Isaya 30:16 - Bible en Guidar

¹⁶ Yaŋ kənahaŋ na: vaski ɓa dit pilseŋge mədazzamə. Ndəni kədanzoŋgu. Pilseŋge nam tahəŋ də kakara azeti. Ya məzərɓohkumən wassoŋ kakara day kikum!

Isaya 30:16 ပူးပေါင်းရင်းမြစ်များ

2Milyeŋge 25:5

Yaŋ məzəlpaŋ net mə Kaldiyeɗ azbanən məlyã, arufnən a təki məpəlayya na Yeriko; məzəlpaŋ nan pak kuya' səzani.

Ɗerewel na Yob 39:11

Wakəɗi əɗɗum nok akan vi tay də gbogboŋ sawɓa gəm kappan wəza nok pak akan sa?

Gəlyaɗe 147:10

Gbogboŋ na pələs annek zən ɓa, anneken zən də gurom na ɗəf ɓa.

Gəlyaɗe 33:17

Aza əska wəla na, pələs uwawəni ɗarə, də kəkərtəh nan pak awkõhgən ɗəf ɓa.

Isaya 2:7

Dələv net aknahək də meleŋge gəm də təbəz babara arya net agrak ɓa. Dələv net aknahək dit pilseŋge gəm dit mawteɗ net pilseŋge.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 31:3

Mə Eziptiɗ na ɗiyəŋgə, meŋgilveɗiŋgə ɓa; pilseŋge net pilseŋgeŋgə, tahəŋ də əpsa day ki an məsərək ɓa. Daya əppar van kaka na: məzutər waskotu, ɗəf məs adawtər tamə, wazbərə, sulegit pak wagrakaŋgə.

Yeremiya 39:4

Səza Sedekiya məlĩ na Yuda dit məzəlpaŋ nan awlenni, anzoŋko, agilyoŋ də dəfəɗ sə walaŋgəla-metiŋ dəka tive na guli net wəleŋɗe na məlyã, də mative na walaŋgit zlavaɗe sula. Agilyoŋ dəka tive na Araba.

Yeremiya 4:13

Awla yaŋ tay əzzan va slaybuwna. Mawteɗ na pələs nan tahəŋ va barkataŋ, pilseŋge nan tahəŋ də kakara dayki gazla. Əray akamə, mərayka.

Yeremiya 46:6

Məs tələn nek akõh na ɓa, gurom nalpa akõh na ɓa, də tapaslay pay na kəla disiŋ ama Efrat, wataŋgbayaŋ, waskotoŋgu.

Yeremiya 52:7

Məɓliwni zlava na walaŋgəla-metiŋ. Məzəlpaŋ pak anzoŋko, agilyoŋ sə walaŋgəla-metiŋ də dəfɗa dəka tive na walaŋgit zlavaɗe sula məs go'o də guli net wəleŋɗe na məlyã. Də mə Kaldiyeɗ asərngəslən walaŋgəla-metiŋ na Yerusalem zlaŋ, agulyoŋguk dəka tive na Araba.

Əɓuhma 4:19

Məzərɓahamən adayaŋgək kiyit gazlaɗe na disiŋ də kakara. Tay ərɓahamən aket mossorgoɗe. Əvoŋ səmən a kapta-muyã.

Amos 9:1

Nulak Yawe ziwwe aka matuya. Yaŋ amna: Atəɓ kiyit dədəkeɗi, gebbet dəbuzluŋgurgəni! Akkrep aka kiyit anet baymeti, an tahəŋ dəmbraŋ əmpa'e na wanəɓeret də masalam. Ɗəf tay nawɓap ənzan ɓa, ɗəf tay nawndəwəɗ ɓa.

Mika 1:13

Ɗiy na Lakis, mətok mawteɗ ammbet pilseŋge nokum. Vi siskey suwer mambray na Yerusalem, vi anokda mərəh əɓoŋ na Israyel.

Habakuk 1:8

Pilseŋge nan kakara azet daykiyit de'enɗe də ənza, folfoləŋ daykiyit kirɗemuyã də moskoyo, məpeŋgeŋ pilseŋge nan tahəŋ əzlahaŋgə, məpeŋgeŋ pilseŋge nan sə faraɗa adozzoŋ dəveŋ va gazla dawgəm zən aka slu nani.

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 28:49

Yawe waslin ɗiy sə təki faraɗa akoko, sə metteɓ ma dəlva, əveŋgeŋ va gazla, ɗiy məs kaprəm ma net ɓa,