Isaya 37:16 - Bible en Guidar

¹⁶ «Yawe Maŋgəlva na Israyel, istə aket kerubaɗe, istə kaka' Maŋgəlva aket milyeŋge naka dələv pakə, istə kəzəməɗ disiŋ də dəlvafuŋgu.

Isaya 37:16 ပူးပေါင်းရင်းမြစ်များ

Va'Atəŋ 1:1

Də wətəŋ na, Maŋgəlva azəməɗək disiŋ də dəlvafuŋ.

2Samiyel 7:26

Kəta iya nok də gagdakgən hã faɗ ka ɗiy dənahaŋgən na: “Yawe Məzuɓappak na disiŋgi, Maŋgəlva na Israyel.” Gəla na balam nok Davit wasan ɓəlɓəl aboko.

1Milyeŋge 18:32

Eliya arkanək matuya aka iya na Yawe dit gərmeŋge neki, siske na, aso' təki sulək ki matuya mərkan nak dədawɓap wətaf gagiyeɗ net iŋkile sula,

1Milyeŋge 8:6

Məsdəlveŋge mah əkanən akoti na wənmiyna na Yawe a gəlani, addəv tuzoŋ gəla an salala day, ammba persleket kerubaɗe.

2Milyeŋge 5:15

Ndən buryok aza ɗəf na Maŋgəlva nak dit ɗiy nan pakə. Ndən toŋ ziw abani, amna: «Kakaŋ nəsənək na, dələv gboŋ maŋgəlva tay abbər ki a Israyel ɓa. Ya kamə ataf əvəl na gawla nok yaŋka.»

Ezra 1:3

Sərokuməŋ na, naway naret ɗiy nan di? Maŋgəlva nan dəsan dəndəni, aslək dəlgən a Yerusalem na Yuda, ərka Gəla na Yawe, Maŋgəlva na Israyel, ndəni Maŋgəlva məs dəsan a Yerusalem!

Gəlyaɗe 146:6

Ndəni dəzəməɗ disiŋ də dəlvafuŋ, pehe gəm zəgeɗ naddəvit pakə, gegesiŋ avani hã faɗə.

Gəlyaɗe 46:11

«Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

Gəlyaɗe 46:7

Dəlveŋge na guw aɓoŋgoŋko, kiyva net milyeŋge temtem akkereŋke, Maŋgəlva ahãyka, dəlvafuŋ awwerke.

Gəlyaɗe 80:1

Səza daya net məyaŋgəlya, əpel na miziwe Asaf məyan də gaŋgara, gəlyanalva.

Gəlyaɗe 86:10

Vi matuŋguk kənani, is tat əɗɗa sekeneɗi, istə kaka' Maŋgəlva!

Gəlyaɗe 99:1

Yawe tay əzəm məlyã: Ɗiy dəkkereŋgi! Aket kerubaɗe asani: dəlvafuŋ tay əkkere!

Əgilye 25:22

Nələmgən də is adaka, səka man naka, sə weleŋgit kerubaɗe sula naka akoti na wənmiyna, wanənoh suk wəsəɓɗe en nədapsuk sit mə Israyelɗe.

Isaya 37:15

Hizkiya akkaman Yawe, amna:

Isaya 37:20

Ya kakaŋ na Yawe Maŋgəlva namə akõhgəm səvani, milyẽŋge naka dələv pak dəsənnengən na, istə Yawe kaka'ə.»

Isaya 40:22

Ndəni dəsan a disiŋ ki dəlvafuŋgu, məs ɗiy nakan assoŋ va heyɗeŋɗe. Ndən dəpak disiŋ va gabaga, tay əpparən va gizlirke vi kassa adaka.

Isaya 40:28

Kəsən ɓa sa? Kəprəm na Yawe na, Maŋgəlva an faɗi yi, ndən dəzəmiɗ meŋge na dəlvafuŋ, addak ɓa, awya ɓa, keket tay nakgbeŋ əsən nan ɓa ɓa sa?

Isaya 42:5

Vaŋ Yawe Maŋgəlva məs dəzəməɗ disiŋ aweɗe, dəppar dəlvafuŋ dit zəgeɗ akani dəpsit əmpəs sit ɗiyi əmpəs sit məzədawaŋ akani.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Isaya 45:12

Intə nəɗɗa dəlvafuŋ gəm intə nəzəmiɗ ɗiy nakani. Vaw dəppar disiŋ gəm məzəɗi wən sit məzəlpaɗe nan pakə.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 6:3

Tahəŋ ənzla vaŋvəl aza zit na: Salala Salala Salala Yawe Məzuɓappak! Dələv dəwən nan aknahək də gagdak nani.

Isaya 8:13

Yawe Məzuɓappak ndəni kədawsənaŋ ka Salala; ndəni nawgeslne' səni, anani mokrokum adawzla səni.

Yohanna 1:3

Zəgeɗ pak dəndən məɗɗeti, zəga tay taka dayday məɗɗan məza dəndəni ɓa ɓa.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

Kolosi 1:16

vi dəndəni Maŋgəlva azəməɗ zəga pakə, a disiŋ də aka dəlvafuŋ pakə, an hara ɗəf adawla də an hara ɗəf awlan ɓa pakə, dəssoŋ mezeŋgeɗ na məlyã, gagdak net deyeɗe, gagdakɗe, əɓapɗe pakə. Zəga pak dəndəni gəm səni məzəməɗən.

Ibriɗe 4:16

Mədder səm kan kiyəm foŋgo aza mazaŋga na mbəlembəle vi mərahgən ulasahã gəm mbəlembəle, mərahgən əbbah də pay an aŋgələ.

1Samiyel 4:4

Yaŋ ɗiy aslənaŋ a Silo, sədak akiynən akoti na wənmiyna na Yawe Məzuɓappak na disiŋ dəsan aket kerubaɗe. Hofni də Pinhas kirtin məsdələv Eliya suleŋ tahəŋ adak də akoti na wənmiyna na Maŋgəlva.