Isaya 3:8 - Bible en Guidar

⁸ Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.

Isaya 3:8 ပူးပေါင်းရင်းမြစ်များ

2Alabaraɗe Də Mabərkiziti 28:18

Dəzet mə Filistiɗe, net tam agulnin walaŋgəleɗe gugriɗ na Bagərma gəm na kəla dohoŋ na Yuda; amõhinik Betsemes, Ayalon gəm Gederot, gəm əmpa Soko, Timna, Gimzo dit walaŋgəleɗe en meɗmeɗ na meŋgeveti, assoŋ adak də gəla.

2Alabaraɗe Də Mabərkiziti 33:11

Yas Yawe appet deyeɗe net məzəlpaŋ na məlĩ na Asiri əzzoŋ aketi: armanən Manase dit makalawɗe, aynanən dit ŋgiyamɗe na təbəz pepreŋ heret sula, akanən a Babilon.

Wənməkkpaŋga 26:27

Dəso' vov na, wabət addəvən. Məkəɗŋgəl gərma, gərəm van wamil akani.

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Isaya 57:4

Aka naway kədawmasaŋ di? Aka naway kədawha'ənən mokum gəm əɗɗa hərzlumkum talyãk di? Kirin məɓoŋkum kənanən gəm gebbet muwaŋ wən ɓa sa?

Isaya 59:3

Vi vokum tay totoptotop dit mbeli, kirtin vokum tahəŋ də heslepe, mokum tay uwawəna, hərzlumkum tay wərwər əpəl mbərayən.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Yeremiya 23:36

Kədawnahaŋ na, əpel na Yawe zəga miynan nawslay əmpa ɓa. Vi wasan zəga miynan nawsla aka ɗəf məs dəpeli. Mənokum əkkpaŋgan əpel na Maŋgəlva madarani, Yawe Məzuɓappak Maŋgəlva namə.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 4:13

Awla yaŋ tay əzzan va slaybuwna. Mawteɗ na pələs nan tahəŋ va barkataŋ, pilseŋge nan tahəŋ də kakara dayki gazla. Əray akamə, mərayka.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Əɓuhma 1:9

Ərnok tay aza gabba lukut nani aɗɗumon an nazzan abe ɓa. Əzbər nan agəɗək va na sekene, məzəbbah sən tay ɓa. Yawe awla əzəmsahã nawa; awla va məzuzel naw adawɓaya.

Ezekiyel 8:12

Aɓsu na: «Is ɗəfa, kulak an ɗiy məsɓet net Israyelɗe adaɗɗaŋ ara guzliyo, naway pak addəv giziŋ na maŋgəlva nanəŋ sa? Vi tay ənahaŋ na: “Yawe awləm na kpak ɓa; Yawe azganək dəlva.”»

Ezekiyel 9:9

Yaŋ aɓsu na: «Heslepe na Israyel də an na Yuda adayək sawɓa, dələv aknahək də əbay gəbaya, walaŋgəla-metiŋ arayka; vi aɓɗaŋ na: Yawe azganək dəlva; tay an Yawe adawla ɓa.

Hose'a 5:5

Wəkaɓ na Israyel tay ətawwən akani. Israyel də Efrayim ataŋgbayãŋgək vi heslepe neti, Yuda pak ataŋgbayə̃k dənɗaŋgə.

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Mika 6:12

Məs aryeɗ na walaŋgəla-metiŋ aknahaŋgə də daraw ɗiy nan tahəŋ uwawəna, a beret na, hərzlumit na tepelke yi.

Habakuk 1:13

Horok nzoŋzoŋgi nawla mbərayən, kəɓap na kawla əsərma ɓa; ya vimi kədawle məzəmaŋ kiya di? Wakəsok ɓatɓat an məsdaraw tay əsɗək ɗəf an təstəs day kiyən sa?

1Korintus 10:22

Awaniɓa mam aka əsilgin kotorok na Daya sa? Gbogboŋ mənan daykiyən sa?

Zuda 1:15

Vi kawtawwən aket ɗiy pakə. Karbə sit wil sit ɗiy mbəreyit aka wəza mambray net pakə, gəm aka əpel mbərayən məs mambrayɗe gəm ɗiy mbəreyit adawpeleŋ akan pakə.