Isaya 40:28 - Bible en Guidar

²⁸ Kəsən ɓa sa? Kəprəm na Yawe na, Maŋgəlva an faɗi yi, ndən dəzəmiɗ meŋge na dəlvafuŋ, addak ɓa, awya ɓa, keket tay nakgbeŋ əsən nan ɓa ɓa sa?

Isaya 40:28 ပူးပေါင်းရင်းမြစ်များ

Va'Atəŋ 21:33

Ampək wəlaŋga adawyaŋ na Esel a Ber-Seba adak akkaman Yawe Maŋgəlva an faɗ də iya nani.

Ɗerewel na Yob 38:18

Kəɗɗumuk aka slosloprok na dəlva, ya aboton kana an kəsənəka.

Gəlyaɗe 138:8

Yawe waɗɗa gərak viwa. Yawe, moggon nok hã faɗi yi! Kəppet wəzeɗe na vok ɓa.

Gəlyaɗe 139:6

Wəsən na sekene dəday kiywa, kpumi day, nəɓap na əprəm gabban ɓa!

Gəlyaɗe 145:3

Yawe metiŋgi yi, agapək nawɗi kiyən diyɗa; mẽmẽtiŋ nan aggbeŋ na ɓa.

Gəlyaɗe 147:5

Daya nam metiŋgini gboŋgboŋgu; wəsən nakan meŋge nan tay ɓa.

Gəlyaɗe 90:2

Tak mossorgoɗe gugriɗ dərbaŋ ɓa, tak əsɗu dəlvafuŋ də enziya egge, far na sete, hã faɗə, istə Maŋgəlva.

Isaya 37:26

Kəprəm ɓa sa? Fari nəzaɓan as vani. Addivit əvoŋɗe dətoŋgoŋgu, kakaŋ na nəɗɗaka. Nəkika, vi kakkpeŋget walaŋgəleɗe gbogboŋɗe ka kpew net kiməskiɗe.

Isaya 40:21

Kəsən ɓa sa? Kəprəmən ɓa sa? Mənah sukumi səza ətəŋ nan ɓa sa? Kəprəmən gabba ətəŋ dəlvafuŋ ɓa sa?

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 59:1

Va Yawe duɗukkoy nawkõhgukum ɓa, sləman məsukni naprəmkum ɓa.

Isaya 66:9

Yawe amna: Wanəkol bat guluk məza kawani ɓa sa? Awaniɓa intə məzəɗɗan təwəgəni gəm kawtakət sa? Maŋgəlva nok amna.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 32:17

Aw, Yawe Maŋgəlva, istə kəzəməɗ disiŋ də dəlvafuŋ də əɓap nok metiŋgini gəm də gbogboŋ na voko, zəga tay naɗɗa gərəŋ akan azok ɓa.

Yeremiya 4:22

Ɗiy naw kiyit tay ɓa, dəsənwən ɓa. Kirin məs aɗɗumoŋ kpum ɓaŋgə, əsən tay aket ɓa. Maɗulet na naɗɗa zəga mbərayni; naɗɗa moggon na, dəsənnən ɓa.

Markus 16:14

Əgrak nan na, Yesu arbanək zən azet gewleɗ nan kəlaw kiyit taka aka pay adawzəmaŋgə. Azga sitik sawɓa vi tahəŋ də ətaf ɓa, gəm vi makra ɓəɓəl neti, vi dətafnən wən net ɗiy məs dulanən dərɓaga asil səka əmta ɓa.

Markus 9:19

Yesu agəmək əpel aɓsit na: Sayit ɗiy məs tahəŋ də ətaf ɓa gəm məreygiti, hã gap dewe nədawsaw amoŋgovokum di? Pay gbəgbari nədazban əɓəskum di? Məki su aŋka.

Luka 24:25

Yaŋ Yesu aɓsit na: Məs kiyit tay ɓa gəm məs mekret ɓəl dawtaf an məskəleŋɗe anahaŋgə;

Yohanna 14:9

Yesu aɓsən na: Filip nənziyək də munokum diyɗa, yaŋ kəmna kəsənu ɓa? Ɗəf duluwa, awlak Afəni. Mbarmbar nok kədawnəh na arban səm Afəni di?

Yohanna 5:17

Yaŋ Yesu azlan sit na: Hã kakaŋka Afu tay əɗɗa wəza, naw pak in tat əɗɗa wəza.

Wəza net Masləŋɗe 13:47

Vaski Daya aɗi səm wən nan na: Nəɗikuk kəkasekgin ɗiy-ɗarə, kəkagən əkõh hã a təki dələv abaymani.

Roma 16:26

Ya kakaŋ kan na, arbanək zən də ɗerewel net məskəleŋɗe: Va wən məs Maŋgəlva Məfaɗ aɗi wən nani, arban sitik ɗiy nammba dələv pakə, vi dəɓe'eŋ sənəngən də ətafa.

1Korintus 2:16

Vi: Naway dəsən əɗɗum na Daya di? Naway narbə sən zəga di? Ya namə, mənam tat də əɗɗum na Kristu.

1Korintus 6:16

Awaniɓa kəsənən na, an ɗəf asapək dət məpolkoyok na, gəɓa zit takay ɓa sa? Vi məverni na: Ndəɗaŋ sula wakkpaŋgaŋ gəɓa zit taka.

1Korintus 6:19

Awaniɓa kəsənən na gəba zukum gəla na Zeŋgile Salala məs dəsan addəvkumi, məs kərahaŋ səza Maŋgəlva gəm na kiykum kənanən ɓa ɓa sa?

1Korintus 6:9

Kəsənən na məɗɗaŋ ɗarɗar atoŋgoŋ na məlĩ na Maŋgəlva ɓa ɓa sa? Kədawzanən zukum ɓa: Məkuwaŋ a gizbe, məzbaŋ zəgakamaŋgəlva, məpolkoyeɗi, məkkpaŋgaŋ ka gili, ɗəf məvoŋ dit zeli,

Əmsak aka Mahenziŋ 33:27

Far na, Maŋgəlva yi təki nawɗam noko; van tay əkasluk pay pakə; arɓehetik məzuzelɗe nok səboko, anah suk na: azeti!

Filipi 1:6

Sessel nəsənək na, məs dətəŋ wəza moggon vas a mokrokum, wadaw dəndən hã gap aza əgraka, pay məs Yesu Kristu adazzani.

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

1Samiyel 2:10

Yawe wazet məzuzelɗe nani, waheyẽt sə disiŋ va buna. Yawe wataw wən aka dələv gboŋgu. Wapsən gbogboŋ sən məlĩ nani, wasilgən mohõ mesiya nani.»