Isaya 40:10 - Bible en Guidar

¹⁰ Yawe Maŋgəlva yaŋka Tay əzzan də gbəgboŋgo, gbogboŋ nan dədawrəh sən məlyã. Əfaɗ na iya na wəza tay avani, zəga nawfet aka ɗəf tay abani.

Isaya 40:10 ပူးပေါင်းရင်းမြစ်များ

Va'Atəŋ 15:1

Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

Gəlyaɗe 110:6

tay ətawwən a waleŋgit ɗiy-ɗarə; kigəbay tay gidif gidifi, ammussik ɗiy en nabe, səka dələv metiŋgini.

Gəlyaɗe 66:3

Mənah sən Maŋgəlva na: «Wəzaɗe nok naggət aketiŋgə! Aba memetin na gbogboŋ nok na, məzuzelɗe nok tahəŋ əkiyaŋ sukun ma neneke.

Isaya 28:2

Ɗəf gbogboŋ gagdak na Daya yaŋka, tay əvoŋgən zəga pak afuŋ də van va buwən maŋgalaw də ɓeɓrezle, gəm səmyã məraygən təkiya, va buwən maŋgalaw məmet iŋkile hã ənzoŋ lokloku.

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 49:4

Naw nənahək na: «Nəyanək kizu ɗar mekeleŋ, nəzanək gbogboŋ naw mekeleŋ aka an atər na ɓa,» ya ərəh naw aza Yawe yi zəga nawrəh na vaw aza Maŋgəlva yi.

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 53:12

Vini nədapsən haran nan aret ɗiy diyɗa, wawɗak ərəh na ma əgay dit ɗiy guromɗe, vi appanək kiyzən sən əmta, məŋɗani aret ɗiy mbəreyti. Aslanək mambray net ɗiy diyɗa, akkamək ammbet məs mambrayɗe.

Isaya 59:15

Təstəs azəka, an taka appanək mambraya, kappohoni. Yawe awlaka, tay a maharan mbərayən vi man tay aka dəndapanəngən təstəs ɓa.

Isaya 59:16

Awlak na ɗəf təttaka tay ɓa asiripik zəni vi ɗəf tay dətoŋ əbbah ɓa. Yaŋ van apsən əska wəla, təstəs nani, nan ampəsənək ɓəɓəla.

Isaya 59:18

Wafaɗ sən naway pak va aza wəza nani, wafaɗ sit məzuseɓ nan də ədagədəva, məzuzelɗe nan tam an dəslə azeti meseŋgiɗin nakki faraɗa wafaɗ sit an dəslə azeti.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Isaya 63:5

Nəbbalanək harawa ya məzəbbah su tay ɓa! Nəsawək əɓuh mawa ya ɗəf tay dərma vaw ɓa. Vaw dəkohguwa ədagədəv naw dəmpəsu ɓəɓəla.

Yeremiya 31:16

An Yawe anah yaŋka: Aɓətə, appan əhəma, appey sin səroko, vi wanəfaɗ suk əzəmsãhã noko. Yawe aɗiymani. Kirtuk wamndoŋ səka dəlev net məzuzeltini.

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Yohanna 12:13

Akslohõnguk va gugozlo, agilyoŋ ələmsəni, tay ənzlaŋ vaŋvəl na: Hozana, əzaɓ aka məzəzzan də iya na Daya, məlĩ na Israyel.

Yohanna 12:15

Kəgeslne' ɓa waŋ na Siyon. Məlĩ nok yaŋ əzzani, tay akat bəlatək na koro.

Ibriɗe 2:14

Kirin net tahəŋ də gəɓa ziti dit mbeli, ndəni kan Yesu asan va ndəɗaŋ, agəmək gəɓa zə ɗəf va neti, aɗɗa vasna, vi də əmta nani adawzan ɗəf an də gbogboŋ aka əmta, ndəni Satan.

1Yohanna 3:8

Məgəɗ mambray pak səza Diyabəl ade, vi far də ətəŋ nani Diyabəl tay əɗɗa mambraya. Sən aski Wətən Maŋgəlva ade vi dəɓzliwgin wəzeɗe na Diyabəl.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.

Hənhən 22:12

Yesu amna: Məzi zukum! Gu'o nan aza wəzawa. Wanəki əfaɗ na wəza dazawa, kapsən naway pak va aza wəza nan məs agəɗə.