Isaya 30:7 - Bible en Guidar

⁷ Əbbah na Ezipte zəga ɗari, ətər nan tay ɓa. Vini nəya na Rahab məs aɓla sə gəlan ɓa.

Isaya 30:7 ပူးပေါင်းရင်းမြစ်များ

Ɗerewel na Yob 9:13

An Maŋgəlva adək gədəv na, awbewgin ɓa, məbbahaŋ sən Rahab arbaŋgək wil abani.

Gəlyaɗe 87:4

In tat əŋɗet may ɗiy na Eziptə gəm Babilon aret en dəsənwəni. Filisti, Tir gəm Etiyopi, aŋ muwet pakə.

Gəlyaɗe 89:10

Istə kədawndama fərka na pehe; pay vovolumɗe nan asilyoŋgu, istə kədawɓətgiti.

Əgilye 14:13

Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.

Wənməkkpaŋga 25:19

Va slay ɗəf an arayka, va təl vədal, vaski əppan əɗɗum nok aka məzəmki ɗəf pay na tatwãhã.

Isaya 10:3

Mə kədaɗɗaŋ pay wəzəmsahã adazzan daga sə təki faraɗa di? Aza nawa kədanzoŋ əɗam kawrəh əbbah di? Nga kədaddoŋ əzaɓan arya nokum di?

Isaya 2:22

Məppan gabba əɗi əɗɗum nokum aka ɗəfa, əmpəs na məŋkən ɗəfi ɗarə. Miy ətər nan di?

Isaya 20:6

Pay dəpaska, ɗiy en dəssoŋ a ma məlpa dəŋ wanahaŋ na: «Vaŋki əɗɗum nawga zəga namə! Azam na məɗamək sədaka vi kawkay ɗəf nawkõhgəm səba məlĩ na Asiri. Mbarmbar mədawkõh kandi?»

Isaya 28:12

Ndən məs dənah sit na: Aŋ təki naffeti; məppan ɗəf məyan dəffeti. Aŋ təki nasso kiyuk foŋgoy. Dəŋgəm əprəmən ɓa.

Isaya 30:15

Vi aŋki an Yawe Maŋgəlva salala na Israyel anahə: əɗi marava gəm wəssa ɓatɓati yi wəkõh nokumu. Gbogboŋ nokum na, wəssa ɓatɓati yi gəm əɗi əɗɗum nokum akawa. Ya kəŋgəmaŋ ɓa.

Isaya 30:5

warbaŋ wil azet ɗiy məs atəraŋ sitin na wəray ɓa. Abbahaŋ sitin na ɓa, atəraŋ sitin na wəray ɓa, wassoŋ sitin ka zəga net wili də zəga narba wili.

Isaya 36:9

Ya mbambar kədawɓap ərɓəh taka naret deyeɗe nalpa, ya kəta dəsan məddakən nammbet deyeɗe nalpa na daya naw dayday zlaŋ di? Yas kəɗi əɗɗum nok aka Eziptə vi kawrah mawteɗ net pilseŋge gəm mepeŋgeŋ pilseŋge!

Isaya 51:9

Afɗahə, afɗahə aɓɓəlan zuko va Yawe. Afɗa va kədafɗa aka pay na sayit ɗiy en far lahəŋka. Istə kəbəlan gəm dətilik Rahab dohõtuya na pehe ɓa sa?

Isaya 7:4

Kənah səngən na: Asla zuko! Asok ɓatɓatə, kəgeslne ɓa, kədawŋgəm əppan mokrok əddak səbet motoffoɗe sula məzuzlaŋgən ɓa, səba ədagədəv net may Resin ɗəf na Aram də wətən Remalya ɓa.

Yeremiya 37:7

Vaŋ Yawe Maŋgəlva na Israyel anahə: «An kədawnəhaŋ sən məlĩ na Yuda məs dəslənkum azaw nassohõw yaŋka: “vanday net məzəlpaŋ na Farawən məs dəgil əbbah sukum tay əmndan aka dələv ananda a Eziptə.”»

Əɓuhma 3:26

Moggoni əga əkõh na Yawe də ɓatɓatə.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.