde səza Maŋgəlva.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 12:41

Isaya aneh zəgeɗis na: Vi awlak gagdak nani, apelik akani.

Yohanna 17:2

Va kəpsən gbogboŋ aket ɗiy pakə, vi dəpsitigən zeŋgile an faɗ sit ɗiy məs kəpsin pakə.

Wəza net Masləŋɗe 2:17

Maŋgəlva amna əvoŋɗe meddirɓe na: Wanuksu' Əmpəs naw aket ɗiy pakə. Kirtukum mezeŋleket dit muguluŋgit waɗɗaŋ kəleŋ. Gewleɗ nokum warahaŋ ula, mezzeɗ nokum wassineŋgi.

2Korintus 3:18

Mənam pak, məs mətor məsərətkiya səka haramə, gagdak na Daya tay ərba azam va asani. Məkkpaŋgək gagdak vanəs gagdak aka gagdaka; aski wəza na Daya, dəsan Əmpəsa.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Hənhən 21:23

Wəray tay na paya awaniɓa na təla ɓa, vi dəkasakgən a walaŋgəla nan ɓa, ndargayã na Maŋgəlva yi lalam na walaŋgəla nani.