Isaya 39:2 - Bible en Guidar

² Hizkiya annekik də əzza neti. Arban sitik gəla nawzaɓan ərəh nani, təbəz babara, meleŋge, tursanɗe gəm mẽl məs məŋgənən moggoni may gəla nazeɓet gulomɗe nani. Zəga tay təttaka səddəv əzaɓ nan məs Hizkiya dərban sit siŋgil ananda may səka dələv nan ɓa ɓa.

Isaya 39:2 ပူးပေါင်းရင်းမြစ်များ

1Milyeŋge 10:10

Təpsənək təbəz na meleŋge sən məlĩ gap kilo gabal hoku də səkat sle'i, tursan diyɗa məza əŋɗa nan ɓa gəm gərmeŋge na sləma. Siske na, tursan dəde ɗah əmpa diyɗa gap an məlyaŋgək na Saba təpsən sən Salomoŋ ɓa.

1Milyeŋge 10:15

mbəksa an məbbalaŋɗe na guwa gəm məmanən veti, milyeŋge nammba pay na moskoyo gəm an deyeɗe na kivadələv naka dələv adawkiyaŋgə, nan mənɗani ɓa.

1Milyeŋge 10:2

Tədek a Yerusalem dit ɗiy ammbat diyɗa may dit zlogomeɗi də tursanɗe, təbəz na meleŋge may gərmeŋge na sləma aketi. Adan təde ana Salomoŋ da, tənah sənək wən na makrat pakə.

1Milyeŋge 10:25

Naway pak tay əki əvəl nani: zəgeɗ na təbəz babara, na meleŋge, lukutɗe, gulomɗe, zəgeɗ nawda tursan, pilseŋge, koropilseŋge; vasna təl taka aza əzva pakə.

2Milyeŋge 20:13

Hizkiya annekik də əzza neti. Arban sitik gəla nawzaɓan ərəh nani, təbəz babara, meleŋge, tursanɗe gəm mẽl məs məŋgənən moggoni may gəla nazeɓet gulomɗe nani. Zəga tay təttaka səddəv əzaɓ nan məs Hizkiya dərban sit siŋgil ananda may səka dələv nan ɓa ɓa.

2Alabaraɗe Də Mabərkiziti 32:25

Ya Hizkiya dəgəɗ soko ammba moggon an Yawe agəɗ sən ɓa, vi əkaɓ atoŋguk a makrani. Ndəni aprikgit herɗe na Yawe akani, aka Yuda gəm aka Yerusalem.

2Alabaraɗe Də Mabərkiziti 32:27

Hizkiya agəɗək arya sawɓa, sləman abbalək diyɗa. Akkalək əraha. Arahək təbəz babara, meleŋge, gərmeŋge na sləma, tursan, barayɗe may zəgeɗ nalbəh tuwãhə,

2Alabaraɗe Də Mabərkiziti 32:31

ya pay əzza net ɗiy gugriɗ na Babilon məslinit əssohõn wən na sekene məs dəgəɗ aka dələv van na, Maŋgəlva mbagəni, kawla nazani, vi kawsən an dəsan a makran pakə.

2Alabaraɗe Də Mabərkiziti 9:1

Məlyaŋgək na Saba təprəmək alabara na Salomoŋ. Yaŋ təde a Yerusalem, vi kawsla əsən na Salomoŋ dit asənasənaɗe. Tədek dit ɗiy ammbat diyɗa, may dit zlogomeɗ də tursanɗe, təbəz na meleŋge diyɗa may gərmeŋge na sləma aketi. Təde aza Salomoŋ, təpel dəndən aka wən an dəsan a makrat gərakə.

2Alabaraɗe Də Mabərkiziti 9:9

Səɓɓan na, məlyaŋgək na Saba təpsənək meleŋge, kilo gabal hoku də səkat sle', tursanɗe diyɗa sawɓa gəm gərmeŋge na sləma. Mulay ɗah tursanɗe zeŋvit məs məlyaŋgək na Saba təpsən Salomoŋ vetis ɓa.

Ɗerewel na Yob 31:25

an nənnekenək zu na, arya naw diyɗa yi, də an vaw arahi,

Wənməkkpaŋga 4:23

Ataɗ mokrok day ki zəga pakə, vi səzani yi səwer ənziya egge temtem asili.

Məsmaɗula 7:20

Vi ɗəf tay təttaka təstəs aka dəlvafuŋ məzəɗɗa an moggon məs aɗɗa mambray ɓa ɓa.

Yeremiya 17:9

Makra ɗəfi məmbəɗan ɗəf dayki zəga pakə, anzaɗ ɓa. Naway nawsən wən nan di?

2Korintus 12:7

Sekeneɗ vet naggət aketi sawɓa, vini, ka nədawkaɓ ɓa na, məndirɗi wəlaŋga addəv gəɓa zuwa, maslən na Satan, vi dəvərugən a tapaslaywa, vi nədawkaɓ ɓa.

1Yohanna 1:8

Ya an mənam tat ənəh na, mənam tat də mambray ɓa, kiyəm mədawzani, gesiŋ tay azam ɓa.