Isaya 32:14 - Bible en Guidar

¹⁴ Ɗiy wappanən kigəla na məlyã, walaŋgəla məs vanday addəvən wasan sləɓəkə, kigəla Ofel gəm gəla nawga assoŋguk ka təki ɗar faɗə, a təki korɗe nawra adawrahən ziti gəm təki nawtaɗ net wasliɗe.

Isaya 32:14 ပူးပေါင်းရင်းမြစ်များ

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 33:14

Dərɓaga asna, arkək zlava dəppaka na walaŋgəla-metiŋ na Davit ətoŋ əmbat dəmmba pay na moskoy na Gihon, addəv lolohõ məzəddan hã a maddamba net kilfi, məs dədawtərwəsl ki Ofel; aɓaygənək a disiŋ sawɓa. Ndən deyeɗe net məzəlpaŋ ta'ta' əɗiyit a walaŋgəleɗe gugriɗ na korgu na Yuda baymeti.

Nehemi 3:26

məɗɗaŋ wəzeɗe meɗmeɗ naddəv gəla na Maŋgəlva dəsoŋ a Ofel dəzaɓanən hã gap aza metive net Iŋkile dəmmba pay nampum aba gəla məɓayən məs dəgil zollo.

Gəlyaɗe 104:11

zəgeɗ nawra pak adak adawsaŋgə, korɗe nawra adak adawbaynən meme neti.

Isaya 22:2

Is walaŋgəla-metiŋgini məknəhən də geŋgere, də ənneke gəm də əzləra. Ɗiy nok ama masalam amtaŋ ɓa, ama əgay məbeyit ɓa.

Isaya 24:10

Walaŋgəla-metiŋ seŋseŋ aɓəzlka, məmsani met gəleɗe ətoŋ tay adak ɓa.

Isaya 24:12

An dəpəl a walaŋgəla-metiŋgin na əray yi gəm əza, metive nan məbzluwni.

Isaya 25:2

Vi kəkkpaŋganək walaŋgəla-metiŋ ka girmeŋge kpewi, walaŋgəla gbogboŋ ka kiməskiya. Kəzetik gəleɗe gbogboŋɗe net molhõyẽɗ assoŋ na va walaŋgəla-metiŋ ɓa. Kamsaki ərkan ɓa hã faɗə.

Isaya 27:10

Vi walaŋgəla-metiŋ gbogboŋ wasan də mani, va təki nawtaɗ məppan firik va Kapta-muyã. Kirtit wasliɗe wataɗaŋ adaka, wadikeŋ adaka wazəmən vet geslemɓeɗi.

Isaya 3:26

Asna, ɗiy naddəv walaŋgəla-metiŋ nok pak wanɗəsaŋgə, wassoŋ addəv gəlabaya, wasan seŋseŋgi, wasan gubok afuŋgu.

Isaya 5:9

Nəprəmək Yawe Məzuɓappak na, gegesiŋ gəleɗe diyɗa wassoŋ miɓzluti, gəleɗe gugriɗe gəm təki lalawɗe nassa wassoŋ məza ɗəf ɓa.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Isaya 7:23

Pay dəpaska, təki məs tilit megezlembirkeɗ asan gabal nawki təbəz babar gabal wakkpaŋ təki net tintifɗe gəm gedirgeɗi.

Yeremiya 14:6

Korɗe nawra aziweŋgik aket mossorgoɗe pəɗalpəɗalə, tahəŋ əffok mammba səmyã va wawayɗe. Heret ayək dawkay kevile ya tay ɓa.

Yeremiya 33:4

Vi vaŋki Yawe Maŋgəlva na Israyel anah aka wən net gəleɗe na walaŋgəla-metiŋ əŋka, aket gəleɗe net milyeŋge na Yuda miɓzliwti, aka wən net korguɗe na dəlva gəm aka wən na masalam.

Yeremiya 52:27

Yaŋ məlĩ na Babilon arbəsiti, abey a Ribla, aka dələv na Hamatə. Vaski kan məsimgin Yuda faraɗa səka dələv nani.

Yeremiya 6:5

Misili, mərɗi səm akan də dəfɗa, mibzliwgin gəleɗe mogget nani.

Hose'a 2:3

Mənah sit milmiŋgiɗkum mezeŋgleketi, gəm sit milmiŋgiɗkum muguluŋgit tamə: Ruhama: ɗiy naw məs nəŋgələ.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Sefanya 2:15

Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.

Sefanya 2:7

Wasan ka kiyva net madembirgit ɗiy na Yuda; wataɗaŋ akani, wavoŋgoŋ addəvit gəleɗe na Askelon də moskoyo, vi Yawe Maŋgəlva net wazgə sləma aketi, wazaɓan wən neti.

Luka 21:20

An kulanənək məzəlpaŋ asərŋgəslənək Yerusalem, məsən na pay nawza nan agapka.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.