Isaya 31:1 - Bible en Guidar

¹ Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 31:1 ပူးပေါင်းရင်းမြစ်များ

Va'Atəŋ 47:17

Akininik zəgeɗ memeyẽɗ net sən Yosef, Yosef apsitik zəga nawzəm ka pilseŋge, ka gilewi, timeŋgiɗ dit wasliɗe gəm ka korɗe. Ka zəgeɗ memeyẽɗ net apsit zəga nawzəm aka əzva nani.

2Alabaraɗe Də Mabərkiziti 16:7

Aka pay dəpas na, məskəleŋ Hanani adek ərəh Asa məlĩ na Yuda, aɓsən na: «Kəbayək zuk aza məlĩ na Aram, kəbay zuk aza Yawe Maŋgəlva nok ɓa, ndəni dula na məlĩ na Aram akõh səvokuŋka.

2Alabaraɗe Də Mabərkiziti 16:9

Vi hara Yawe tay balbal aka dələv pak kampəsit ɗiy en mekret taka dəndəni. Ya nok kəgəɗək zəga na dərwa. Vi aski kan kədargisl dit wəgayɗe təŋ dəpaŋka.»

Ɗerewel na Yob 39:11

Wakəɗi əɗɗum nok akan vi tay də gbogboŋ sawɓa gəm kappan wəza nok pak akan sa?

Gəlyaɗe 20:7

Kakaŋ nəsənək na: Yawe akõhgənək mesiya nani; wazlan sən səddəv gəla salala nan sə disiŋ, də gurom na van dəzəŋ məskə wəla.

Isaya 10:17

Əkeɗeɗe na Israyel, wakkpaŋ offo; Maŋgəlva salala wakkpaŋ hərzləm offo wazle gəm waterne tintifɗe dit degirgeɗ nan, aka pay taka,

Isaya 2:7

Dələv net aknahək də meleŋge gəm də təbəz babara arya net agrak ɓa. Dələv net aknahək dit pilseŋge gəm dit mawteɗ net pilseŋge.

Isaya 20:5

Ɗiy məs dəɗiyən əɗɗum net aka Etiyopi gəm aka Eziptə gagdak neti, geslne dit wil warme!»

Isaya 22:11

Kəso'oŋguk bobok aweleŋgit zlavaɗe sula sit iŋkile naddəv mozgoy məzvan naka. Ya kulaŋ dəza ɗəf an dəɗɗa ɓa; kulanən ɗəf an dəzaɓ farfar ɓa.

Isaya 30:16

Yaŋ kənahaŋ na: vaski ɓa dit pilseŋge mədazzamə. Ndəni kədanzoŋgu. Pilseŋge nam tahəŋ də kakara azeti. Ya məzərɓohkumən wassoŋ kakara day kikum!

Isaya 36:6

Yaŋ kəɗiyək əɗɗum nok aka eflere məŋzləwən, ana Eziptə. Ɗəf dədappan zən akan na, wampa, watilik vani. Vaski Farawən məlĩ na Eziptə asan sit ɗiy en dəɗiynən əɗɗum net akan pakə.

Isaya 36:9

Ya mbambar kədawɓap ərɓəh taka naret deyeɗe nalpa, ya kəta dəsan məddakən nammbet deyeɗe nalpa na daya naw dayday zlaŋ di? Yas kəɗi əɗɗum nok aka Eziptə vi kawrah mawteɗ net pilseŋge gəm mepeŋgeŋ pilseŋge!

Isaya 43:15

Intə Yawe, Salala nokum, məs dəzəməɗ Israyel, məlĩ nokum.

Isaya 5:12

Ɓaɓəlma gəzləŋtəndəŋ də gaŋgara, dəgəla gəm na pozloro tay əhhaɗan əsa neti. Ya awlanən wəza na Yawe va zəga azet ɓa, awlanən wəza an agəɗ də van ɓa.

Isaya 57:9

Kəppayək mẽl kadda aza məlyã kəgəɗək tursan diyɗa. Kəslinik maslənɗe nok faraɗa, kəpirkik hã gap a təki net ɗiy mimtiti.

