Isaya 4:2 - Bible en Guidar

² Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 4:2 ပူးပေါင်းရင်းမြစ်များ

Gəlyaɗe 67:6

Ɗiy dəfeteŋ akoko, Maŋgəlva! Ɗiy dəfeteŋ akoko, ndəɗaŋ pakgiti!

Gəlyaɗe 72:16

Haykəmari dəsan ndoɗoɗ-ndoɗoɗ aka dəlva, kiyən dəsan slakat-slakat aket mossorgoɗe gugriɗe va a Liban, ɗiy na walaŋgəla-metiŋ dəssoŋ mogget va kevile naka dəlvafuŋgu.

Əgilye 28:2

Kərmah səngən lukutɗe na mahenziŋ naɗɗa wəza sən Aron məlmuko, gagdak nan dərbəgəni.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 30:23

Daya wapsuk buwən vi zeŋve an kəzlək afuŋgu, dəlvafuŋ wawə suk zəga nawzəm diyɗa. Pay dəpaska, zəga mamayã nok warah təki nawtaɗ fiktuwi.

Isaya 45:8

Disiŋ məzi minɗe! Slaybuwən dəppan təstəs ədaw lokloku! Dəlvafuŋ dəkolu ka əkõh dəwəgəni təstəs dəgilgini! Intə Yawe dəzəmiɗ pakə.

Isaya 53:2

Vi aɓayək aban va wəlaŋga məgilyani, va siwere digil a təki məkuro. Aza ulan na, tay lalaw ɓa, awiɗ ɓa, aza əzəməɗ nan tamə tay məs dəgəm haram ɓa.

Isaya 60:15

Nazga kənan kəta, nawzele ɗəf atoŋ na dəkok ɓa. Ya wanəɗiyuk addəv ənneke, wakəsok təki nannek hã faɗə.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 61:11

Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Yeremiya 23:5

Pay tay əzzani, Yawe aɗiymani, wanəsilgin zev Davit an təstəsə Wazəm məlyã, wagəɗ zəga də maɗɗula, də tiveni.

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Yeremiya 44:14

Səmmbet ɗiy en dəppan mederet na Yuda məs dəzzoŋ əsso aka dələv na Eziptə, ɗəf tay nawkõh kazzo aka dələv na Yuda məs adaɗɗumoŋ nawmilyeŋ kasso adak ɓa, vi amilyoŋ na ɓa abbər ɗiy en dəndəwəɗaŋ ɓa.

Yeremiya 44:28

Ɗiy siɗikke dədawkõhoŋ səma masalam dədamndoŋ səka dələv na Eziptə aka dələv na Yuda, asna ɗiy en dəppaŋ sə Yuda məs dəɗamaŋ a Eziptə pak wasənnən na, əpel na naway dədaɗɗa di? An nawi, an neti yi.

Ezekiyel 34:29

Wanəpsit gulyenge mogget məs ba'arə. May abey na ɗiy naka dələv nan əmpa ɓa; ɗiy-ɗar arbaŋ sitin na wil əmpa ɓa.

Ezekiyel 36:8

Mənokum mossorgoɗe gugriɗ na Israyel, kivet wəlenɗe nakok waskə, wawaŋ sit ɗiy naw na Israyel, vi go'oŋ namndoŋgu.

Ezekiyel 7:16

En dəppaŋ net wakohõŋ kaddoŋ aket mossorgoɗe gugriɗe, naway pak waɓuh man vi heslepe nan va mukuɗuŋguleɗ na walaŋ.

Obadya 1:17

Ya aka mossorgo metiŋ na Siyon na ɗiy en dəndəwəɗaŋ warahaŋ təki nawɗama. Kirtin Yakob watafən dələv net səvet ɗiy en dəmõhən səveti.

Zakarya 3:8

Aprəm ɗa Yosuwa, daya net məsdəlveŋge, is dit geleŋgiɗuk en dəssoŋ ɗewɗew aboko, vi ndəɗaŋgə ɗiy dədawlaŋ an nabe: Vi in yakəŋ əɗɗa ka məgəɗ wəza naw dədegini, iya nan na, Maməŋkənzeŋve.

Zakarya 6:12

Kənah səngəni, is na: An Yawe Məzuɓappak anah yaŋka, amna: Ɗəf yaŋ iya nan na Maməŋkənzeŋve, sə gəla tələn zeŋgile adawgilyeni, warka Gəla na Yawe.

Zakarya 9:17

Haya, va adannekeŋgi! Haya va adassoŋ lelewɗe! Haykəmari wapsit gbogboŋ sit gewleɗi, mbazla na meketepe wasɓet gorɗeŋge.

Malakiya 3:17

Aka pay an nəɗi na, wassoŋ kanawa, va zəga an naw nawray vawa, Yawe Məzuɓappak anahə. Wanətir va ɗəf adawtər wətən məgəɗ sən wəza.

Matiye 24:22

Va Məduduɗukon pay nan ɓa ɗəf tay nawkõh kəta ɓa. Ya aka wən net ɗiy məwelti, kawduduɗukoni pay nan vanəska.

Luka 21:36

Məssoŋ ketketi məkkam pay pakə, vi kərahaŋgən gbogboŋ nawkõh səmet zəgeɗ en dədaɗɗaŋ pakə, kiziweŋgin aba wətən Ɗəfa.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Piyer 1:16

Vi məziw aka mamba məhewin net ɗiy karban sukum əɓap na Daya nam Yesu Kristu gəm pay nazza nan ɓa, mulak memetiŋ nan də haramə.