Isaya 40:31 - Bible en Guidar

³¹ Ɗiy en dəɗiyənən əɗɗum net aka Yawe tahəŋ əmsak ərəh gbogboŋgo; Tahəŋ əppar persleket va gazlaɗe. Ənzoŋgu, awyaŋ ɓa. Əddoŋgu, addakaŋ ɓa.

Isaya 40:31 ပူးပေါင်းရင်းမြစ်များ

Ɗerewel na Yob 17:9

Ya ɗəf təstəs dəziw aka tive nani, ɗəf məs van salala, dəsok zən azani!

Gəlyaɗe 103:5

Ndəni dədawban ənziya nok dit zəgeɗ moggeti, tay əkkpaŋgok gawla va gazla.

Gəlyaɗe 123:2

Awla, va belemɗe aziynən heret ammba vet migilti, may va balamək təzi harat ammba vat dayak nata, vaski yi mizi haram kəlaza Yawe Maŋgəlva nam də əga ulasasãh nani.

Gəlyaɗe 138:3

Pay niyuko, kəzlansuka, kəsilgin suwək gbogboŋ nawa.

Gəlyaɗe 20:9

Net aɓe'eŋke, askotoŋko, ya nam na, misilik ziwi.

Gəlyaɗe 25:21

Təstəs də əɗɗum sarra dədawguwəni, vi əga naw akoki yi.

Gəlyaɗe 25:3

Tay səret məzugaŋ səvok dərbə wil ɓa, məmbəɗaŋ ɗiy warbaŋ wili.

Gəlyaɗe 25:5

Adawgu aka gegesiŋ noko, ayagawa, Vi istə Maŋgəlva məzukõhguwa. Akoki nəɗi əga naw pay pakə.

Gəlyaɗe 37:34

Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.

Gəlyaɗe 40:1

Səza daya net məyaŋgəlya. Gəlyanalva na Davit.

Gəlyaɗe 84:7

Məzutoŋgoŋ də walaŋ na Baka (nawhəma), ndəɗaŋ əkkpaŋgan ka heret iŋkile, buwən na məndəvən əggbo' wəzaɓ akani.

Gəlyaɗe 84:8

Waddoŋ abe abe də gbogboŋ neti, warbanən zit aba Maŋgəlva a Siyon.

Gəlyaɗe 92:1

Gəlyanalva, gəlya na pay naffete.

Gəlyaɗe 92:13

Ɗəf təstəs tay əgilyen va gogozlo, tay əɓay va wəlaŋga ɓəɓəl na Liban.

Əgilye 19:4

Kulanənək munokum sən kiykum an nəgəɗ sit mə Eziptiɗi, nəslokumuk aka persleke gazla, yas nəkikum azawa.

Wənməkkpaŋga 30:19

Batam kopo a disiŋ, batam dohõ aka milɓe, batam bəlay a pehe gəm batam əŋgla na ɗəf kəlazat gulku.

Gəlya net Gəlyaɗe 8:5

«Nawattə məzəzzat sə kapta-muyã, məzuges aka gərat na makrat kədək di?» Səmmba goɗoŋgoy nədafɗohoko: adaki mok təɗi daway noko, adaki akən təɗi daway nok təwuko.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 30:15

Vi aŋki an Yawe Maŋgəlva salala na Israyel anahə: əɗi marava gəm wəssa ɓatɓati yi wəkõh nokumu. Gbogboŋ nokum na, wəssa ɓatɓati yi gəm əɗi əɗɗum nokum akawa. Ya kəŋgəmaŋ ɓa.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 41:1

Mətəwəraɗe, məɓət sləɓək abawa, ɗiy məsok zukum, mədder aŋka, məpeli. Mədam a təki ətawən sap mulagəni.

Isaya 64:4

Kədek əbbah sən ɗəf məzənneken zən də əɗɗa təstəsə, məzəɗɗumon nawdaw aka tive noko. Kədək gədəv akamə vi məgəɗək mambraya. Aket tiveɗiŋki'e mədawrah əkõho.

