Isaya 32:2 - Bible en Guidar

² Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 32:2 ပူးပေါင်းရင်းမြစ်များ

Gəlyaɗe 143:9

Yawe, amohũ səvet məzuzelɗe nawa; azoki nəzaɓ təki nawɗama.

Gəlyaɗe 32:7

Təki nawɗam naw kənani, is tat əgu səma əzəmsahã, də salalay nawbit kətərwəslwa. Əziwe

Gəlyaɗe 63:1

Gəlyanalva na Davit pay asan a kapta-muyã na Yuda.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 16:3

Məzgə meŋ, məziwgin an naɗɗa. Zeŋgilok dəsan aka tataŋpay va dəfɗa, aɗemet ɗiy en dətrayaŋgə kədarban gəla ɗəf an dənzan əɗam ɓa.

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 28:17

Wanəɗi an dəslə ka helege, təstəs tam ka zəga nawziwgin ərka. Ya ɓeɓrezle wazan təki nawɗam net tepelke, iŋkile wakanən təki nawsor nokum.

Isaya 41:18

Wanənter məlpaɗe a təki pəɗalpəɗal, gəm heret iŋkile miyma, addekit walaŋɗe, wanəkkpaŋgan kapta-muyã ka met iŋkile dələv məkuro ka təki məs iŋkile adantəsaŋgə.

Isaya 43:19

In yakəŋ əɗɗa zəga meleketeni; kakaŋ na tay ərba, kəsənnən ɓa sa? Ha'aw, wanəkol tive a kapta-muyã, a muyã wanəɗɗe məlpeŋge.

Isaya 43:20

Zəgeɗ nawra, wawayɗe dit herkeseŋɗe wagagdakawəni vi nəɗiyik iŋkile a kapta-muyã, məlpeŋge a muyã, vi ɗiy naw məs nəwel dəsaŋgəni.

Isaya 44:3

Vi wanəzlalbay iŋkile aka dələv mə palpalə, gəm lolohẽɗ wadawaŋ aka təki məklakani. Wanəzlalbay əmpəs naw aket kirtuko əzaɓ naw aket dihigiɗko.

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 33:14

Pay tay əzzani, Yawe anahə, wanəknahaŋ əpel moggon məs nəpel sit mə Israyelɗe gəm mə Yudeɗi.

Əɓuhma 4:20

Armanən məgə əmpəs nam wẽk, ana məlĩ mesiya na Yawe, ndən məs mədawnah na: «Ara zeŋgileni waməsam madaram aweleŋgit ɗiy-ɗarə!» Yaŋ addəv bizwil neti.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Yohanna 7:37

Pay əgrak wəzləra, ndəni pay an na paya. Pay nani Yesu le' ziw apel dayadaya dawnəh na: Ɗəf məs meme adaŋ pak dəde azawa, dəsəgəni,

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

Hənhən 22:1

Yaŋ maslay nak arban su məlpa net iŋkile na zeŋgile. Tay wiɗ va darawgal, səka walaŋ mazaŋga na məlyã də ndargayã na Maŋgəlva ade.