Isaya 40:15 - Bible en Guidar

¹⁵ Ɗiy-ɗar yeŋ təlem va iŋkile dədawbətaŋ sə gagiya, va burɗuk aka zəga nawsla gagdaka. Mətəwəraɗe yeŋ folfol va ologudum ndeŋge.

Isaya 40:15 ပူးပေါင်းရင်းမြစ်များ

Va'Atəŋ 10:5

Səzeti, uɗak net ɗiy atəŋ aket mətuwəraɗe. Naway pak arahək dələv nan va ma nan asani, ɗiy va assoŋ pak də həlfa neti.

Gəlyaɗe 62:10

Ha'aw, ɗəf titir va enene yi ɗarə; ɗəf titir uwawəni kaka'ə. An məslani gagdak net sap na, kofot kofotəŋ dayki enene.

Gəlyaɗe 62:9

Məɗi əɗɗum nokum akan pay pakə, munokum ɗiyi; məkol mokrokum abani; Maŋgəlva təki nawɗam nami yi. Əziwe

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 17:13

Ŋgbititi net ɗiy məstakay də wooo na pehe. Daya tay əheyeti yaŋ adanzoŋ səzan faraɗa, tay əɓɓehit va eslesle məs səmyã naka mossorgo metiŋ adawka, va herɗe ŋgav məs vẽŋvil adalma.

Isaya 2:22

Məppan gabba əɗi əɗɗum nokum aka ɗəfa, əmpəs na məŋkən ɗəfi ɗarə. Miy ətər nan di?

Isaya 29:5

Dula net məzuzelkun wasan va rizze na hologudumu, Dula net məsdarawɗe wasan va eslesle ammba səmyã. Gurzik na,

Isaya 40:22

Ndəni dəsan a disiŋ ki dəlvafuŋgu, məs ɗiy nakan assoŋ va heyɗeŋɗe. Ndən dəpak disiŋ va gabaga, tay əpparən va gizlirke vi kassa adaka.

Isaya 41:5

Ɗiy naket mətuwəraɗe awlanənka yas ageslne'eŋgi; ɗiy nakki dələv abaymani tay əkkereŋgi tay əzzoŋ də əkkere.

Isaya 59:18

Wafaɗ sən naway pak va aza wəza nani, wafaɗ sit məzuseɓ nan də ədagədəva, məzuzelɗe nan tam an dəslə azeti meseŋgiɗin nakki faraɗa wafaɗ sit an dəslə azeti.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Daniyel 11:18

Səɓɓani, wazi haran dəket dilveŋge na mətəwəra na pehe ya waska wəlet diyɗa səmmbeti. Məlĩ na guw watak əkaɓ nani də əmndeget wil akani.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.