Isaya 3:24 - Bible en Guidar

²⁴ A gəla tursan na zəga məŋgənən, a gəla helege nagze helege ɗarə. A gəla ətroɗ kiya təstəs na, kiya məklãhəŋ; a gəla lukut silip na sləma, lukut na gəlabaya. Əzla noffo a gəla gəɓa zə ɗəf lekeɗeklekeɗəki.

Isaya 3:24 ပူးပေါင်းရင်းမြစ်များ

Ester 2:12

Pay nadda nat goruk taka səret pak adawgap nadda aza məlĩ Ahasuwerus na, an təsatək təla kəlaw kiyən sula va mahenziŋ net gil aɗiya. Vaŋki pay nawzleren zit van awɗakə: Təla sləre sən mẽl adawyaŋ na mir, təla sləre əmpa sən mẽl məfok neki gəm zəgeɗ nawbay gawla net gili.

Ɗerewel na Yob 16:15

Lukut na sak nərmah aka gəba zu mətawan naka nəguluk kiyu ammba burɗuku.

Wənməkkpaŋga 31:24

Ndət əhõ lukutɗe lelekeɗekɗe na ŋgərayã may maslapa na gize, ndət əvilit sən məgəɗ terere.

Wənməkkpaŋga 7:17

Nərdəsək təki nawvoŋ naw də tursan na mir, na tigbire gəm na sinnamom.

Isaya 15:2

Ɗiy addoŋguk addəv gəla net meŋgilveɗi a Dibon apeŋgeŋgik addəv gəleɗe net tuyeŋge vi kawhəm adaka; Mo'ab tay əska morkoyo ammba Nebo də Madaba, kiyit məfaɗən beymet də eŋgemet pakə.

Isaya 15:3

Aket tiveɗ nani, ɗiy aguloŋguk lukutɗe na gəlabaya; aket gəleɗe məggba'aɗe gəm aka təki nakkal net ɗiy nan pakə, ɗiy tay əskaŋ morkoyo, tahəŋ də sin aret zlummo.

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 3:23

zəgeɗ nawla hara ɗəf dəndəni, lukutɗə va gbəŋtəŋɗe məsilipɗe, kulpupu nat ma'ãykə gəm məsərət kiya.

Isaya 4:4

An Daya askoɓuk ərgã' net kirin muguluŋgit na Siyon gəm an aɓəlkitik mbel səddəv Yerusalem na, waffon səmyã na ətawwəna gəm na əza,

Isaya 57:9

Kəppayək mẽl kadda aza məlyã kəgəɗək tursan diyɗa. Kəslinik maslənɗe nok faraɗa, kəpirkik hã gap a təki net ɗiy mimtiti.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 48:37

Vi naway pak afaɗək kiyən, afiwik eŋgemeni. Antarək van pakgəni, aynaŋgək gabaga na sak a gizeti.

Yeremiya 49:3

Hesbon aɓuh moko vi məzani Ay. Meggeŋgiɗin Rabba məhəmə məgul lukut na gəlabaya, məɓuh mokum, məgəɗ ndəwi ndəwi addəv zlava: vi məlĩ net tay əmbat aka balam sap dit məsdəlveŋge gəm ɗiy gugriɗ nan pakə.

Yeremiya 6:26

Ɗiy nawa, mugul lukut na gəlabay azokum məpətukul aka moŋglo va əska morkoyo ammba wiyin karmalay dəmtə, muɓuh mokum ɓəluwɓəluwə, vi məzuraygən təki wade akam girziki.

Əɓuhma 2:10

Ɗiy məsɓet na Siyon assoŋguk afuŋ gurom, ɓata'ɓata'ə. Aziyaŋgək burɗuk aka kiti. Tahəŋ də lukut na gəbay ezeti. Gorɗeŋge na Yerusalem kiyit təktək afuŋ. Aguloŋguk lukut na gəlabay azeti.

Ezekiyel 27:31

Wafaɗnən kiyit ammboko, waynaŋ gomboɗok. Wahəmaŋ ammbok də mekret əsseti, waɓuhnən met diyɗa.

Ezekiyel 7:18

Waynaŋ gabaga na sak agzeti, geslne warme. Wil wassoŋ aret pakə, kiyit pak məfaɗən foslfoslə.

Yo'el 1:8

Ahəmgən kiyuk va waŋ ŋgbuɓɓo tiynə sakazlaŋ na gəlabaya, tədawhəmgən zələt an na gore nata.

Məsdəlveŋge 26:16

asna an nədawgəɗ sukum yaŋka: Wanəgeslne' gukum də ətara gəm gamba naddakan horokum may navviren zeŋgilokum. Wakəslgannən guli nokum sam mekeleŋ məzuzelɗe nokum dədawzəmnəni.

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Mika 1:16

Məfiw kiykum, məfaɗ kiykum, aka betemit kirtukum məs kəŋglaŋgə, məfaɗ kiykum dəsangən vorzloho va na mogdoku, vi tay əsimgitin ɓa' səzoko.

Əmsak aka Mahenziŋ 28:22

Yawe watarguko, waki wənsla akoko, mamalə, wəzla noffo, koloy, doŋgoyoŋ gəm muŋgusu, wazbokun hã is həhəyə.

Əmsak aka Mahenziŋ 32:24

Pay may adaddeketi, mamal wagime, əza metiŋgin warihe, wanəppet zəgeɗ darewit aket dit zəgeɗ mədawaŋ də gədəvit aka dəlvafuŋ.

1Piyer 3:3

Lelew nokum adawsan dəppaka ɓa: wətroɗ kiya, miypa'a na meleŋge, mãy lukutɗe na sləma ɓa,

Hənhən 11:3

Wanəslin miziweɗe naw sula, dəɗɗaŋgən kəleŋ də lukut na gəlabay azet zəga na əvoŋ gabal də səkat sula də kaklaw sləre (1 260).

Hənhən 16:9

Ɗiy azlaŋgək də kəɓakkəɓak nani; aranənək iya na Maŋgəlva ndən məs də gagdak aket tatwãhɗeski, dəɗiyaŋ marava kawgagdakan dərəŋ ɓa.

Hənhən 18:9

Məlyeŋge naka dəlvafuŋ dəkuhwaŋ a gizbe dəndən gəm dəsapaŋ addəv ərəh nan diyɗaŋ pak wahəmaŋ an awlanənək enene na offo dərəm akani.