Isaya 3:15 - Bible en Guidar

¹⁵ Vimi kədawndepin ɗiy naw gəm kədawbayaŋ gəgay sit məssehẽŋɗe di? Daya Yawe Məzuɓappak aɗiymani.

Isaya 3:15 ပူးပေါင်းရင်းမြစ်များ

Gəlyaɗe 94:5

Tay əŋkinnin ɗiy noko, Yawe! Tay əsərnən met en nawray noko;

Əgilye 5:14

Mətaɗaŋ wəza na Farawən tahəŋ wərgetin məzuvereŋ net mə Israyelɗe, en aɗiyaŋ aket ɗiy neki, də wənahaŋ na: Vimi kəgrakənən ənɗa net mənekeɗe an məɗi wən nan dəpaŋ gəm nafɗaŋga va nabes nafɗaŋga ɓa di?

Wənməkkpaŋga 30:14

Sayit ɗiy tay məs sleyit va masalam, polkomit va slohõ vi kawzet məssehẽŋɗe səka dəlva gəm məzurayɗe səweleŋgit ɗiyi.

Isaya 10:2

Vi kawɓoŋ sit məssehẽŋɗe dawtaw wən net təstəsə, ka kawtak təstəs net məssẽhẽŋɗe naret ɗiy nawa. Ka gil net gəbayɗe dəssoŋgən ka zəga nawrəh na mawgay ka neti gəm keppit mitiweɗi.

Isaya 14:30

Asna ɗiy en dəddakaŋ diyɗa wataɗaŋgə, ɗiy en dəssoŋ na sãhã waddoŋ əvoŋ kiyit foŋgo. Is hara na wanəzan slalwayuk də mayã, wanəbey ɗiy nok en dəppaŋ medereti.

Isaya 26:6

Məzurayɗe dit ɗiy məddekit wandapanən ammba tilti.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 30:12

Aŋki an məs Salala na Israyel anahə: Adan kəzeleninik əpeləŋka, kəppanən maɗɗulokum sən ɗarɗar gəm əraya gəm kəmpanən təlkum akani.

Isaya 32:6

Vi dərwa tay əpel na dərwa, makran aka mbərayni yi, kaɗɗa an dədah ɓa gəm kawran Yawe. Wappan ɗəf an də may addəv maya, watak məs meme adawdaŋ dawsa iŋkile.

Isaya 5:7

Vi guli net megezlembirkeɗ na Yawe Məzuɓappak na, ɗiy na Israyel əŋgə. Megezlembirke dədanneken zən vani, ndəni Yuda. Aɗiyək əɗɗum nan na wadawaŋ sarara, awla na əggbo mbeli yi, wadawaŋ təstəsə, awla na əhəm də əɓuhma yi.

Isaya 58:4

Mənokum tat əɗɗa meme, mənokum tat əgayaŋgə gəm ərgan zukum na darawə! Kəɗɗaŋ meme va dəslə ka nəprəmgən əkkam nokum sə disiŋ ɓa.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Ezekiyel 18:2

«Vimi kədawpeleŋ wən məkkpaŋgaŋ aka dələv na Israyel dawnəh na: Efiŋgiɗit kirin ampəraŋgək megezlembirkeɗ məgelti, yaŋ abay sleyit kirtiti di?

Yonas 1:6

Daya net məŋkoroŋ bəlay adek azani, aɓsən na: «Miy kədaɗɗa aŋ di? Əleŋ kədawleŋ sa? Asili, aɓuh mok sən maŋgəlva noko! Kuzuŋ maŋgəlva waɗɗum akam, mədawza ɓa soko.»