Isaya 28:7 - Bible en Guidar

⁷ Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 28:7 ပူးပေါင်းရင်းမြစ်များ

Gəlyaɗe 107:27

Kiyit viwwe ətotrokoŋ va məs mbazla abayə maɗɗulet pak ahəhəɗəkka.

Wənməkkpaŋga 20:1

Mbazla akkpaŋgan ɗəf məmas aka ɗəfa, mbazla tatrah tam məklopo; dəppan zən sit pak asan na məsmaɗɗula ɓa.

Wənməkkpaŋga 23:30

Ɗiy mənziyaŋ a gəla mbazlaŋgə, məkayaŋ gəla mbazla tatrãhəŋgə.

Məsmaɗula 10:17

Neneki azoko, is dələv məs məlĩ nok dəsan gebbet milyeŋge gəm ɗiy gugriɗ na wəza nok məzəmaŋ də pay nani vi kawrah gbogboŋgo məza vi sən kawsa ɓa!

Isaya 19:14

Daya akiyək əmpəs nawza aweleŋti: Tay əzanən Eziptə addəv an adaɗɗa pakə. Va məs mbazla abay adawkəɗəŋgəl aka əpar nani.

Isaya 22:13

Mbaraka ənnek kədannekeŋgi: kətawaŋgək wəlet wasliɗe, wəlet gilewi, mənokum tat əmpəraŋ sluwa, mənokum tat əsa mbazla məzəm səmə, məsə səmə, vi mazayən waməmtə.

Isaya 24:2

Əray məstaka dədawrəh məsdəlva va ɗiy-ɗarə, daya va ɗəf məgəɗ wəza nani, dayakə va balamək nata, məvəl zəga va məlbah zəga, məpsən dəmən sən ɗəfa va məŋgəl dəməna, məs dəmən nan nawfaɗ də iŋkile akan aka ɗəf va ɗəf məzban dəməna.

Isaya 24:20

Geŋgeɗ-geŋgeɗ dəlvafuŋ aɓəl va məs mbazla abayə, tay əɓla va gizlirge nawga. Mambray nan tay gədak akani, askotko, asil na əmpa ɓa.

Isaya 28:1

Əraya! Məs mbazla abay na Efrayim tay əkaɓaŋ də walaŋgəla-metiŋ dəsan mətərkiya, dəzlzlet hã aka walaŋ məs ba'ar gagdak nan aɓətək va uffiyo məɓətən aket məs mbazla abayə.

Isaya 29:11

Hənhən bayman asan sukumək va əpel naddəv ɗerewel mətip man məs adapsənən ɗəf məs dəsən əŋɗan əver də wənah sən na: «Aŋɗan ɗa» yaŋ azlan na: «Nəɓap na ɓa vi mətipni mani.»

Isaya 3:12

Kirin memeɗeŋɗeŋgə məzuzəmgətin sahã net ɗiy nawa; giliŋ dəzəmaŋ məlĩ aketi. Ɗiy məzədawgitin ɗiy naw tahəŋ əmzlahaŋ səka tive, gəm tahəŋ əraygən tive neti.

Isaya 43:27

Afuk agəɗək mambraya; maslənɗe nok atemeŋgik akawa.

Isaya 5:11

Əray yi azet ɗiy en dədawsilyoŋ də mompumo pum, əzban mbazla tatrãh nawsa, ɗiy en dədawtəpgənən pay ama mbazla tahəŋ dilili də mbazla aketi!

Isaya 5:22

Əray yi azet ɗiy guromɗe nawsa mbazla, məs gbogboŋɗe nawsapan zev mbazla məhəsən awandi pakə!

Isaya 5:23

Tay əkaŋ wən ammba məsdaraw vi adawrəhaŋ zəga na mapalay səvani, tay əgayaŋ ka təstəs net ɗiy en dəɗɗaŋ zəga ta'sa ɓa adawla ɓa.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 23:13

Nəwələk zəga nassa anet məskəleŋɗe na Samari da, ndəɗaŋ əɗɗaŋ kəleŋ də iya na Ba'al ndəɗaŋ əzetin mə Israyelɗe ɗiy nawa.

Yeremiya 23:16

An Yawe Məzuɓappak anah yaŋka: Kədaprəmən əpel net məskəleŋɗe ɓa en məzupeleŋ sukumən va məskəleŋɗeŋ na əza adawzokumuni, əɗɗum na mekret adawpeleŋgi səmaw in Yawe yi ɓa.

Əɓuhma 2:4

Anslənək bəle nan va məzuzel adawziw van dəzəŋ ta' aka uhõ. Va masa, abey zəgeɗ məs hara ɗəf adawla lew pak sə gizlirke na Siyon. Akgbo'uk ədagədəv nan va offo.

Ezekiyel 13:7

Ula nawmbəɗ kulaŋ ɓa sa? Helik na hĩyãw kəskaŋgə, kənahaŋ na: Əpel na Yawe yi, ya naw nəpel ɓa.

Ezekiyel 44:21

Məsdələv pak adawsa mbazla an watoŋ a daŋgla ɓa.

Hose'a 7:5

Pay na wəzləra na məlĩ na, ɗiy gugriɗ azgaŋgək gbəgba' sən tatrah na mbazla, atəl van sit məmasaŋ aka ɗəfa.

Mika 2:11

An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

Habakuk 2:15

Əray aka məpsən mbazla sən meggeni! Kəslahãnək muwən nok vi dəgəɗgən gərəŋgərəŋgə, vi kawla zən mekeleŋ.

Habakuk 2:16

Dit wili yi kəbə day ki də gagdaka! Asə tam ɗa, kəppangən gaŋyã nok appaka: məɗawak na va dəzəŋ na Yawe watəkkpaŋ akok gəm ərba wil aka gagdak noko!

Matiye 24:29

Dərɓaga əzəm sahãs ləŋgə, pay wattiri, təla akasak na ɓa, ngərzleɗ wayyo'oŋ sə disiŋ, gagdakɗe na disiŋ waguguslu'oŋgu.

Luka 21:34

Məsla zukum vi mokrokum adawgəgrəŋ aka əzlər mbazla ɓa, aka əbay na mbazla, gəm aka əɗɗum aka ənziya egge ka pay nan kazzan mədigirzike akokum,

Efesus 5:28

Vaski yi'e zeli, diŋgluwin gil net va aŋglunən ziti. Ɗəf məs dəŋgluwət goni, ana zən aŋgələ.