Isaya 64:7

Mbaraka na, Yawe istə afəmə. Membezleŋ mənani istə kərkəmə. Wəza na vok mənan baymam pakə.

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Isaya 9:13

Yas Daya arsla kiya də kutur sə Israyel kiva gogozlo gəm vəlar aka pay taka.

Yeremiya 17:5

An Yawe anah yaŋka: Əray aka ɗəf məs dəɗi əɗɗum nan aka ɗəf tirtiri məs dəɗi kiyən aka gbogboŋ na zəni məs dəkkpaŋgan makran səka Yawe.

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 37:7

Vaŋ Yawe Maŋgəlva na Israyel anahə: «An kədawnəhaŋ sən məlĩ na Yuda məs dəslənkum azaw nassohõw yaŋka: “vanday net məzəlpaŋ na Farawən məs dəgil əbbah sukum tay əmndan aka dələv ananda a Eziptə.”»

Yeremiya 42:14

dawnəh na, məŋgəm na ɓa, aka dələv na Eziptə mədaddamə, təki məs məwəl na əgay ɓa gəm məprəm na uffo na mohõ ɓa, may na way adəm na adak ɓa; adaki mədawsam də gəla!

Ezekiyel 17:15

Yaŋ aɓoŋ akani, aslən metiveɗ nan a Eziptə, vi dəpsəngən pilseŋge dit məzəlpaŋ diyɗa. Watər wəray sa? Məgəɗ zəga vaskəs wakõh sa? Aggarək ki wənmiyna, akõh na ɓa!

Ezekiyel 29:16

Asan na zəga məs mə Israyelɗe adassoŋ fenndeŋ viyən ɓa, vi dəɗɗumonəngən heslepe net gala amndoŋ dirɓe. Vasna, wasənnən na, intə Daya Yawe.»

Daniyel 9:13

Tatwãh va məverin addəv mahenziŋ na Moyis pak agəɗək akamə. Ya məffeten makra Yawe Maŋgəlva nam ɓa, məppan mambray nam mərahgən maɗɗula addəv gegesiŋ nok ɓa.

Hose'a 11:5

Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Hose'a 11:9

Nəkiy na herɗe akok ɓa, nəmndaw na əzan Efrayim ɓa; vi Maŋgəlva nani, ɗəf nan ɓa; a waloŋkum na, salala nani: nəde na dit herɗe ɓa.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 7:7

Ndəɗaŋ pak dəroɓ dəroɓəŋgə va movoro offo: tay əzimnin mətawaŋwən neti, milyeŋge net pak askotoŋko, ɗəf tay təttaka səret dədawhəm su ɓa.

Habakuk 1:12

Gala də ətəŋga, istə Yawe nawa, Maŋgəlva naw gəm Salala naw ɓa sa? Məmtə na ɓa! Yawe, kəɗi na kawtaw wəni; kəɗi milɓe na, sən kazga'i.

Habakuk 3:3

Maŋgəlva tay əzzan sə Teman, Salala səka mossorgo metiŋ na Paran. Məlĩ nan aknəhək disiŋ, əɗi kiya nan tay əknəh dəlvafuŋ.

Zakarya 10:5

Wassoŋ va gambereɗi, məndapanən ndərɓa aket tiveɗ də əlpa. Walpaŋgə, vi Yawe tay dənɗaŋ, ɗiy dəpeŋgeŋ aket pilseŋge warbaŋ wili.

Əmsak aka Mahenziŋ 17:16

Məlĩ nok van adawsan dit pilseŋge gidigidi ɓa, may adawslən ɗiy a Eziptə vi kalbəh pilseŋge diyɗa, adan Yawe anah sukumək na: «Kədamndoŋ dəka tiveŋ əmpa ɓa!»

Əmsak aka Mahenziŋ 20:1

An kəgilik kawgay dit məzuzelɗe noko, an kəwələk pilseŋge net dit mawteɗ nalpa net adayaŋgək kiyit en noko, kədawgeslne' sit ɓa, vi Yawe Maŋgəlva nok tay də isi, ndəni dəgilguk səka dələv na Eziptə.