Isaya 37:4 - Bible en Guidar

⁴ Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Isaya 37:4 ပူးပေါင်းရင်းမြစ်များ

2Samiyel 16:12

Kuzuŋ Yawe wawla ərba wil nawa, asna Yawe wakkpaŋgan su moggon a gəla wəra nan dəpaŋkənka.»

2Milyeŋge 17:18

Gədəv Yawe adək diyɗa aket mə Israyelɗe; arɓahetik faraɗa sə maharani. Dəpəl an mazlalwã Yuda yi kaka ɓa ɓa.

2Milyeŋge 19:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlĩ pakə, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.»

2Alabaraɗe Də Mabərkiziti 28:19

Vaski Yawe arbəsən wil sən dələv na Yuda, aka wən na Akaz məlĩ na Israyel məs dətoŋgən Yuda addəv ɗarɗar gəm əggbak ma Yawe.

2Alabaraɗe Də Mabərkiziti 34:21

«Məddoŋ məssõhon Yawe viwa gəm viyit mambirgit ɗiy na Israyel dit na Yuda pak aka əpel naddəv ɗerewel məs mərəhəŋka; vi herɗe na Yawe gəddak aki akamə, adan efiŋgiɗəm dəzgaŋ sləma aka əpel na Yawe van ɓaŋka, gəm dəɗɗaŋ va məverin addəv ɗerewel vanəŋ ɓa.»

Gəlyaɗe 106:23

Anahək nawzeti, va Moyis məwele nan dəziw a təki məɓzluwən aban kaffetet herɗe nan nawzet ɓa ɓa.

Gəlyaɗe 50:21

Zəgeɗ kəgəɗiski, azok na wanəsaw ɓatɓat sa? Azok va is nan sa? Ya wanəhõyõko, wanəweɗ a mahorok weɗi.

Isaya 1:8

Walaŋgəla-metiŋ na Siyon dəpəl kaka'ə va guɗuk addəv guli net megezlembirkeɗi, va gizlirke addəv guli net tessekeɗi, va walaŋgəla-metiŋ məsərŋgəslən.

Isaya 1:9

Va Yawe Məzuɓappak dəpəl səm ɗiy en dəndəwəɗaŋ ɓa na, kəta məkkpaŋgək va Sodom, kəta waməgil va Gomorra.

Isaya 10:20

Pay dəpaska, en dəndəwəɗaŋ a Israyel gəm en dəkohõŋ siddivit ɗiy na Yakob, wappanən gabba ərma vet aza ɗəf an dədawvirti. Aza Daya Maŋgəlva Salala na Israyel adarmanən vet kpakə.

Isaya 10:22

Israyel, an ɗiy nok anzləraŋgək va hoyoŋko a məlpa zlaŋgə, en dəndəwəɗaŋ kaka dədawmilyoŋ azani. Əza tay məzaɓan gərak narban təstəsə.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 36:13

Ndəni daya net məpsən əsa sən məlĩ asil aŋgəsl vaŋvəl dayadaya də ma Yuda dawnəh na: Məprəm əpel na məlĩ metiŋ, məlĩ na Asiri:

Isaya 36:18

Hizkiya adawmbəɗokum dawnəh na: Yawe wakõhgəmə ɓa. Meŋgilveɗ naket dəlveŋge, tay an dəɓap əkõhgən dələv nan səva məlĩ na Asiri ɗah sa?

Isaya 36:20

Naway səmmbet meŋgilveɗis pakə, məs dəkõhgən dələv nan səmmba vaw ka Yawe dəkõhgənəgən Yerusalem səmmba vawəŋ di?

Isaya 37:17

Yawe apak sləmok aprəma, akol horoko Yawe awla, aprəm əpel məs Senakerib aslənəŋ pak vi kawran Maŋgəlva madarani.

Isaya 37:31

En dəndəwəɗaŋ səddəv Yuda wassoŋ va suwer wəlaŋga afuŋgu, wawaŋ a disiŋ.

Isaya 37:32

Ɗiy dəppaŋ wagilyoŋ sə Yerusalem gəm en dəndəwəɗaŋ aka gərəm na Siyon. Aski Yawe Məzuɓappak adaɗɗa addəv əŋgla nani.

Isaya 37:5

Səza gewleɗ na məlĩ Hizkiya azzoŋ aza Isaya,

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Yeremiya 26:19

Hizkiya məlĩ na Yuda dit ɗiy na Yuda pak abayənək sa? Nam na Yawe ageslne sən ɓa sa? Yas affeten makra Yawe, ndəni Yawe appan tatwãh an apel nawki aketi, ya nam na mənam tat əki tatwãh metiŋgin aka zəmə.

Yeremiya 42:2

anah sənən Yeremiya məskəleŋ na: Kamə, aprəm əkkam namə, akkaman Yawe Maŋgəlva nok ammbamə, ammbet ɗiy en dəndəwəɗaŋ pakə, vi siɗikke məpəl səza va məsam gbaŋ naka va horok adawləməŋka.

Daniyel 2:18

anah sitik ka dəŋglaŋgən mbəlembəle aba Maŋgəlva na disiŋ aka wən məɗamnəŋka, vi adawbeynin may Daniyel dit beyneŋgiɗin sap dit məsmaɗɗulet na Babilon ɓa.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Amos 7:2

Səza zaray azəm geslembeɗ naka dələv beymeti, yaŋ nəmna: «Kamə, Yawe Maŋgəlva, avvuyon mambraya. Vas ɓa na mbar Yakob adawɓəsən di? Vi məddakni.»

Roma 9:27

Isaya apelik aka wən net mə Israyelɗe na: An əŋɗa net məs Israyelɗe asanək va hoyoŋko a pehe zlaŋ, en məs dəmbraŋ nawkõhoŋgu.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.

Yosuwa 14:12

Gəgaŋ na, apsu kiyit mossorgoɗe məs Yawe apel wən nan daskəŋka, vi kəprəmək pay dəpas na, mə Anakɗe tahəŋ adak dit walaŋgəleɗe gugriɗ mətərwəsl kiyti. Kuzuŋ Yawe wasan də in nəmõhgən ka naw va Yawe anahə.»

1Samiyel 12:19

Ɗiy pak anahaŋ sənən Samiyel na: «Akkaman Yawe Maŋgəlva nok ammbet belemɗe noko, vi mədamta ɓa, vi də wəssõh məlĩ namə məzleɓək mambray aket mambrayɗe nam pakə.»

1Samiyel 12:23

Kəlazaw anaw na, dədah nəgəɗgən mambray aza Yawe, nəppangən əkkam ammbokum ɓa; waniyogokum tive moggon sarra.

1Samiyel 14:6

Yonatan anah sən məndə gulom nan nak na: «Ade, dam ŋgbu' aza ngaɓa net gẽyẽɗiŋki. Mbərən ɓa na Yawe wagay vimə. Zəga tay nawtak Yawe dapsəm əska wəla dit ɗiy diyɗa awaniɓa dit siɗikke ɓa.»

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»

1Samiyel 17:36

Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.

1Samiyel 7:8

Mə Israyelɗe aɓsənən Samiyel na: «Kəsok ɓatɓat faraɗa məza wəkkaman Yawe Maŋgəlva nam ɓa ɓa; dəkõhgəmgən səvet mə Filistiɗe.»