Isaya 8:17

In tat əga Yawe məs dəkkpaŋgan haran faraɗa səka gəla na Yakob, ya akan nəɗi əɗɗum nawa.

Yeremiya 48:15

Mo'ab arayka, məderzehi aket walaŋgəleɗe gugriɗ nani tawkenin gewleɗ guromɗe nan a təki nawtaw wəleti. Məlĩ məs iya nan na Yawe Məzuɓappak aɗiymani:

Zakarya 10:12

Wanəkkpeŋget məs mekret də iya na Yawe, aka iya nan adawdawaŋgə, Yawe aɗiymani.

Luka 18:1

Yaŋ Yesu apel sit wənməkkpaŋga vi adahək dəkkamaŋgən pay pakə məza əppan ɓa.

Roma 8:25

Ya an mənam tat əga an mawlan ɓa, asna waməsok zəm əgan də hoɗhoɗ ammbani.

2Korintus 4:1

Sən aski, adan də ulasahã nan mərah wəzaska, makram amtə na ɓa.

2Korintus 4:16

Vini, makram amtə na ɓa. Ya an gəɓa zəm an nakəlappaka tay əza zlaŋ, gəɓa zəm an nakəleŋgil tay əndəf pay pakə.

Galatiyen 6:9

Mədawya də əɗɗa moggon ɓa, an məyə ɓa na, waməbəl an pay nan agapka.

Əmsak aka Mahenziŋ 32:11

Məstaka va kopo adawveŋ koflohho aka gəla nani adawyeget kirtin dawveŋge, adazzan əzlzlar persleken kəlammbet ndən əkeslit aka perslekeni.

Əmsak aka Mahenziŋ 33:25

Zəgeɗ nampan mativeɗ nok dəssoŋ na təbəz titir gəm pepreŋge, gbogboŋ nok dəzzek gba' ənziya nok egge.»

1Tesaloniki 1:10

vi kawga Wətən sə disiŋ, ndəni Yesu məs asilgən səret ɗiy mimtiti, ndən dədawkõhgəm səma ədagədəv na Maŋgəlva məs dədazzani.

Ibriɗe 12:1

Vas kan na, nam pak miziweɗe tahəŋ kiyəm tərwəsl va ernene, məzgan səm zəga nawsla gagdaka gəm mambray pak məs dəsərək əsulək kiymə, məɓəssəm tatwãh məs adaɗɗaŋ səmən də əsok zəmə,

Ibriɗe 12:3

Vasna, məɗɗumon ɗəf dəɓəs zev əzəmsãhã vas səvet məs mambrayɗe, ka kədappanən zukum əddak ɓa.

Yosuwa 14:11

Də as pak in tat gboŋgboŋ va aka pay Moyis aslənwa. Va gbogboŋ nawgay may naɗɗa zəga temtem asan azaw lahəŋka, vaski asan azaw gəgaŋka'e.

Hənhən 12:14

Yaŋ məpsət persleke sula va na gazla metiŋgin sət guluk nakə, vi təveŋgən əmbat a kapta-muyã, a təki məzaɓan ammbat vi kawzəmgət adak faraɗa səza dohõ, zəga na əzva hoku də mani.

Hənhən 2:3

Kəsokuk zuko, kəzəmək sahã vi iya nawa, də as pak kəgeslne' ɓa.

Hənhən 4:7

Zəga mamayã madaran an maddaabəŋ, agilik va ɓoolu, an masula'ən va medgeɗge, mahoko'ti haran va na ɗəfa, mapoɗo'ti agilik va gazla aka makapal.

Mətawaŋwəna 16:28

Yas Samson akkaman Yawe amna: «Kamə Yawe Maŋgəlva, aɗɗum akawa, akkpaŋgaw gboŋgboŋ aka an yaŋkəŋ kaka'ə, kamə Maŋgəlva, vi nəmpəlgən ki dəmən na haraw sulaŋ təl taka moggon aket mə Filistiɗe.»