Isaya 40:11 - Bible en Guidar

¹¹ Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 40:11 ပူးပေါင်းရင်းမြစ်များ

Va'Atəŋ 33:13

Yakob azlan sən na: «Kəsənək wən net kirin tuwãhi daya nawa, in tat dit timeŋgiɗ gəm wasliɗe muhuriti, aɓapaŋ na, kawket pay taka ləŋ ɓa, kirtit wamtaŋgə.

Va'Atəŋ 49:24

ya bəle nan asanək ŋgəreŋ ŋgəreŋgi van dit kirtin van tahəŋ əɗɗaŋ wəza petpeti. Də gbogboŋ na Maŋgəlva Məzuɓappak na Yakob, də iya na Məzutaɗa, Gərəm na Israyel,

Gəlyaɗe 100:3

Məsən na Yawe Maŋgəlva yi. Ndəni dəɗɗəmə, nan mənani, ɗiy nan mənani, gilew nawtaɗ nan mənani.

Gəlyaɗe 27:10

An may əbba dət əmma azgawənka, Ya Yawe nan watafwa.

Gəlyaɗe 28:9

Akõhgit ɗiy noko, azaɓet ɗiy nawray voko, ateɗe, aslet hã faɗə!

Gəlyaɗe 37:3

Aɗi əɗɗum nok aka Yawe, agəɗ moggoni, kəsokgən aka dəlva, kəssokgən zayə;

Gəlyaɗe 80:1

Səza daya net məyaŋgəlya, əpel na miziwe Asaf məyan də gaŋgara, gəlyanalva.

Isaya 42:3

Aŋzlu na eflere an dədoknok ɓa, amtan na lalam məs go'o aza əmta ɓa. Warban gegesiŋ na tive təstəsə.

Isaya 63:11

Ndəni ɗiy nan aɗɗumonən an dətoŋ farə, aka Moyis asan dənɗaŋgə: Ngay məs dəkkaɗgit ɗiy nan ki pehe, gəm gazlaŋɗe nan dit məzuteɗeŋɗe net di? Ngay məs dəɗi Zeŋgile salala nan kawsan aweleŋgit ɗiy nan di?

Yeremiya 31:10

Ɗiyi, məprəm əpel na Yawe, məprəman aket mətuwəraɗe en faraɗa. Mənah na: Ndən məs dətreygit mə Israyelɗe, dədakkelet gəm dədawget va məzutaɗa də gazlaŋ nani.

Yeremiya 31:8

In yakəŋ əkiyit səka dələv na kəla disiŋ wanəkkelet hã səket meŋge na dəlva. Aweleŋti, deŋgerɗe, vədalɗe, gil en də daway dit en məɓayaŋ uwa sapə vanday metiŋgin dədawmilyen aŋka.

Ezekiyel 34:15

Naw wanətəɗ gilew nawa, naw wanəvoŋgiti. Daya Yawe aɗiymani.

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Ezekiyel 34:2

«Wətən ɗəfa, agəɗ kəleŋ aket məzutəɗeŋɗe na Israyel, agəɗ kəleŋ anah sit məzuteɗeŋɗe na: An Daya Yawe anah yaŋka: Əray aket məzuteɗeŋɗe na Israyel məzutaɗnən kiziti! Gilew məzutaɗa adawtaɗ ɓa sa?

Ezekiyel 34:23

Wanəɗi sit məzutaɗa taka; nan wateɗe: ndəni gawla naw Davit. Nan wateɗe, nan wasan məzutaɗa neti.

Ezekiyel 34:31

Gazlaŋ naw kənanəni, gazlaŋ nawtaɗ nawa, mənokum ɗiyi. Naw Maŋgəlva nokum nani. Daya Yawe aɗiymani.»

Ezekiyel 37:24

Gawla naw Davit wazəm məlĩ aketi, məzutaɗa taka viyit pakgiti; wadawaŋ aket tiveɗnanziya nawa, warmenin mahenziŋɗe nawa, wazbetini.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Zakarya 11:7

Wanəteɗ gilew en məmanən vet adawkaŋ a təki nawtaw wəlet əŋka. Nəndək zleŋɗe sula. Niya taka na Neneke, maɓɓan tam niya na, wəslere, in ɗew əteɗ gilewi.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

1Piyer 2:25

Lahəŋka munokum tat va timiŋgiɗ məzeti, ya kakaŋ na kəmilyoŋguk aza məzutaɗa məzuga zeŋgilokum.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.

Hənhən 7:17

vi ndargayãk təsat aka walaŋ mazaŋga na məlĩ watəteɗe, watəke amet iŋkile miyma na zeŋgile, Maŋgəlva wapay sit sin səreti.