Isaya 3:14 - Bible en Guidar

¹⁴ Yawe atoŋguk ətawwən aket ɗiy misɓet net ɗiy nani gəm deyeɗe: mənokumtə kəzletin megezlembirkeɗi; gəleɗe nokum tahəŋ mbe'mbe' də zəga an kəhalaŋ səvet məssehẽŋɗe.

Isaya 3:14 ပူးပေါင်းရင်းမြစ်များ

Ɗerewel na Yob 22:4

Vi kəsok məzugeslne sən adazga suk sa? Adawmbat də is aka wətawan wən sa?

Ɗerewel na Yob 24:14

Məbaygəbay wasil tak təki əddaŋga, wabay məssahã gəm məzuraya, də dəfɗa tay va məhala.

Ɗerewel na Yob 24:9

Tay əmõhnin mitiweɗ na gəgay səmet bide, tay ətafaŋ zəga taf bas səva məssahã.

Ɗerewel na Yob 34:23

Wəray na Maŋgəlva tay aza əkoson wən na ɗəf vi kawkan aba ətawwən ɓa.

Gəlyaɗe 10:9

tay sorro, məɗamən va ɓoolu a təki nawɗam nani; tay sorro vi karma məssahã; tay ərma məssahã də əkkənən addəv bizwil nani;

Gəlyaɗe 14:4

Məɗɗaŋ mbəraynəŋ pak dəsənən ɓa sa? Məzuzimnin ɗiy naw va adawzəmaŋ waya, akkamanən Yawe ɓa!

Gəlyaɗe 143:2

Kətoŋ addəv ətawwən də balam nok ɓa, vi ɗəf madaran tay təttaka təstəs abok ɓa.

Wənməkkpaŋga 30:14

Sayit ɗiy tay məs sleyit va masalam, polkomit va slohõ vi kawzet məssehẽŋɗe səka dəlva gəm məzurayɗe səweleŋgit ɗiyi.

Isaya 10:1

Əray yi azet ɗiy məɗiyaŋ wən an tay təstəs ɓa, məgəmən zit əver mahenziŋɗe məzəkiyaŋ əzəmsahã

Isaya 10:2

Vi kawɓoŋ sit məssehẽŋɗe dawtaw wən net təstəsə, ka kawtak təstəs net məssẽhẽŋɗe naret ɗiy nawa. Ka gil net gəbayɗe dəssoŋgən ka zəga nawrəh na mawgay ka neti gəm keppit mitiweɗi.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 14:30

Asna ɗiy en dəddakaŋ diyɗa wataɗaŋgə, ɗiy en dəssoŋ na sãhã waddoŋ əvoŋ kiyit foŋgo. Is hara na wanəzan slalwayuk də mayã, wanəbey ɗiy nok en dəppaŋ medereti.

Isaya 26:6

Məzurayɗe dit ɗiy məddekit wandapanən ammba tilti.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 30:12

Aŋki an məs Salala na Israyel anahə: Adan kəzeleninik əpeləŋka, kəppanən maɗɗulokum sən ɗarɗar gəm əraya gəm kəmpanən təlkum akani.

Isaya 5:7

Vi guli net megezlembirkeɗ na Yawe Məzuɓappak na, ɗiy na Israyel əŋgə. Megezlembirke dədanneken zən vani, ndəni Yuda. Aɗiyək əɗɗum nan na wadawaŋ sarara, awla na əggbo mbeli yi, wadawaŋ təstəsə, awla na əhəm də əɓuhma yi.

Isaya 58:4

Mənokum tat əɗɗa meme, mənokum tat əgayaŋgə gəm ərgan zukum na darawə! Kəɗɗaŋ meme va dəslə ka nəprəmgən əkkam nokum sə disiŋ ɓa.

Yeremiya 12:10

Məzuteɗeŋɗe diyɗa araygitinik megezlembirkeɗ nawa, andapanənək guli nawa. Akkpaŋganənək guli məs nəŋgəl ka kapta-muyã daŋdaŋgə,

Yeremiya 5:27

Va bəbəta dəknah dit biŋgeɗi, vaski gəleɗe net aknahaŋ dit zəgeɗ na vərumu. Vini aɓayaŋgə, assoŋ məs aryeɗi,

Ezekiyel 18:12

Tay əsər ma məssahã gəm ɗəf məzəmsahã; tay əhãla; amndan zəga an ataf bas aka dəmən nan ɓa; tay əppan kiyzən sit meŋgilveɗi; tay əɗɗa zəga daryawə.

Ezekiyel 20:35

Wanəkukum a kapta-muyã net ɗiyi, nətawgən wən akokum adak haram aza zəm sekseki.

Ezekiyel 20:36

Va nətawwən aket efiŋgiɗkum a kapta-muyã na dələv na Eziptə, vaski nədaɗɗa də mənokum. Daya Yawe aɗiymani.

Məsdəlveŋge 25:14

An mənokum tat əman vokum na, an zəga kəvəl sən məlmuko, awaniɓa zəga kədalbəh səvani, ɗəf sərokum adappət məlmən ɓa:

Məsdəlveŋge 25:17

Ɗəf səmbokum adappət məlmən ɓa; vaski kədawgeslne sən Maŋgəlva. Vi intə Yawe Maŋgəlva nokum.

Amos 2:7

Vi aŋglaŋgək ula burɗuk naka dəlvafuŋ aka kiyit ɗiy məddekti, ndəɗaŋ ədoɗonən tive net məssehẽŋɗe. Ɗəf də afən əddoŋ azat waŋ taka, vas adawraygənən iya naw salalaŋka.

Amos 4:1

Məprəm əpeləŋka, met wasliɗe na Basan dəssoŋ aka mossorgo metiŋ na Samari. Mənokum məzimgitin sahã net ɗiy məddekti, məsərən met məzurayɗe may məzunah sitin deyeɗe nokum na: «Akiya, məsegənəŋki!»

Mika 2:1

Tatwãh aket məɗɗumoŋ mbərayən, məslanən zit aka zəga nawvoŋ net kaɗɗa mbərayən, təki əddaŋ na, ndəɗaŋ əɗɗani, vi tahəŋ də gagdak naɗɗani.

Mika 2:2

An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

Mika 3:3

Məzəmaŋ sliwit ɗiy nawa. Məttorən kotorok neti, mənzlaŋ slesleŋti, mərsletin va nawɗi a mesteɓe va slu addəv mesteɓe.

Mika 6:10

Zəga na vurum tay məzaɓan eŋgil ana məsdaraw da, gəm huloŋguk maɗawak nawsla zəga məs nəzel sa?

Matiye 21:33

Ya məprəm wənməkkpaŋga maɓɓani: Ɗəf afən gəla ampək guli net megezlembirke, abas kiyən də mambara, akkpihik katafay nawɗot uwa net addəvni, arkak gəla məɓayən nawga guli van addəvən. Appan guli van avet məɗɗaŋ wəza ka nawfaɗ sən akani, ndən mbat malaka.

Yakob 2:6

Ya nokum munokum tat əzeletin məssehẽŋɗe. Ya naway dədawzəmgukum sahã gəm dədawkukum abet mətawaŋ wən di? Məsaryeɗəŋ ɓa sa?