Isaya 30:32 - Bible en Guidar

³² Wərga də zleŋge pak, əzga na Yawe yi akani, waka sap də ɓaɓəlma gaŋgeɗe gəm gəzləŋtəndəŋɗe. Də əɓlan van adawgay dəndəni.

Isaya 30:32 ပူးပေါင်းရင်းမြစ်များ

Isaya 11:15

Yawe wakkpe' iŋkile na heleleŋ na pehe na Eziptə. Addəv gagdak nawda gədəv nani waɓlan van aka məlpa, warslan ka lolohet buhul waɗɗa ka ɗəf dəkkaɗgən dit hensek aka tələn palpalə.

Isaya 19:16

Pay dəpaska, Eziptə wasan va gili; wakker kpokpo an Daya Məzuɓappak aslanək van də əɓlan akani.

Isaya 2:19

Asna watoŋgoŋ addəv bətəŋ aggərma, addivit vovɗe ənzagəslne səba ədagədəv na Yawe faraɗa səza gagdak na məlĩ nan pay adawsilye əki geslne' aka dəlvafuŋ!

Ibriɗe 12:26

Ndən kan məs wəlaŋ akkergən dəlvafuŋ, apelik əpeləŋ na: Dərɓedərɓe faɗ na, dəlvafuŋ nədakkergik kaka ɓa, sap də disiŋgi yi'e.

Ezekiyel 32:10

Ɗiy diyɗa waggətaŋ aka wən noko, milyeŋge net wakkereŋ pay nədaɓlan masalam naw a maheret aka wən noko. Naway pak mazlavazlavan waɓoh pay kədazbəra.

Isaya 30:29

Wakəyaŋ gəlya, va dəfəɗ naddaŋ na wəzləra. Wakənnekeŋgi va ɗəf adadaw əsla tələn də pozloro, vi kawmbat aka mossorgo metiŋ na Yawe, milɓe na Israyel.

Isaya 24:8

Ənnek net dəgəleɗ aɓətka, gogoyo net məzəɗɗəlaŋ aggrakka, ənnek də gaŋgara aɓətka.

Ɗerewel na Yob 16:12

Pay nəsaw ɓatɓatə, aslaŋguwəka. Arməwək aza wəlawa yas ambərazlwa, aɗiwək azan va ɗəf məs azi haran akani.

1Samiyel 10:5

Sə dərɓagan Kəgapgən a Gibeya na Maŋgəlva, adak guvernerɗe net mə Filistiɗe assoŋgu. Pay kədawgap adak a walaŋgəla-metiŋ na, wakələm də ngaɓa net məskəleŋɗe dədaprikeŋ sə təki nawzaɓ-Maŋgəlva dit məbayaŋ gəzləŋtəndəŋɗe, məbayaŋ dəgəleɗi, məffoŋ pozloroɗe gəm dit məbayaŋ gaŋgaraɗe abeti; net sən kiyit tay əɗɗaŋ kəleŋgi.

Va'Atəŋ 31:27

Vimi kəɗam su is ɓak ənzok, mbo' əzaw məza ənah su ɓa di? Wanəppok əmbat kəta, dit gəlyeɗe nanneke, də dəgla gəm gəzləŋtəndəŋ ɓa sa!

1Samiyel 18:6

Dəmnda net məzəlpaŋ səza Davit abay mə Filisti na, gil na walaŋgəleɗe gugriɗ na Israyel pak agilyoŋ də wəya gəlya gəm də wəskəla, kawləm sən məlĩ Sawlu dit gaŋgaɗe dit salalayɗe gəm gaŋgaraɗe.

Isaya 10:24

Sən aski Daya Maŋgəlva Məzuɓappak anah na: Ɗiy naw məs dəssoŋ a Siyon, kədawgeslne'eŋ sən Asiri ɓa, tay əvəruk də tandaŋ, tay əslan zleŋge nan akok va net mə Eziptiɗ lahəŋka.

Isaya 24:1

Daya tay əraygən dəlva, tay əkkpaŋgan kapta-muyã, tay əkkpaŋgani, tay ətraygit ɗiy nakani.

Yeremiya 31:4

Wanəmsak əsilguko, wakəsili Israyel wakəgəm dəgəla nok əmpa wakəgil aret en məzumasaŋgə.

Ezekiyel 28:13

A Eden a guli na Maŋgəlva kənan lahəŋka, is tat dit gərmeŋge na sləma azoko: lawkakanya, maməlma gəm liwliwi, mabazaya, zulazula, gəm ɗolokɗoloku, titire, ɗiwɗiwi, gəm nzoloknzoloku; gəm meleŋge məvot gaŋgaɗe dit pozlorɗe nok dəndəni, zəgeɗ na mayã nokis tahəŋ zaɓɓa aka məzəməɗko.

2Alabaraɗe Də Mabərkiziti 32:8

An dəsan dəndən na gbogboŋ na ɗəf titiri yi, ya dəndəm na, Yawe Maŋgəlva nam narma vamə gəm nawgay addəv wəlpa nam temtemi.» Əpel Hizkiya məlĩ na Yuda apel temteməs asɓetik ɗiyi.

Isaya 10:26

Ndəni Daya Məzuɓappak aslan azlawar nan vi karga Asiri, va aɗɗa aket mə Madiyanɗe aka milɓe na Oreb; waslan zleŋge nan aka pehe va aɗɗa aka tive na Eziptə.

Isaya 31:4

Aŋki an Yawe anah suwa: An ɓoolu awaniɓa wət ɓoolu tay əhay ammba zəga nampər nani, awgeslne sən vaŋvəl net məzuteɗeŋɗe məs dərɓəzlaŋ akan ɓa, appan zən sən ərga net ɓa. Vas Yawe Məzuɓappak adawpirken aka mossorgo metiŋ na Siyon gəm aka mossorgo kaɗɗa əgaya.